ريهام الليل @ryham_allyl

عضوة جديدة

ياناس فيه احد مثلنا وربي مصدومه قصتنا

السلام عليكم ورحمة الله وبركاته
بقول لكم شي مضايقني انا يابنات تعرفون ان الوالده متوفيه من يوم انا صغيره وابوي تزوج لما كنت بروح اولى ابتدائي زوجته هاذي تصير اخت جارتنا وهي اصلا مطلقه المهم احنا عددنا عشره من امي وابوي سبع بنات وثلاث اولاد بالبدايه كانوا خواتي بالثانوي وكان ابوي على كلامهم انه يسكر عليهم والشغاله اللي تجيب لهم الاكل من الشباك وكانت مرت ابوي لما يجي الاكل اول شي تاكل هي وابوي ثم خواتي مع ذلك خواتي تحملن ودرسن لكن اختي الوسطيه ونسميها نوره قامت على مره من القهر وضربت مرة ابوي بالسيم ومن بعدها خلاص مرت ابوي خافت وصارن خواتي يتعاملون معها بالضرب ابوي خاف ولا صار يقرب منهن لانه اول يبي يخليهن شغالات لها اكمل مرت السنين وصلت للثانوي يصير احيانا ضرب وكنا نكفخها انا وخواتي ومعانا اخواني المهم اتذكر اني انا بنفسي ضربتها لما كنت بثاني متوسط لانها كانت تسحبني تبي تظربني بغرفتها وجاء اخوي ودف عليها الباب وقمت انا وياه وخواتي عليها ضرب اصلا هي ما كانت تصلي لا تقولون ليش تضربونها ما ادبها الا الضرب لما كبرنا عقلنا وقلنا خلاص وتصالحنا معاها وصارنا حبايب تقولون وين المشكله احنا يابنات خواتي الكبار تزوجوا والله وفقهم برجال ماشا الله تبارك الله لهم مناصب لان وربي انا خالاتي خوات امي وجدتي ام امي تطعنا في شرفنا وشوهت سمعتنا عند اهلنا ليتهم قالوا حرام ذولي بنات اختنا الميته اللي توفت بالسرطان لا بالعكس ما رحمونا لان ابوي عنده خير وعنده شركة سيارات وبيت ملك اكمل لكم تزوجوا خوات الكبار وتعينوا مدرسات بعدها احنا زوجنا اخوي واختي لاخوان يعني اخوي اخذ بنت عمي وهي اكبر منه بسنتين واختي اخذت اخو مرت اخوي طبعا اللي اختار العروس لاخوي ابوي احنا مالنا دخل تزوج اخوي وطلع لامريكا يدرس فما نعرف مرت اخوي زين لان اصلا احنا مالنا احتكاك كثيرا باهلنا اكمل لكم رجع اخوي باجازه وقتهاكنت اروح اولى ثانوي وكان هو مخلص الماستر وليته ما رجع والله يابنات لما رجع ان خواتي اللي شالنا الحفله من حلا وقاعه وديجيه وبوفيه وعشاء ابوي ما دفع شي كله من خواتي الموظفات وربي ان اهلنا يقولوا حشا هاذي مو حفله الا زواج هاذا على فكره اهلنا معقدين شوي اكمل لكم كانت حفلة اخوي بشهر سته وكان وقت دراسه انا بعد الحفله باسبوع جاني شلل العصب السابع ابو وجه وعلى وقت امتحانات نهائيه المهم جاست اتعالج وتدليك لان كل الناس على الحفله ما عرفوني انا الحمدلله شهر ثمانيه شفيت منه اكمل وربي ياهلحفله هي سبب دمارنا بعدها اختي اكبر وحدها فينا وهي اللي اغلب شي حطت بالحفله كانت جايه من برا السعوديه زوجها يدرس برا وكانت مسحوره معمول لها عمل ارسلها زوجها تتعالج عندنا وتحضر الحفله اخوي هذا اللي احنا فرحانين فيه الله لايسامحه جانا برمضان قال بسفركم قلت انا تعبانه وتوي مخلصه علاج قالت اختي الكبيره وانا ما اقدر وعيالي معاي وما عندي شغاله وبعد وحده ثانيه من خواتي عارضت قام وضربني انا واختي الثانيه وقال مو على كيفكم جت مرة ابوي عشان تفكنا وضربها معانا المهم طلعت اختي الكبيره المسحوره لمرت اخوي وقالت لها روحي فكي خواتي قالت انا مالي شغل قالت خلاص روحي لبيتك لا تشوفينا واحنا نبكي وجلست تدعي على اختي وتحسب عليها انتي تطرديني المهم هي قالت لاخوي جاء اخوي واحنا متجمعين نتقهوا تو وحده من خواتي المتزوجات واصله وقال لاختي غصب عنك تسافرين قالت لا موبكيفك واجلسي يضرب فيها كسرها واللي مافيه رحمه عيالها عندها يصارخون ويقوم يضربهم بعد يعطيهم كفوف وهم بزران اختي اللي توها واصله من هول الموقف راحت تركض لزوجها قام يلحقها قدام زوجها ويضربها تخيلوا ولا مرت اخوي واقفه عند الباب تناظر بتقولون وين ابوي ابوي ساعد اخوي وهوقاعد يضرب اختي المسحوره بس اللي طلعت لزوجها ماكان ابوي معه والله مافك اختي منهم الا اخواني الباقين جاتنا اختي وكلها ضروووب وخلها تسافر غصب عنها بس انا قعدت مع اختي واخوي لان اختي كان عندها دوررره بعدها يابنات ابوووي تغير وصارت مرت اخوي ومن غبائنا احنا نصدقها تقول ابوكن يحش فيكن ويسبكن عند اخوكن وهو اللي معبي قلبه الحين انا وحده من خواتي اللي اسمها نوره ابوي مقاطعها ليش لان ابوي ضرب اخوي وراح اخوي عندها وودته للمستشفي وطلع عنده كسر باليد ورضوض في اماكن ثانيه اختي نوره صارت ترسل من رقم غريب تهديدات علي جوال ابوي قصدها انه يتادب بعدها ابوي جاء وارضا اخوي وخلاها يقول له من اللي يرسل شقتن هذا جزء المعروف عشان كذا ابوي مقاطعها لا الحين اخوي راح برا يكمل دكتوراه وهو بنفس مدينة اختي اللي مسحوره والحمدلله الحين هي تشافت تخيلوا عندها ولا يمر عليها ابوي الان يكره طاري خواتي العطله هاذي تزوجوا ثنتين من خواتي وبقيت انا مع مرت ابوي ابوي مو راضي يعطيني جوال عشان ما اتكلم معاهن بس اكلمهن على الثابت اللي يقهر ان مرت اخوي تسولف فينا وتتجمع مع خواتها انا الحين خواتي لو يجوا للمنطقه اللي احنا فيها ما ينامون عندنا بشقه وبس يسلمن ويمشن انا الحين ما اشوفهن والحين اخوي هذا الله ياخذه بيجي اخر رمضان كيف اتعامل معاها وادعوا لي يابنات بس اللي بسالها فيه احد ابوها ما يطيق بناته
دعواتكم لي بالزواج الصالح واجتمع مع خواتي:(

يلزم عليك تسجيل الدخول أولًا لكتابة تعليق.

تسجيل دخول

ريهام الليل • 13 سنة

علي فكررره الحين مرت ابوي صارت تصلي

*دلوعته* • 13 سنة

الله يهدي سركم

بيلسان@@ • 13 سنة

الله يعينكم ويالف بين قلوبكم
انت حاولي تتقربين لمرت ابوك وتتوددين لها
وتكسبينها وخلاص اذا كسبتيها من خلالها توصلين للي تبين وتتوسط لك عند ابوك،،
ومن ناحية اخوك طنشيه بالمره وابدا لاتحتكين وخليك مسالمه معه ولاطلب منك شي قولي تامر خلي اسلوبك عسل معه صديقيني بيفشل من نفسه وباذن الله يغير معاملته معك،،
ويارب يوفقك ويصلح امورك ويزوجك الزوج الصالح اللي يسعدك ويهنيك..

آذكــآر • 13 سنة

خييييييييييير وش وضعيته اخوك ذا
يضرب وحده متزوجـه..
وش دخل ابوه تسافر ولا لا..
:
:
الله يفرجها عليكم..
بس اكيد في امور مخفيه انتي ماتدرين عنها ..!!!
ادعي ان ربي يصرف اخوك عنكم..ويكفيك شره..ويسخر ابوك..

لاحول ولاقوه إلا بالله

لاإله إلا الله محمد رسول الله
حسبي الله ونعم الوكيل

انا وحدي في الكون • 13 سنة

الله يعينكم