ياناس اش الحل في ذا الملل ؟

السلام عليكم كيفكم حبيباتي ؟
والله صرت أحس إنكم مجتمعي
المهم سأبدا بطرح مشكلتي وهي أني ملولة ولاأكمل الأشياء إلا نادرًا , كنت في بيت أهلي أعتمد بعد الله على أخواتي - الله يسعدهم - وأنا موظفة وبعد الملكة قرروا أهلي يخلوني أخذ إجازة قبل الزواج لأن زواجي كان بعد شهور \
أكره شيء اسمه تنظيف وتمسيح جدران والطبخ كمان
والدتي- الله يسعدها- نفس حلو بالطبخ والناس يحسدوني عليها يقولوا : ياريتها أمنا عشان نتعلم منها لكن للأسف أمي تطبخ من غير مقادير + لما أدخل معاها المطبخ تحبطني وتقول كلام مايعجبني وأنا أكره التحبيط وأبعد عن أصحابه , وفي فترة الملكة أمي كانت تطبخ لزوجي الأكل وكان يموت عليه ويعجبه مرة وأحاول أسوي بعض الطبخات زيها بس ماتضبط معي لأني أحس إني مو حق طبخ وأحس بالفشل الذريع بسبب كلام أمي على فكرة أنا مو صغيرة وأعرف إني الصح من الغلط لكن أطفش بسررررعة وسبحان الله - والله مو مدح فيني - بس لما كنت موظفة كنت مثالية ودائمًا كنت متميزة بعملي وهذا ثناء مشرفتي ومن فوقها ممن رأى عملي .
لما أكوي أبدأ بحماس وبعد شويه أسيب الباقي أطبخ أسيبها بالن وأخلي أختي تكملها وكمان في غسل الملابس
أكره أقرأ المواضيع الطويلة والقصص , أشوف البرنامج وماأكمله , زرعت وطفشت
دخلت دورات , بس أحس إني ماأتقنتها
آآآآآآآآآآآآآآآآآآآآآآآآآآآآآآآآآآآآآآآآآآآآآآآه
الآن أنا في بيتي ومافي أحد يكمل شغلي صار بيتي مبهذل أحس بطفش وكسل وملل وحتى صديقاتي طفشت منهم وماعاد أكلم أحد بس عالنت أو التلفزيون أو في سبات عميق خخخخخخخخخخخخخخخشششش
ونفسي أسافر وأغير جو بس زوجي ماعنده وقت
ياناس في أحد مثلي ولا أنا نازلة من المريخ ؟؟؟؟؟؟؟؟؟؟؟؟؟؟
ايش الحل