يامهات ياخبيرات في الحراره

ياخبيرات فهموني

ولدي اذا ارتفعت حرارته لو نص درجه يصير جلده كانه مبقع ازرق

وكله اذا وديته التهاب في الحلق

والحمدالله لنا اسبوع من تركنا المضاد

واليوم حار الجو
وبيتي مكتوم ومابعد شغلنا مكيفات خايفه عليه لان معه التهاب في الصدر

الموهم لبسته اليوم بجامه كم طويل وهيلاهب لان شفت رجله بارده
قست حرارته لقيتها 37 ونص
نزلت ملابسه وحطيت له تحميله وهو عادي يلعب وجسمه مافيه الون الازرق الي متعوده اشوفه عليه اذا ارتفعت حرارته
وارجع اقيس لقيتها 37
مو معقوله التحاميل يمديها سوت شيئ!!
الموهم نيمته بلفنيله العلاقي
وكل ماقست حرارته عاديه
والمغرب رجعت لبسته بجامته بدون الهيلاهب
ويلعب الين انتهئ مفعول التحميله رجعت قست حرارته لقيتها 37 و5
ع طول سوت له رضعه وحطيت فيها شراب حراره
ونزلت ملابسه وشربته الرضعه وعرررق اصلا له فتره. يعرق بعد مايرضع
ومسحت عرقه وبعد ماشرب رضعته قست حرارته لقيتها 36 و9
مايمدي الشراب سوا شيئ ههههه
انلحس مخي قسم 
يالجهاز خربان والا انا الموسوسه 
وحرارته ترتفع من ملابسه الثقيله!!!!!
خرقت اذن ولدي  من كثر مادخلت فيها الجهاز
تعبت وتعبته
اشرحولي!!!!
وين الخلل
اتوقع كلكم بتقولون فيني
راجعو مواضيعي بتدرون انه مبهذلني ومخوفني عليه لاتلوموني

وهذي الايام يعضض ع يده ويبكي
وراسه حار من يوم جبته نادرا مايبرد بس الراس
وسعابيله كاااثره بشكل بس مدري تسنين
والا من الفطريات لان قبل اسبوع كان معه فطريات ومانتظمت ع الجل حقها
بدون اسهال معه امساااااك
طبعا عمره 3 شهور
وحده قالت لي حطي موية المره ع الغاذيه تاخر ظهور الاسنان وحطيت له
تقول مجربتها في عيالها
وكيف اتاكد ان الحراره الي تجيه من الحر ومن ملابسه مو من تعب!!!!
طيب وش البسه  دايم الي معهم التهاب في الصدر مو يلبسون كم طويل والا موشرط
طيب عادي انومه عند المكيف ذبحنا الحر
والا بيتعب صدره 
التهابه >> التهاب رئوي حاد. طبعا جاله من كان عمره شهرين
قلت قصة حياتي وحياته اسفه 

ويوم الخميس تونا مطهرينه وباقي مجروح جرح صغير كيف. يروح ؟؟؟؟

هو من النوع الي يعرق حتئ في الشتاء
والحين ملاحظه عليه لرضع عرق جبهته!!!

ومن يوم جبته وبطنه منفوخ غازات ؟؟

وبرازه اخضر

اقرو. وركزو وجاوبوني ع اسلتي

حرارته وتطهيره وغازات والبراز الله يكرمكم......

عطوني حلول