ياناس قلبي ذاب من همه ارجوكم دعواتكم

السلام عليكم ورحمة الله وبركاته ..



انا كنت دايم اتابعكم ..عشت لحظات كثيير مع بنات هنا
فرحت لهم وبكيت لهم ودعيت لهم ..

قلت لازم اسوي لي معرف ..ابي خواتي يشاركوني


ابي احد يقرا بس كلامي يحس فيني ..مابي اكثر ولا اقل
ابي دعوه بظهر الغيب ..




انا من سنتين بكل بساطه انهارت حياتي ..انحرق قلبي
ومن وقتها وانا ماعدت انا صحتي راحت مرضت ابكي طول الوقت
فقد شي كبير بحياتي ..تقدرون تقولون فقدت سعادتي الهوا الي اتنسفه
لين الحين ..لا نومي مثل الناس ولا اكلي مثل الناس ..احس اني كبرت 10 سنين من همي
والله حتى في نومي كوابيس تعصر قلبي اصحى وانا ابكي اصحى مفزوعه والله كأن في قلبي
مغروس سكين ماتتحرك

الحمدالله توجهت لربي ..ولين الحين مافقدت الامل فيه ..
بس جزء مني مات ..فرحتي ياناس راحت
لا عاد الاكل له طعم ولا النوم صار راحه ماعاد عرفت اضحك ولا عرفت انبسط
الم في قلبي فظيع ..كأن احد مدخل يده في صدري ويعصر قلبي
لا راضي يترك قلبي ولا راضي يطلع قلبي من صدري وارتاح
تجيني اوقات من الضيقه الي احس فيها ابي اقطع هدومي احس ثيابي تخنقني
من همي مرات لاجيت ادعي ورفعت يديني بس ابيكي مادري وش اقول
اقول لربي انت عالم بالي فيني من شدة الالم ماعرف حتى اتكلم
تجيني ايام مايدخل فمي شي


ذبحي البكا والهم ..احس اني مخنوقه وفيني غصه ..ياناس ماحد حاس فيني
ماحد يدري عني ..لو اقولهم الي فيني مايحسون ..
ادعي ربي وادعي وبدعيه لين اموت ..لين ربي يكرمني ويفرج همي
بس ضاقت فيني وابي اتكلم ..في كثير الحين انا عارفه مو عارفين انا اتكلم عن ايش
بس كل وحده تتخيل انها تفقد سبب سعادتها بهالدنيا ..ووقتها بتحس بألمي
والله ثم والله ماتمنى لاحد يصير له الي صار لي ولا حتى عدو !
يارب عفوك وصلت فيني ادعي ربي ياخذ روحي
وصلت لمرحله من الالم فظيعه مافي احد يمسك يدي ويصبرني
اكلمكم الحين وانا ابكي احس روحي تطلع ومافي احد حولي ولا معاي


ابيكم بس تدعون لي .. والله ثم والله محتاجه دعواتكم دعوه في ظهر الغيب صادقه
ادعولي ربي يستجيب دعائي
والله مادعيت لا بشي حرام ولا بغلط .. ابيكم تدعون لي بظهر الغيب
ربي يستجيب دعائي ويحقق لي حلمي ومطلبي ويفرحني ويسعدني ويسخر لي من دعيت بتسخيره لي
ويثبتني ويربط على قلبي ويصبرني ..


باذن الله ماراح انساكم من دعواتي مثل دايم
ومثل ماشاركتكم همي باذن الله بتكونون اول ناس اشاركهم فرحتي
وافرحكم معاي ..عارفه فرج ربي قريب ورحمته واسعه
وانا مارجي من هالدنيا الا رحمته ورضاه


شكرا لكل من قرا كلامي وربي يسعدكم دنيا واخره وماتفقدون غالي