ياناس ابي مشورتكم>>اسمعو قصتي وعطوني رايكم باهل زوووووووووجي

السلام عليكم ورحمة الله وبركاته

شلونكم بنات ان شاء الله بالف خير"""""""""

انا احترت كثييييييييييير وقلت اسالكم هل في ناس بهالشكل هذا وتتوقعوون لييييش اتمنى اي وحده عندها جواب او اي راي تفيدني لاني والله اعااني كثيير وتعبت نفسيتي؛؛
____________________________________________________
المشكله هي اني انا متزوجه ولد عمي وانا اصلا من دولة من دول الخليج المجاورة تزوجت كرها حسب العادات والتقاليد البنت لولد عمها وكان عمري 16 سنه وعشت من هذاك العمر الى الان بعيده عن اهلي ماشوفهم الا بالسنه مره >>سكني زوجي عند اهله في بيت شعبي شكله مريع طبعا في غرفة صغيييييره و سكنت فيها ثمان سنين والحمام كان مشترك بيني وبينهم كانت العايله كبيرة شباب وبنات صغار المهم زوجي ماكنت اشوفه الا بالاسبوع مره عشان دوامه بالرياض واهله خارج الرياض ب500 كيلو وطبعا في الهجره هذي فتحو معهد معلمات ""جاني ابوي من السفر عشان يعلماهل زوجي اني لازم اكمل دراستي بالمعهد بدل القعده وكنت <رافضه> على امل اني اغادر هالهجره واروح مع زوجي طبعا هالكلام قبل لاتمر الثمان سنين يعني بداية زواجي ...طبعا من درست المعهد وانا عمري 16 ....والله يابنات اني كنت اشتغل ليل ونهار واني نفعت عمتي نفعه مانفعتها انا لامي وانا عندها طبعا لوجود الشغالات اقوم الصبح اسوي فطورهم كلهم بناتها كانو صغار بالابتدائي وعيالها اكبر واحد اللي هو اصغر من زوجي كان كبري وبعد ماجهز الفطور اروح البس وبعدين للمعهد ...ولا تقولون ان هذي وصايا زوجي لاهله لا والله كلها من عندي كنت سبحان الله من حب زوجي حبيتها وحبيت خدمتها.. ترى مو كبيرة سن لا .. المهم ولم ارووح المعهد ويقرب وقت الغدى تجيني المديرة وتقوول يالله عمك مستأذن لك عشان ظرف """"" شنو الظرف تتوقعووون

ذبييييحه....... على ان عنده بنت كبيرة متزوجه وقرييبه حييييييييييل من بيته ::وانا عمري ماطبخت ذبييحة
بس علموووووني المهم اخلص من الغدا لازم القهوه بعدها جاهزه
ارووح انام شوي ماشووف الا البنات يدقووون الباب يالله (........) سوي عشانا وكانت هذيك الايام تطفى الكهربا بعد المغرب والله يابنات ان كشافي تحت طرف وجهي وضاغطه عليه بكتفي ليليا واشتغل بهالكشاف

لاتعاتبوني انا فعلا اول اشتغلت من كيفي وطبخت ونفخت وغسلت حتى ملابسهم والبنات والله يشهد انا اللي احممهم من كيفي,,,, وكنت لم ارووح الرياض اشتري لهم من اعانتي اللي تنزللي من المعهد""" بس لاحظت مافي كلمة طيبه عمتي تدور الزلة علي مثل العصر برووح اسير ارجع القاها مع بنتها الكبيره معقديين ناظرهم ومعصبين المهم كتب الله لي الحمل تعبت بالشهور الاولى وحاولت اريح نفسي لقيت الغضب يثووووووووور من كل صووب

عمي يتافف محد سوا لنا الفطور هذي وش فيها ماعاد طلعت من الغرفه وبعض الكلام اللي يضيق الصدر حسيت مع الوقت كاني شغاله ماشفت تقديييييييير ولا كلمه يعطيج العافيه على اي اكله اسويها تخيلوووو كرشتي شكبرها وانا اشل الطشوش اجدل المويه من التنكر للبيت حيااااااااااااة عشتها أرف والله حتى نظرة حنان مالقيتها واني هذيك الاوقات لم يجي زوجي من الرياض اني اسوي فلم همدي ابكيييييييييي لم اشوفه احس هو الوحيد اللي مقدرني,,,,

المهم لم جات شهادة الكورس الاول الا ضعييييييييييييييفه بثلاث مواد واباقي مقبول وجيد زعل ابووي لم درى
واللي زاد الطينه بله الولد اللي حملت فيه ولدته باخر الثامن ومات بعد ولادته باربع ايام وتحطمت نفسيتي
رحت لاهلي ::::::: محد فكر يتصل علي منهم ابدا ولا يواسيني وعمي لما شفته قال اكيد انج مسوية شي غلط والله عاقبج او انج ماتصلييييييين(الله المستعان)


انا تعبت من كثر الكتابه واتمنى اللي نفسها طويل تتابع قصتي لان المآآآآآآآآسي توني مابعد دخلت فيها
:(