ياناس نفسيتي زفت .. ولا أقدر أعايد مع الناس !!

يعني ابشتري لها اغراض مااشتريت عشان اخذ شنطتها

برتب البيت مارتبيته ولا يمديني

معزومه على غدا وعشا وان طلعت منهم مو ب تاركيني اهل زوجي من القيل والقال

احس اني بلشانه فيها

بقولها كولي نامي حطي شيلي والله شغله :(

احسن حل خليها تروح لاهلك على طول لاتشوفك ويقولون لها انك مسافره واذا خلص شغلك روحي خذيها

هي تعرف شغلها خلها توصل تتسبح و تبتدي ترتب البيت و تيلس في غرفتها
و باجر و الا بعده ابتدي التعليم وياها..شو المشكله
انتي وايد مكبره المسأله يعني هي مب ياهل و لا حيوان يحتاج متابعه او جلسه معاها طول الوقت..خليها في غرفتها تقرا اي شي او تطالع التلفزيون لين تفضيلها

المعشوقه فكرتك مناسبه لكن زوجي ماراح يوافق

غاية الشوق
من قال انها تعرف شغلها ياما شغالات جو مايعرفون ولا حتى الاجهزه اللي في البيت ولا يعرفون يتكلمون ولايعرفون شي
وياما جو شغالات لاهلي اللي تصيح طول الليل فوق راسي ابي اولادي واللي مدري وش تبي

احس لو بخليها كم يوم بتمل خصوصا توها جايه وبيضيق صدرها

أهليييييييين سوووسووو , عيدك مبارك وكل عام وانتي بخير

من الأساس دامك مو مقتنعه بالخادمه ليه تستقدمينها !!!

عموما اهم شي خافي الله فيها وعامليها بالحسنى , ومهب لازم إذا جت تلاقي كل شي على سنقة عشره يا قلبي , عادي وسعي الصدر وخذي الأمور ببساطه ..

ومسأله ما شريتي لها شي هي ماراح تدخل بيتك ويدينها فاضيه , هذيك شغالات أول الأن تجيك ومعها ملابسها وأغراضها , وأنصحك لا تشترين لها أي شي إلا بعد ما تتأكدين منها , عشان ما يصير لك مثل اللي صار لي :( جتني شغاله وفرحت فيها وبعدها طرت على السوق وقضيت لها بحوالي 400 ريال وبعد بكره قامت تصيح وتقول ابي عيالي :( وطست لديرتها لا بارك الله فيها :( هي والأغراض الجديده قلت صدقه ودفعه بلا عني وعن عيالي ..

يعني زبده كلامي لا تستعجلي وتشترين لها إلا بعد ما تثقين فيها ...

وإن قدرتي إعتذري عن مناسبة العشاء ورتبي بيتك وعادي قولي لهم إن شغالتي راح يكون موعد قدومها الساعه 10 بالليل ولا ابيها تدخل البيت وأنا مو موجوده , وكلام الناس والقيل والقال ارميه ورى ظهرك , يعني من متى بس الناس فكونا من شرهم ومن كلامهم ومن سبهم يا قلبي ..

وعندك وقت ايظا بين وقت الغداء إلى العشاء حوالي ست ساعات تقدرين ترتبين بيتك فيها إذا ما ودك تكنسلين فكرة العشاء . والله يكون بالعون , بس نصيحه مني وكأخت لك .. لا تجعلين من امور تافهه عظيمه بعينييك ترى والله تتعبين واتركي كلام الناس ولا تلقين له بااااااااال ..

وسلامتك ...