ياناااااس رآسي مصدع و بينفجر...ومحتاجتكم...؟؟؟

السلام عليكم ورحمة الله وبركاته...


ياخواااااااااااااااتي إلحقوني....رآسي مصدع وأحس إنه بينفجر....من التفكير....

أنا بنت....ويمكن غلط إني أدخل هالقسم...بس محد راح يفهمني غيركم يالمتزوجات...

قصتي إني وبدون مقدمات .....إنخطبت..بعد 13 خطبه....وأنا وحده أكره الزواج....وأحب بيت أهلي ومتعلقه فيه....
وأنا دلوعتهم وكلمتي المسموعه فيه.....
من أيام الكليه وأنا أنخطب من صديقاتي ومن بنات ما أعرفهم ........وكنت دايما" أرفض....لأني أشوف اللي أكبر مني من اللي أعرفهم ماتزوجو......ويقعدون سنتين بعد الكليه وبعدين يتزوجون.....
ولما عديت السنتين مازالو يخطبوني....بس الغريب إن اللي مواصفاته تعجبني يكون بس كلام حريم وبعدين يتبخر الموضوع...
واللي ماأبيه أحرقو جوالي وهم يترجوني....
و الفتره الأخيره....صارو يتقدمون خطبة رجال.....الأول شايب عمره 45 سنه وبنته البكر كبري.....ومنصب ومال وكل شي حلو فيه ....بس عيبه عمره..وهذا له سنتين يحاول فيني بس أنا رافضه...
والثاني بالصيفيه الماضيه أصغر مني بسنتين....وتقدمو كمان خطبة رجال...وأبوي زعل مني لأني رفضت...وهو صحيح صغير بعمره ....بس كبير بعقله....وتعرفون حنا الحريم سالفة العمر حساسه بالنسبه لنا...
وغير كذا أنا عمري 25سنه....وماأعتبر كبيره..

وزبدة الموضوع اللحين متقدم لي ولد جيراننا (تونا ساكنين بيتنا وما أعرفهم )..ومواصفاته زينه.....وخطبته من البدايه كلها بالسر....تقدمو لي بالبيت ...وأنا بالدوام.....ومادريت بالموضوع....إلا بالصدفه...أبوي قال ماعندي مانع..وماناقشني يقول لأمي بنتك وتفاهمي معها...ولحد هالساعه مافتح أبوي فمه بكلمه لي!!!
وأمي تقول الرجال مافيه شي...ومو من حقك ترفضين....وقلت لها بستخير ....وأشوف
ومسكتني اليوم الثاني وقالت أبوك بيرد عليهم وأنا حتى 24 ساعه ماكملتها...وزعلت عليهم
وكأنهم ماصدقو خبر إني قلت بستخير....يعني إحتمال أوافق...
والبنت اليتيمه او اللي من الشارع....يعطونها مهله إسبوع وترد....
وأنا بنتهم البكر....يبوني من بكره أرد عليهم....يعني كأنهم ماصدقو خبر إني بتزوج..وبعدين أحس إني إذا رديت بسرعه...يشوف نفسه علي بعدين...
والحمد لله أبوي المتفهم....قال لما نرجع من عطلة الترم لأننا مسافرين أرد لكم...
وأمس جتنا أمه بتحدد العرس وكل شي....وأنا طبعا" ماكنت أدري إنها جت لأني بالدوام..
وقبل شوي...خواتي الأصغر مني كل وحده تفكر بلون فستانها وش تفصل .....ولما سألتهن ....ضحكن...
وقالن عرسك بالصيف....وأمس جتنا أمه....إنصدمت وإنقهرت ....
ورحت لأمي أناقشها بالوضوع....قالت إنتي ماجيتيني وسألتيني وش صار؟؟؟
أنا بنت....ومن طبعي الحياء..والزواج وافقت عشان خاطر أمي وأبوي....ولا لوبكيفي...كان قعدت شوي..وشلون تبني أروح أناقشها وأقول لها وش صار؟؟؟؟؟؟؟؟؟؟؟؟؟؟؟؟؟؟؟؟
..ومن القهر قعدت أناقشها بصوت عالي.وأتاري الولد محلل وخالص وينتظرني...وأنا آخر من يعلم إن أهلي ردو عليه و وافقو...!!!
..وقالت إنتي عنيده....وقلت ماعندي مانع بس أسكن بشقه لحالي وبعيده عنهم...لأن من مشاكل صديقاتي مع حمولاتهن أقتنعت..وغير كذا أبوي كل واحد من إخواني مطلعه بشقه لحاله ومرتاحين مع حريم ...وحنا كذلك..وماني أقل من إخواني..
.وتقولي مهرك راح أقولها 60 مثل جيراننا...وأنا إخواني مهور حريمهم 150...
تقول مساكين والولد يتيم...يعني ترحمه هو ....وأنا بالطقاااااااااااااق!!!
وزعلت قلت لها أخاف حتى زواجي تخلينه بإستراحه ماتبين تكلفين عليهم؟؟؟
ومن ناحية المهر..قلت لها 80 الدنيا طايره والذهب بيكون علي....تقول امي مستحيه منها ....أقول 80
وحشرتها وأقنعتها....بس خايف تآخذني على قد عقلي ....وتقول لها كلام ثاني....
واللحين قاعده أكتب لكم وأبكي من القهر....اللي خلوني بينهم مثل الأطرش بالزفه!!!!
وأحس من التفكير رآسي بينفجر....ومعدتي تقلب علي...وأحس إني برجع.....
ساعدوني شلون أقنع أمي....!!!
وبرايكم أهددها بخالتي....لأنها أكبر منها وقويه وتنفذ كل اللي أقوله لها.....
لأن هذا زواج مو لعبه.....واللي أوله شرط آخره نور...
سااااااااااااااااااااعدوني بليز وشورو علي...كيف أرتب الموضوع مع أمي اللي والله من تصرفها معي حسيت إني أكرهها....أدري حرام اللي أقوله عنها....بس هذا اللي أحس فيه!!!!