يانااااااااااااااااس انا تعبـــــــــــــت

مادري شقولج بس يمكن يبي يثير غيرتج
انتي لا تهتمين خليج واثقة بنفسج
و خلي اعصابج بالثلاجة
واذا قالج البنات يسوون ويسووون واهم احسن منكم قولي ببرود الله يهني ازواجهم فيهم

خخخخخخخخخ والله هالرياييل ما منهم امااااااااان ...

يا اختي من تحصلين من الرجال فيه خير عشان يطلع في زوجك ...

يا اختي ماشاء تبارك الرحمن ... انتي ما ناقصج شي بس سبحان الله اللي اشوفه بهاي الدنيا وايد اشيا غريبة...
منها مثلا ... الزوجة تكون بقمة الجمال مب ناقصها شي ومولعة اصابعها شمع . طبعا الرجل جاحد وما يملي عينه الا التراب ...

وبالمقابل امراه اخرى والله اقل بكل شي لا جمال واهمال بكل شي بشكلها وبيتها وكل ما يخطر على بالك من لامبالاة لا بزوج ولا بعيال ولا بيت ايضا وبسيطة في كل شي .الزوج يكون مثل الخاتم باصبعها وشايلنها من الارض شيل

والله ما اقص عليك والله ان هذول المثالين شاهدت تكرارها كثيييييييييييييرا وانا اعايش تقريبا النوعين بالضبط امام عيني دايما ...
والله يا اختي هاي الدنيا حقيرة

اختي لا تهتمين في كلامه ولا تكثرين الاهتمام وتبالغين في اهتمامه والله توني بس من نص ساعة قريت موضوع لامراه تزوج عليها زوجها وهي ماشاء الله تتكلم عن نفسها انا حسيت بها اطيب من الطيبة وتكلم عن نفسها يعني تبارك الرحمن مو ناقصها شي ابداااا مع ذلك زوجها تزوج عليها بدون سبب فقط لمجرد الزواج


اختي لا تعبين نفسك بمراضاة زوجك بالاخير ما راح توصلين للي تبينه ...

اختي اسعي فقط لرضى ربك فقط ولا تبالغي وتضيعي وقتك فقط لارضاء زوجك....
نعم انتي لازم تقومين بواجباته كلها
ولكن هل تقومين بواجباتك كلها كامله لرب العالمين ؟؟؟

صدقيني اسعي لرضى رب العالمين يرضى عنك زوجك ,,, بكل بساطه

اما الرجال فهو ادمي انسان مثلنا اكسبي رضا ربك واسعي في مرضاته وادعيه في كل حين ان تملي عين زوجك وقلبه وستكسبينه باقل مجهود باذن الله تعالى وتوكلي على الله لا تهتمين بكلامه همه كذا الرجال مرات نكديين يحبون يغلسون على حريمهم باي طريقة

وهو يمكن يحس عمره انه ركض عليك كثير في بداية زواجك يبغي يسترد بعض ما خسرة من كرامه ... يمكن ... الرجل مرات يكون حقود معروف عنه كذا ما ينسى ابساطة وهو يمكن يسوي كذا عشان يستفزك ويبغيك دوم تهتمين فيه ...

والله يعينك

ادعي لي بالزوج الصالح والله يكون بعونا جميع

المشكله مشكله الدمووووع انا مااعرف اتكلم كلمتين على بعضهم الا الدموع تتسابق مين يطلع الاول

والله مشكله الله يقويني ويثبتني
ولكل من رد علي اختي ملاك مااقصرتي
rosee مشكووووره
namrie_raحياتي ماقصرتي
والله كلامكم عطااني القووه شوي ورااح اطنشه وكانه مو موجود عشاان يعرف قيمتي

طيب انتي عمرك واجهتيه باللي مضايقك منه ؟
ترى الرجال ما يفهمون لغة التلميح لازم بالتصريح عشان يدري انك متضايقة
انتي كلميه بكل هدوء وبدون كلام جارح مثل كلمتك ( أنا أكرهك ) ..
قولي له والله انك مالي عيني وقلبي بس ليه الكلام اللي يضيّق الصدر
فهميه ان أسلوب التحطيم ما يساعدك تعطينه أكثر بالعكس
ممكن يسوي ردة فعل عكسية من جهتك ~> جفاف بمشاعرك وعطائك
وان تشجيعه لك وتقديره لكل شي فيك ومنك بيخلي عطائك بلا حدود ..

والله يهدي سركم ويؤلف ما بينكم يا رب ..

انت واثقه من نفسك ولا لا؟؟؟؟؟؟؟؟؟

اذا ايه ...خلاص لاتهتمين بتعليقاته ..بعض الرجال هذي طبيعتهم يحسبونه نوع من انواع المزح الله يعقلهم...
وترى بعضهم يقول كذا عشان مانشوف نفسنا عليهم ....

تدرين عاد...

اذا علق مره ثانيه بنفس هالاسلوب...قولي له اذا هي كيكه حلوة فأنا كيكه احلى ...تدري ليش؟؟ لاني كيكه مغلفه بغلاف الستر وماياكلني الا حلالي وبس ..اما هي فياكثر الحشرات اللي تغمسوا فيها ..

ارفعي راسك فوق وادعي الله يحفظك ويحفظه لك