امي موظفة ومااااعندها شغالة ..

مرررة جابت لها وحدة من خمس سنوات وبإصرار من ابوي خلتها 3شهور وسفرتها برغم انها مااافيها شي بس امي ماااتحب احد يسوي شغلها ..

تصدقون تخلي الشغالة ترتاح وهي تغسل وتسوي كل شي ..

وفترة امي صار دوامها فترتين صباح ومسا وبدوووون شغااالة ..

والبيت اخر نظااافة ..

بس والله اشوفها كيف تعاااني بس ماتجيب شغالة وعلى فكرة امي صغيرة عشان ماحد يقول ان الاوليات يتحملوا ..

ياريتني ربع امي بس ..

ماشاء الله تبارك الله ... الحين صار عندي امل في امهات المستقبل
اللي ماعندهم شغالات زي حكايتي .... الله يثبتنا ويعيننا آآآآآآآآآآمييييييييين
اللي عندهم شغالات .... الله يكفيهم شر هالبلاوي آآآآآآمييييييييييييييين
بيلساااااااااااااااااااااااااااان الله يخلي لك اميمتك السنعه و زوجك وبنيتك
ممكن سؤااااااااااااال ملح جدا جدا ... متى يمديك تسوين الغدا ؟؟؟؟؟؟

هيه يا الحلوه هذي الجنب اللي يوجع دستي عليه!!!!!!!!!
تدرين انا شبعت من الشغالات لحد ما السحر سحروني وش بقا بعد زود عن كذا؟؟؟؟؟؟؟؟؟
المهم انا عندي شغاله تجي ساعتين بالصباح ومريحتني بس تنظف وغسل الصحون والمطابخ
شغل الغدا والهدوم أنا اسويه ومرتااااااااحه
شوفي حبيبتي اذا ماعندج شغاله بالوقت بقول لج كيف انا مدبره حالي اذا ماعندي هالشغاله
اول شي اشتريت
غساله اوتوماتيك
نشافة ملابس<<<ممكن تشتري الغساله اللي تنشف بعد,اول ما يجهزو رتبيهم بالدولاب وبيكونو كأنهم مكويين اما اللي حق المدارس والطلعات اوديهم للي يكوي الهدوم لاني ما احب اكوي بالبيت يتقطع كتفي منه ههههههههههه
كنت قبل امسح الرخام كل يوم!!!!!!اشدعوه مع ان نظيف بس الوسواس ومايسوي مرتين بالاسبوع كفايه
الحمامات كل يومين اغسلهم وبيفضلو نظاف
اشتريت غسالة صحون تشيل الكميه اليوميه ماهي كبيره لانا 4 اشخاص بالبيت
الفواكه والخضروات نظفيها وحطيها بعلب جاهزه للاستعمال اي وقت <<<سوي هالاشياء يوم الجمعه لاسبوع كامل
لاتغسلين هدوم كل يوم والله ماله داعي غسلي يوم ويوم لا
كل يوم مسكي غرفه وحده بس ونظفيها كلها
باختصار طريقتي هي يوميا:
اصحى الصباح بعد الصلاه احضر الفطور وشنط عيالي احط فيهم وجبتهم
احط الهدوم بالغساله
ارتب السراير
احضر لوازم الغدا من تنظيف لحوم وتحضير عدة الطبخ
ارتاح ساعه بعد خروج الاطفال
امسك لي غرف بالبيت وانظفها كلها
أفطر
أطبخ الغداء, احب اطبخ بدري
انظف بعد الطبخ المطبخ كله بالارضيه
يكونو ملابسي زهبو احطهم بالنشافه
استحم على مزاجي ههههههه
اشوف لي دولاب بغرفتي او غرفة عيالي وارتبه يعني عمل جانبي غير مرهق
النشافه بتخلص الهدوم ارتبهم على طول بالدواليب
ارتاح قبل لايجون الشباب
تبدأ المنازعات لما يرجعون البيت خخخخ لوقت لما يجي زوجي احضر السفره ونتغدا وانظف الصحون من الاكل بمناديل المطبخ وارصهم بالغساله عشان احط معاهم صحون العشا<<<اذا كنت طابخه عشاء
امسح طاولة السفره
نرتاح شوي
العصر نعمل واجبات المدرسه
نطلع المغرب برا البيت لبيت ابوي او بيت ام زوجي او نروح مشوار
نرجع نتعشا
اجهز ملابس المدرسه كلها حتى الجوارب عزك الله واخليه بجنب
اذا كنت بغسل هدوم اليوم الثاني افرزهم بالليل بسلال الملابس شي ملون وشي ابيض وبالصبح ارتاح من كومة الهدوم
البس عيالي بجاماتهم ويتنظفون ويستحمون وينامون<<<ابوك يالعياره لازم فيها هواش عشان ينامون وماما نبي تقولي قصه يعني نوم بطلعة الروح وآخرتها اقعد بالليل الاقي الصغير جنبي بفراشي هههه
المهم في حاجات ثانيه حلوه تساعد بالتنظيف
مناديل الديتول<<<بدل الفوط تعال اغسليها ونشريها لا هذي امسحي كل شي وارميها
اسفنجة تنظيف الاحذيه بدل فرشاه وبوليش هذي اريح لما يجون عيالك من المدرسه على طول لما يخلعو جزمهم نظفيها ورتبيها بدولاب الجزم
بخاخ فاضي حطي فيه منظف الحمامات والمطابخ وبخي ونظفي الاحواض والبانيو بسهوله
هاربيك للمراحيض الله يعز السامع ,يتعلق بالمرحاض وينظف بكل شطفه بيظل الحمام نظيف
اشتري معدات التنظيف الغالية السعر لانك بتستفيدي من جودتها ومانتي خسرانه شي يعني مثل فرشاة الارضيات الخ.....................
لاترهقين نفسك ترا الدنيا ماتسوى هالتعب اهم شي تكوني نظيفه انتي وعيالك وبيتك بس بدون تعب وضيق
طولت عليك بس بعد في كلام كثير نسيته خخخخخخ

موضوع حلو..انا كم مرة اجيب شغالة وماتقعد الا اسبوع وطيرااااااااان ابيعها عجزت اتخيل وجودها بالبيت؟؟بس عندي كم سؤال؟؟
انتي يانكوشة كم طفل عندك؟؟ وبيتك صغير ولا كبير؟؟
انا عندي اربعة الله يصلحهم والبيت دورين والفوضى تعم البيت:angry: والزوج جدا متعاون:icon28: :icon28: واذا بغيت اروح المستوصف كل الاربعة يلبسون وتروح العائلة كلها اي مشوار كل البيت تطلع الشغالة ضروري بس عجزت اقتنع ياناس تعذبت :( وابغى حل:icon33:
والي تقول ان يجيها شغالة الصبح اتمنى كذا بس من وين؟؟انتي من الرياض؟؟

حبيبيتي
دايم ضايق صدري<<بسم الله عليج الله يوسع صدرج ويبعد عنك الضيق
حبوبه انا عندي ولدين 9 و5 سنوات
بيتي دور ونصف والحوسه موجوده بكل بيت حبيبتي بس وسعي صدرك ودوري لك شغاله تجي بوقت وتروح احسن لك واللي اعرفه ان في بالرياض شغالات من هالنوع
بصراحه نسيت شي مهم الحديقه او فناء البيت والشبابيك ينظفها الهندي اللي يغسل السيارات خخخخخخخخخخخخخ يجي كل كم يوم يغسل الفناء وينظف بره ويتابع الشجر ويعطيهم الماء ويعتني فيهم بصراحه ريحنا من همهم وهم الغبار والمطر <<من زود المطر
حبيبتي بقول لج شي ساعات يصير البيت الكبير نقمه!!!!انا عندي مطبخين واحد للأكل واشياء بسيطه والثاني للطبخ واثنينهم كببببببببببببببببببببار بس بالترتيب والنظام يصير كل شي تمام
واستغني عن كل شي ماتبينه من العاب زايده وهدوم واشياء تتجمع مع الوقت وبتشوفي الحوسه بتقل مع الوقت
الله يخلي لك عيالك يارب وتبلغي فيهم