انا أقصد مالقيت ولا شي إيجابي يعني الحين 5ايام ولامره سوتها بالحمام 
تحطيم 

يووه انا ولدي اول مابدات اعلمو فقدت الامل بس صدقيني بالصبر كل شي يسير
انا علمتو يومين وسار تمام الثالث انتكس زعلت وزعقتلو رجع تمام يومين. وانتكس ضربتو الله يسامحني مرة يحزني لمن افتكرو يبكي
بعدين خلاص قررت اطووول بالي اشتريت كلوتات التدريب من مذر كير وادخله كل نص ساعة احيان يسويهت واحيان يكون مسويها في السروال والان بعد 4 اسابيع برضو ينتكس ويرجع بس خلاص سار عادي عندي اهم شي انو بيتعلم حبة حبة

شوفي حبيبتي
الكلام يطول ف هالمجال
ابحثي كثيييير
وحطي ف بالك كل طفل تختلف استجاباته وقدراته عن غيره
وانتي أدرى بطفلك وايش يتماشى معاه

قرأت كثير نصايح
بقولك ابرزها واللي فادني كثير في نقاط

. تعرفي المفارش اللي يحطوها عالسرير ف المستشفيات؟
كنها حفاظة
اشتريها من الصيدلية ووزعي في البيت منها في أماكن جلوسها
وعلى سريرها (تحت المفرش مو فوقه،،، عشان مايتزحزح)
حطيه كمان في الأماكن صعبة التنظيف مثل الكنب
يعني خليكي سخية ف التوزيع لأنها رح تريحك جدا جدا جدا
اذا عملتها لا سمح الله التنظيف مجرد انك تشيلي المفرش وتحطي بداله
ويادار ما دخلك شر
وإن كان فيه سجاجيد لفيها وارفعيها مؤقتا حتى ماتطولها نجاسة
يعني عزلي البيت مؤقتا


. ما أعرف إن كان صح او لا
لكن كنت اجلس قدام ولدي ف كرسي الحمام واعملها
طبعا مايشوف مني شي
لكن الله يعزك يسمع صوت التبول
وأوريه الداخلي تبعي إنه مافيه حفاظة
وأقولو شوف ماما شاطرة ماتلبس حفاظة كمان بابا شاطر كبير مايلبس حفاظة
وانته كمان كبير ما تلبس حفاظة

يمكن يضحك الاسلوب 😂
لكن الاطفال يفهموا بالكلمات المبسطة والأمثلة ويتشجعوا ويقلدوا

. إذا عملها ف الحمام أعطيه حضن كبير وابتسامة أكبر
وأكافئه بشي يحبه شوكولاته لفة بالسيارة حسب مزاج الطفل والمتوفر

. إذا عملها برا الحمام ما أضرب ولا أخاصم أبدا
أعمل حالي حزينة وبأسلوب طفولي أقوله أوووووووه ياللأسف😔
فيه يع هنا لازم لازم ننظف حالا
وأجيب الصابون والكلوركس والديتول
وانظف على مراحل وأخليه يشاركني ف المرحلة الأخيرة فقط
إللي هيا التجفيف
بصراحة انغث ولدي ههههههههه وسار يشيل هم حوسة التنظيف
لأني أشغله معاي

. مرة قرأت إرشاد إنك تدخلي الطفل الحمام كل ساعة او نص
وبصراحة مافادني لأنه سار معتمد إني أنا إللي أجي أدخله
مو هو اللي يطلب
كمان إنك تسأليه كل شوي تبغى حمام وبرضو فشل الموضوع
طبعا كل أجوبته لا ياماما ماابى حمام ويعملها برا
فقررت أقوي قلبي وأتركه يعملها على نفسه
سار بعد ما يعملها يجي قرفان يقول ماما وديني الحمام
تركته على هذا الحال وفعلا يومين وحس بالقرف والخياس
وسار يحاسب ويتكلم قبل لا يعملها

. بالنسبة لما كنا نخرج برا البيت كنت ألبسه كلوتات التدريب من سنتر بوينت
بس ف البداية
بمجرد ما بدأ يمسك نفسه بطلتها

أخيرا
خصصي (ليفة ومناشف تنظيف / ملابس)
لهذي الفترة ياحبذا تكون قديمة
تخلصي منها بمجرد ما يتعلم
وأوصيكي
بالصبر ثم الصبر ثم الصبر


إن شاء الله أكون افدتك
واعتذر ع الإطالة
بس حبيت توصل الفكرة

بالتوفيق

ههههههههههههههههههههه الله يسعدكي يارب والله ضحكت من قلبي ..

ماشاء الله اسلوبك نفس الي اسويه مع بناتي 

بس اناعندي مشكله من نوع ثاني 
بنتي بتدخل المدرسه هالسنه 
مشكلتها بالبراز ماتبي يطلع تضغط على نفسها بالارض ويتوسخ الكولت لها بشي بسيط بس اهم شي ماتروح للحمام 
وحاولت اعرف الاسباب لانا على هالحاله سنتين 

تقول اقرف اغسل نفسي طبعا مدري صادقه او تصريفه 
بس طفشت من هالحاله 
اختها الي اصغر منها اتقنت الحمام بسم الله عليها وهي اكبر منها ولاحياة لمن تنادي 
لازم اوديها بنفسي 
وعادي تدخل وتسوي وتغسل وتطلع بس متى بعد ماتطلع روحي تقول مافيني شي 
وانا اول مااشوفها تجلس بزاويه وتضغط نفسها ادري انها حاسه انه بيطلع