تصدقين اني كان معايا نفس حالتك

رعب مو طبيعي من الولاده بس في ولادتي الثانيه كنت اقوم اصلي اخر اليل وادعي

في كل صلاه واقول ( يارب هون الطلق واحسن الخلق ) وكنت ادعي كثير واستغفر

والحمد لله ربي سهلها

الله يسهل علينا وعليك..

والله رعب بس اذا جا الصدق يربط الله على قلبك وينزل السكينه

عليك بالدعاء

وفيه كتاب روووووووووووعه عطوني إياه المستشفى يوم جتني الولاده

إسألي عنه هو يباع في المكتبات سبحان الله وانا أقرا أحس كأن شي ينفتح بداخلي

اسألي عنه عنوانه أدعيه لتسهيل الولاده والمفروض يقرأمن بداية التاسع حتى تحين الولاده

والله يسهل علينا جميـــــــــعا..

الله يسهل ولادتك ويسرها لك وماتحسين بألم.....لاتخافين عزيزتي سبحان صحيح في ألم بس ربي يسهلها وقت الولادة وتحسين وقتها بس انك تبين تولدين حتى تشوفين البيبي وإذا شفتيه راح تنسين الالم كلة...بس انتي لا تفكرين كثير في الموضوع وتوكلي على الله

تبون النصيحه؟
اول شيء وكلي امرك للي خلقك
ثاني شيء النفسيه المرتاحه والهاديه تتيسر امورها بسرعه بعكس المتوتره الي
كل شي بيصعب عليها ولما يجي وقت الدفع ماتقدر لانها استهلكت كل طاقتها
بنات انا في بكري كنت اخاف من الولاده ولا ادري اشلون راح يصير في ولما طوفت التاسع
ومع الثقل والتعب والملل من وضعي الي ماعاد لي عليه صبر تمنيت الولاده حتى لو كانت
فيها حياتي اهم شيء اخلص
المهم في ليله سبحان الله كنت خفيفه مره ومرتاحه مره مادري منين جاتني ذي الراحه
والنشاط لا وازيدكم كنت جايه من مشوار مشي لمدة ساعه وعند دخولي لبيتي
وتدق علي صديقتي وتقول عندها سمره واروح عندها واسهر ولا في الا العافيه
واجي لبيتي واكمل السهر مع ابو الشباب (..........)واستحم وانام بعد ماصليت الفجر
وكلها نومة ساعه ونص الا الالم يصحيني كان طلقي حار بس والله يابنات مو زي
مايتكلمون عنه انه الموت وغيره ولازم تعرفين ان ربك ارحم بعباده وكل نفس وترزق
على قدرة احتمالها يعني مافي شيءراح يجيك اكثر من طاقتك
واروح المستشفى وتقولي الدكتوره 3 سانتي وتعطيني المهديء واصير مثل الدايخه
راح عني نص الالم الي كنت احس فيه ووقت الولاده وماشاء الله تبارك الله عند اول دفعه
وتطلع بنتي حبيبتي وبعدها ادخل في احلى نومه
والله والله يابنات اني كنت اقول لامي (معقول هاذي الولاده الي جننوني فيها وارعبوني؟)
والتساهيل من الله
هاذي قصتي قلت احكيها لكم لعل نفوسكن ترتاح ويعلم الله اني لم انقص كلمه ولم ازد عن الحقيقه
الله يسهلها عليكم ويطمن نفوسكم

ماشاء الله تبارك الله اللهم ارزق جميع الحوامل ولاده سهله مثل اختنا نواره الله ينور عليك ان شاء الله