ياموظفات ياللي تخافون على اطفالكم ..هلموا هنا الحل

السلام عليكم ورحمة الله وبركاته
اخواتي الموظفات..من زمان عندي حل اعطيه الموظفات عشان عيالهم ..بس محد معطيني وجه..والان كل مازادت الجرايم بحق اطفالنا كل ماتاكدت ان مافي الا انكم ياموظفات تطبقون فكرتي بحذافيرها..
الاخت الموظفة..هي ام وربة منزل بالمقام الاول ثم موظفة..عندما قبلت بالوظيفة كانت تعلم بان هناك تضحية ..لانها انسان ولاتستطيع ان تحمل نفسها فوق طاقتها..عمل في الوظيفة وعمل في المنزل ..مهما يكون هي انسان ولها حد للتحمل..فمن المستحيل ان نقول..استغني تماما عن الخادمة.ولكن اليك عزيزتي الموظفة الحل........صحيح ان من المفروض وجود حضانات في المدارس وهذي الفكرة لنا عشرات السنين نسمعها ولاحياة لمن تنادي ..طيب هل خلاص نستسلم ونحمل وزارة التعليم الخطأ ونترك عيالنا عند الخادمات بحجة عدم توفر حضانات في المدارس ام نتصرف؟؟؟
انتي موظفة وعندك راتب فبدل الفلوس اللي تحطينها في الخدامة حطيها في حضانات لاطفالك اللي دون 3 سنوات .
اكثر من كذا روضة او تمهيدي مع اختيار المدارس اللي توفر مناوبات مع الاطفال حتى انتهاء امهاتهم من الدوام..لان بعض المدارس يطلعون الاطفال الساعة 11 ونص والام ماترجع الا وحدة..
بما انك موظفة وفري في بيتك غساله اوتوماتيك ومجففة ملابس حرارية وغسالة اطباق..والغداء جيبي جاهز والعشا اطبخيه وكل اربعاء جيبي خدامة تنفض البيت من الى..
لاتقولون مستحيل..كل شيء بالتعود يصير..ومافي تعب يضيع في الاولاد ..عادي اتعبي..
مره في صباح الخير ياعرب جابوا هذيك الدكتوره هبه قطب وتقول ان مشاكل الانتهاكات الجنسية من الخدم كثيرة مره في الخليج .تدرون ليه لان الاجانب مايعتمدون على الخادمات في اطفالهم..امريكا اللي دخل الفرد فيها مرتفع جدا مقارنة بدخل الفرد في الخليج.. غالبيتهم مايجيبون خدامات..تطلع الام هي وعيالها الصبح توصلهم حضانات ومدارس واذا خلصت مرتهم وشروا بيتزا ورجعوا البيت سوا :22:
..وايضا قالت الدكتورة هبه قطب ان الخادمات المفروض عليهم فقط الديرتي ورك بمعنى الغسيل التمسيح الكنيس ..اما الطبخ والاطفال فمالها دخل فيها.
ولو الجميع سوا كذا مارح نسمع بقصص التسميم والقتل..لان الخدامة مايمديها تحقد عليكم ولاتخطط وتدبر..بما انها ماتشوفكم الا مرة وحدة في الاسبوع..
اتمنى من الجمييييع التفكير في فكرتي والله يحفظ عيااالنا جميييع

انا قريبتي موظفة وعندها نونو عمره 4 شهور تجلس معانا تسولف في اجتماعات اخر الاسبوع او تطقطق بالجوال وتنادي الخدامة الاثيوبية تقول لها غيري البامبرز..حرام طيب مدامك موجودة غيري انتي البامبرز ويكفي عليها اذا انتي مش موجودة..
انا ماعندي خدامة ومايخفى عليكم اني بعض الاحيان اتمناها لما ينهكني الشغل في بيتي ولكن لما اسمع عن جرايمهم احمد ربي على نعمة الصحة والعافية...والله يقدرني على شغل بيتي بس لوجتني الوظيفة بسوي اللي قلت لكم عليه ومستحيل ائتمن خادمة على صغاري..
ومن الغريب لما اشوف راعية البيت تخبي ذهبها عن الخدامة وتسكر علية بينما اطفالها مع الخدامة تاكلهم وتغير ملابسهم..الاطفال هم اعظم كنز وطز بالذهب والفلوس اهم شيء اطفالك استثمارك في هذي الحيااااة..