أنا أعاني من مشكلة رفعت ضغطي لأبعد الحدود , لدرجة اني أحس نفسي في أي لحظة رح أنفجر
هاذي المشكلة يا طويلات العمر اني ما أتحمل اللي ياكلون و فمهم مفتوح ,, أبدااااااااا
لدرجة اني اذا حطوا سفرة وأعرف انو في ناس جالسين فيها ياكلون و فمهم مفتوح , ما آكل معاهم الا اذا خلصوا
بعدين أجلس ,, وان حصل واضطررت اجلس معاهم , آكل وأنا من داخلي حرييييقة بمووووت غييييظ لدرجة محد
يتصورها أبدا ,, وأقوم من السفرة بسرعة وأقولهم
شبعت (وأنا لسه جوعانة ,, لكن الشكوة لله)
وبعدها اذا دخلت الحمام (أكرمكم الله) عشان أغسل , أعض نفسي من الغيظ و القهر أو أصقع راسي بأي شي عشان أبرد
كبدي ..
بالنسبة للصغار ما عليا منهم أقولهم كلوا وفمكم مسكر وأعطيهم كورسات ألين يتعلموا ,, لكن المشكلة مع
الكبار , أخجل من نفسي اذا كلمتهم ,,
بصراحة مرررة ما أقدر أقولهم ,, فأنطم و أغالب نفسي ألين تنتهي السفرة
وكمان بعض الأحيان اذا جابوا في التلفزيون كارتون (باقز باني) الأرنب ,, اذا أكل الجزرة أموت غيظ منه وساعتها
ودي أصقع التلفزيون باللي في يدي
وأجلس أدعي عليه :angry2:والمشكلة هاذي مش مشكلة قرف !!! لأ
مشكلة غيظ فقط ,, هاذي الحركة تغيظني و ترفع ظغطي
بالله ايش رايكم كيف أتصرف ؟؟
حاولت أطنش وما أحط بالي من سنين , لكن مافي فايدة
في أحد مثلي ؟