ياناس تعبت من الوحده وانا متزوجه

السلام عليكم ورحمة الله وبركاته
ابي حل لمشكلتي انا متزوجه لي 4 سنوات وزوجي كان يحبني ويحن علي كونت معه بيت الزوجيه ساعدته بحكم اني موظفه وراتبي اعلى من راتبه شريت له سياره اثثت بيتي اساعده بمصاريف العيال .... العام الماضي لاحظة انه متغير علي وصار يصد عني صار يهجرني في الفراش صار مايحب ينام معي بغرفه وحده مايجب يتكلم معي او يناقشني باي موضوع قلت خليني اشتريله هدية وشريت له جوال جديد ورحت اسبوع عند اهلي بمنطقة ثانيه ورجعت وانصدمت ان هالانسان مقلوب 360 درجة صاريقعد ع الجوال 12 ساعه صار يقوم عليه وينام عليه اهمل الصلوات مره يجمعها المسجد ماعاد يروح له صرت ادخل الغرفه يطلع منها تهاوشنا كثيرررررر وضربني عدة مرات وسكت وصبرت كان عندي شغاله كان يستفزني فيها يدخل المطبخ وهي موجوده يطلع من الغرفه وماعليه الا المنشفه انا انجنيت من هالتصرفات سفرت الشغاله وتحملت شغل البيت وظغط العمل والحمل وهو مازال في نفس وضعه يقهرني ويضايقني مره تهاوشنا ورمى الجوال بوجهي وضربني اتصلت ع اخوه وخذاني بيته فتحت الجوال لقيته منزل جميييييييبع برامج التعارف والدردشه الي بالماركت وعنده حساب بتويتر اخوه حل المشكله ورجعت بس رجعت لوحدي عايشه لحالي لايكلمني ولاينام معي بغرفه وحده ولا يسولف معي بس اشباه متزوجين خلاص انا تعبت من الوحده ابي مشورتكم وقبلها دعواتكم