ياناس قرفت قرفت من ابو زوجي/ أخذ حقه من الردود

ابو زوجي مريض ومو داري عن نفسه ويخربط كثير وزوجي مشغلني فيه وجابرني علي خدمته:06::06:

عنده غير زوجي ولدين وعشر بنات بس هو جالس عندي .. لو زوجي يهتم فيه ماعلينا لكن كل شئ فوق راسي والله قرفت:mad:

اعطيكم موجز عن وضعي عشان ماتعصبون اعرفكم ياحبكم للخصام وقلب المواضيع

لي 4 شهور ماشفت الشارع مااقدر اطلع واخليه واذا طلبت من بناته يجون يراعونه مايرضون مرة كنت بحط له الاكل مسكني مع صدري وزعلت انا عارفة انه مايقصد وانه يضيع بس انقهرت

ممكن يسويها علي فراشه واغير مفارش السرير 3 او 4 مرات باليوم غير انه يقضي حاجته عالسيراميك واضطر لغسل الغرفة كاملة لان الريحة لاتطاق

واحيانا يبدا يفسخ ملابسه انا علي طول اقفل الباب عليه وماافتح الا اذا جاء زوجي


بس قبل يومين جو صاحباتي يزوروني وخليت زوجي عند ابوه والله يهديه زوجي طلع وتركه تخيلو يابنات سمعت صراخ بغرفة الحريم لقيت ابو زوجي داخل علي صاحباتي وهو عرياااااااااااااان بالكامل مافي قطعة تستره ومو راضي يطلع
:mad:
صاحباتي هجو من الغرفة وقفلت عليه ودقيت علي زوجي

واللحين حلفت علي زوجي يانا ياهو في البيت بس زوجي مو معطيني وجه وقلب علي وزعل
كيف اقنعه يابنات