السلام عليكم ورحمة الله وبركاته
صباح/ مساء الخيرات على أحلى حوائيات
اليوم جبتلكم طريقة البرياني بالكباب وهي طريقة باكستانية بس أتمنى إنها تعجبكم..
بسم الله نبدأ
مقادير الكباب والرز:
1/2 كيلو رز
بطاطس مقلي شرايح
1/2 كيلو مفروم دجاج
بصلتين متوسطة
فلفل أخضر حسب الرغبة
حزمة كزبرة
حزمة نعناع
ملح حسب الرغبة
1 ملعقة بهارات مشكلة مطحونة
زيت للقلي
1 ملعقة زنجبيل
أعواد شوي
مقادر الكشنة:
بصلتين كبيرة
4 حبات طماطم
1 ملعقة ثوم وزنجبيل مطحون
ملعقتين من بهارات الرز البرياني ( ناشونال
الطريقة :
نبدأ بالكباب:
نحط في الفرامة البصل والفلفل الأخضر والكزبرة والنعناع والملح والبهارات المشكلة ونفرمها تمام وحطها مع المفروم ونخلطها الين ما تتماسك.
وهذي الصورة بعد الخلط
نجيب أعواد الشوي ونلف المفروم على شكل كباب وهذي الصورة بعد اللف
نجهز الزيت في القلاية, بعد ما يصر حااااااار نبدأ نقلي الكباب الين يصير لونه ذهبي وهذي الصورة وقت القلي
وهذا الكباب بعد القلي
بعدما يبرد الكباب نسحب الأعواد ونحط الكباب في زبدية ونبخرها
طريقة التبخير))نحط قطعة الفحم على النار الين يصير لونها أحمر نحطها في قصدير ونحطها وسط الزبدية ونحط عليها ملعقة زيت وبسرعه نغطي الزبدية بالقصدير لمدة عشر دقائق تقريبا))
نقلي شرائح البطاطس
وهذا شكلها وقت القلي
وهذا بعد القلي
ننقع الرز لمدة ساعة
نبدأ نسوي الكشنة :
نحط البصل والطماطم والثوم والزنجبيل وعصير الليمون وبهارات البرياني في الفرامة ونفرمها تمام
هذا شكل بهارات البرياني واللي ما تحب الفلفل تقلل منها
يتبعععععععععع لا حد رد
نتركها تتسبك
نضيف عليها الكباب والبطاطس
نحركها ببطء عشان ما ينكسر الكباب ونبعدها عن النار
نسلق الرز نص سلق
نصفي الرز بعد السلق
نجيب قدر نحط فيه طبقة رز وطبقة من خلطة الكباب والبطاطس
نستمر في وضع الطبقات الين تنتهي الكمية وآخر طبقة تكون من الرز
دحين نضيف ملون الطعام الأصفر فوق آخر طبقة بشكل عشوائي
وغطي القدر بالقصدير عشان ما يخرج البخار من الأطراف وطي النار عليه لمدة 15دقيقة بعدها اطفي النار وافتحي القدر وقلبي الرز بحذر