ياناس دلوني... شلون اتعامل مع هذا الزووووووج

السلام عليكم
بدخل بالموضوع على طول
انا تزوجت ولد عمي وانا صغيرة وعمري 18 وزوجي اكبر مني بعشر سنوات
انا كنت احب البساطة يعني احب الحياة الزوجية واحب البيت هادية و جميلة ومااحب المشاكل و ولا الحنة

زوجي عكسي تماما انسان ما همه الا نفسه ولبسه ووناسته يحب جلسات الحريم والسوالف والضحك واول مايدري ان بنات عمي جايين على طووووووول يلبس احسن لبس والعطور والجل والساعة ويقعد واسمعوا الضحك والسوالف هذا غير العلاقات والرسايل اللي في جواله
شخصيته قوية وترفع الضغط يعني اذا احد ناقشه قال عاجبك والا صك راسك بالجدار
طبعا هذا غير الاستراحة كل يووووم من الساعة تسعة الليل الى اربعة الفجر
تعبت تعبت تعبت حاولت اغيره ما نفع معاه
فحاولت اني اتاقلم مع وضعي الأليم
واحاول اشغل نفسي ببنتي صرت انومها قبل يشرف والبس واتكشخ واحتريه الين يذن الفجر وهذا كله بابتسامة عريضة
مع الايام صار يطلع لي بسالفة بسافر مع اخوياي المزرعة من الثلاثاء الين الجمعة شهريا
وانا يحطني عند اهلي وهو مقفل جواله وما يكلمني الا مرة في اليوم:mad:
واذا سويت سالفة معه قال انا متفق مع اخوياي وما اقدر اعتذر و انتي انطقي عند هلي واذا فكرتي تطلعين حشيت رجولك حششششش
الحين مضى على زواجنا ست سنوات وعندي بنت وولد وحامل
النفسية من سيء لاسوء
صح اني الهيت نفسي في الدراسة لاني ادرس عن بعد
لكن اهو اللي صاير ينبش وراي:(
انسان مريييض شكااااااك لابعد الحدود ابليس راكب راسه اعوذ بالله
جوالي كل يوم تفتيش قسم بالله ان الجوال يخيس في يده يدخل على السجل والرسايل والصور ما يخلي شي
وانا اسوي نفسي ما ادري عن شي
لان ما ودي ادخل معه في نقاشات مالها سنع و ماراح اطلع منها بفايدة الا وجع الراس
يراقبني ويحقق معي في كل حركة اسويها ويحاسبني على كل كلمة اقولها
موسوس ياناس موسوس
قبل اسبوع رحت لامي هو قالي بجي اخذك الساعة 2 في الليل
المهم الساعة تسعة تعبت امي وجاها نزيف وقالت بروح المستشفي ودقت على السواق يوديها لان ابوي وامي متطلقين
فلما جت تركب رحمتها وفي اخر لحظة قلت دقيقة بجيب عبايتي ونزلت وخذيت وولدي معي عمره سنة ونص
الا بسم الله اتصل
والله مو من عادته يتصل علي ابد
انا انقلب وجهي وقلبي قام يدق اكيد الحين بيفتح لي محاضرة وينك ومن معه ومن وداك ومن امرك تطلعين وووووو
الا شوي امي تقول زوجك يتصل علي
يالله ماادري وش الجراة فيه عشاني مارديت تدق على هلي والله ما يستحي
قالت امي اذا وصلنا المستوصف دقي عليه وخليه يرجعنا عشان يتاكد و ما يلقى عليك حجة ونفتك من شره
دقيت وقلت تعال هذا بعد سين وجيم
وقلت مارديت لانا عند الدكتورة وجوالي على الصامت
رجعنا قليل الادب بعد ما سوا فضايح عند باب هلي اختي قالت لي انه حرق الجرس من كثر ما يرنه
ووجهه مصفوق ما استحى حتى سلام على امي ما سلم صدق انه وسخ
والحين اسبوعين مجنني ياناس
حافز وقالي مهب لازم وش تبين بالفلوس:44:
كل يوم يقط كلمة ويطلع
وما يعطيني مجال اتكلم او ارد عليه

كل يوم ازين له ولخواته الغدا والعشا لان امه مسويه عملية وراحمتهم
اليوم خميس قلت مهب لازم يسوون خواته والا يجيب من برا
هو نزل قبلي ويوم جاني فوق قلت فيه غدا قال واخواتي مكلفين فيك انتي وعيالك :mad:
انا رديت عليه قلت الحين هذي حركاتك و تصرفاتك وش منه
مارد
قلت اذا عشان الجوال خذه وريحني مهب لازم جوالات
قال لو على الجوال كان خذيته من زمان
قلت انت شقصدك وش عندك بعد

وخلاني وطلع
وهذا مسلسلي انا وياه يقط كلمة ويطلع ولا اشوفه الا بعد صلاة الفجر

المشكلة انا حامل وتعبانة نفسيااااا
لازم اتكلم معاه واتناقش
لكن عطوني النقاش الامثل
لاني في هالمواقف انلخم ويالله اقول كلمتين
ما يعطيني مجال
شورو علي وش اقول

ولاتقولون روحي لاهلك امي يالله تقوم بنفسها واختي
وابوي مريض بالسرطان و من مستشفى لمستشفى وصدره تعباااان مرره
يعني مستحيل اني افاتحه بالموضوع وزوجي مايستحي والله ان يفشله

هالنوعية القوية اللي ماهمها زعلتي بالطقاق رحتي لاهلك بالطقاق لاني قد سويتها وخذا شهادتي وخلاني وقفل جواله
لين انا اللي انذليت ورجعت
وش اقوله بالضبط
الله يرزق اللي ترد علي من حيث لا تحتسب