ياناس هالعجوز غاثتن هى وبناتها كيف اتصرف

الأسرة والمجتمع

هاذي قصة صديقتى اليوم جتنى وهى تصيح من اهل زوجها وقالت لي تكفين اعرضيها في المنتدى
يمكن اكون انا غلطانه في شئ والا فيه احد مثلي او احد يحل مشكلتى


ياربي والله يابنات ما احب احكى في احد والله انى اذا جبت سيرة احد ضميري يؤنبنى بس وش اسوى مع هالحرمه خالتى ام زوجى والله العظيم لو اي وحده فيكم شافتها او سمعته كان تقولون لى انتى ماتخافين من الله تظلمينها هاذى عسل ولسانها سكرررررررره بس قلبها مو نظيف ابد ياربي على كثر ماعامله بطيب واسكت واعدى لها حاجات تررررفع الضغط بس الحمد لله وماشاء الله ان الله عاطين الصبر وصبورة جدا من فضل الله بس هي الله يهدى بتعمل حاجات مثلا امس كانوا حريم في المجلس ووحده من خوات زوجى المتزوجات جالسة سلمت عليهم وطلعت بيتى عشان اعشي زوجى وعيالي ونزلت بعدها عندهم تفاجأت ان اخت زوجى رايحة وسالت خالتى وينها ووين المتزوجات الثانيات قالت ان بناتها الثانيات رايحين للمنتزه ومااخذوا خواتهم اللى هنا عاد اللى جالسه عندنا زعلت وقالت لهم انا اوريكم بس تجى زوجة اخوى الجديده والله لااشيلها بعيونى ومن مكان لمكان ونقهر اللى يكرهون (مع العلم ان اخو زوجى توه متملك )طبعا الكلام على لسان عمتى وتتكلم وتناظر فين نظرات غريبة يعنى انا المقصودة وانا حنا مانحبك عاد انا ماتحملت هالمره اسكت خصوصا ان فيه حريم ورديت لها والله اللى يسمعك ياخاله يقول انى ماسكة عصا وطارده بناتك يوم هم يفضلون علي مرت اخوهم الجديده عاد هى تلعثمت لانى اول مرره ارد عليها ..ياحلو نشوة الانتصاركخخخخخ
المهم هذا غير عن انهم دايم يكشتون ويطلعون كلللللهم ويسولفون عن العزايم وانا جالسه بس محدن يقول تعالى معنا وفيهم غيرة منى مو طبيعة والله العظيم ان وحده من بناتهم اكبر من زوجى االىعمره30 سنه كملت المتوسطة يوم شافتن ادرس ويوم عرفن انى تخرجت تعالى شوفى التطنز وانا والله جالسة لدرجة انو قبل فترة شغالة بنتهم تسولف لي انهم دوم يتكلمون فين وهي تحكى وانا ابتسم واقول معليش فيه الله لدرجة ان الشغالة قالت انتى قلبك نظيف يامدام ليش مو مثلهم هن دوم يحرضن زوجى على انا ادرى لان افهم زوجى من اشوفه ومايتغير الا اذا زارونا خواته والله انىدخلت المستشفي انا وولدى انا في قسم النساء وولدى الاطفال مافيه ولا وحده دقت علي وسالت عن ولدى ولا عنى والله لو انى ذابحتن ابوهن وعندهن حيل وخطط ماتخلص بس الحمد لله الله كافين شرهن لانها اللهم لاشماتة ويارب عافن دايم في مصايب واله انو قبل كم سنة كنت مسويه غدا كمية كبيرة ومن عادتى انى انزلهم ويوم نزلته واكلت خالتى وبناته وشبعت ونزلت لمهم المغرب قامت تصيح وتقول مادي وش فين الظاهر انه من غداك تقصدين والله انها دقت على بنتها وراحت تحلل خاف انى حاطه لها شئ بالاكل ورجعو الا بنتها تدق ويوم سكرت منها سالتها وش نتايج التحليل جلست تضحك قالت اشوى مو من غاكم يقولون لي من شئ انتى مب غاسلته عاد هى تذكرت انها ماكله خيار مو مغسول والله انى مااكذب عليكم والى الان اذا نزلت لها اكل ترسل على عيالي ياكلون معها تخيلو خاف انى حاطه لها شئ زوجى قبل مايتزوجنى كل مايرجع من السفر يجيب هدايا لاهله ويوم تزوجته ماقد جاب لي شئ واذا شاف خواته مجتمعات قام يتكلم علي من دون سبب بس عشان يرضيهم واذا ناقشته قدامهم نادنى وهاوشنى والله العبرة خنقتنى من هالعيلة ظالمين
حتى زوجى الحين زوجى يضارب بالاسهم ونص الفلوس لي وكل ماجيب طاري الفلوس ينقص لي راس المال لا وبعد من دون ارباح وهو له سنة يضارب كل مااطلبه شئ يقول ماعندى والا مو فاضي و اذا اهله او احد من ربعنا طلب خدمه تلقاه دقيقة طار لمهم انا مااقول مايهتم باهله والا بالناس بالعكس والله العظيم انى كثير من الاوقات انا اقوله بس تعبت من معاملته الجافه وانه مايحترمنى لاهو ولا اهله ادرى انو فيه منكم ناس حتقول اتركيه بس الكلام سهل والتنفيذ صعب لانى احب زوجى وصعب اترك عيالي للحريم يكرهونهم فينى ودايم يقولى انتى تربية حيوانات عشان ابوى عنده مزرعه وفيها حيوانات الله يعزكم وهى كل مايملك يعنى تربينا من خير هالمزرعه ................
زمان وحده من خوات زوجى من ابوه طيبه حيل علمتن قالت تراهن اذا جلستي قالنا خوات زوجي يوووه لزقت واذا ماجيتى قالو ايه ماتبغانا مره وحدها من خوات زوجى يوم شافتن جالسة قالت والله كل اللى بالكليات مايستحن عشان كنت ادرس كلية عاد انا ماتكلمت قلت لها هذا بذمتك كيفك وخواتها يضحكون وباصوات عالية ساعتها حسيت انى المقصودة وهم يظنون انى غشيمة بس والله اذا لعب الشيطان بقلبي اقدر اسوي لهم مشاكل ولكنى اخاف الله ومريحه ضميري بس انا ودى اعرف اسباب العدواة كل هذا غيرة اعوذ بالله وفيه كمان موقف ثانى بعد كنا كنت انا وزوجى واقفين بالحوش وينطق الباب الاخوات زوجى ووحده فيهم لابسه على الكتف هاوشه اخوها اللى هو زوجى ودخلت وهى تبكى وانا اهديها واروح ازوجى اقوله حرام تعال راضيها وهو يقول انقلعي كيفي انا واختى
ويوم نزلت واراضيها قالت خلاص انا بطلع بيت اختى مو جالسه هنا عاد خالتى اخت امى كانت جالسة معاهم يوم انا طلعت وكانت اخت زوجى تقول ايه ترا هى اللى حرضته علينا وانا والله ياغافلين لكم الله .قولولي وش السواة مع ذولى
9
1K

يلزم عليك تسجيل الدخول أولًا لكتابة تعليق.

تسجيل دخول

بسمه16
بسمه16
اوووووووف!! ماقووول الا الله يعيينج ويصبرج.. صج بلوى!
انا اللي ضايقني في كل السالفه زوجج:(
moobdah
moobdah
الله يعينها ياحياتي بس أتمنى تسلمين لي عليها وتوصلين كلامي/
أول شي ماتترك زوجها .. ماله داعي عشان خواته ؟؟ إذا مايحبونها بالطقاق هي متزوجته وإلا متزوجتهم؟؟؟؟
وما طار طيرا وأرتقى إلا كما طار وقع
وبالنسبه لفلوسها لازم تاخذها منه بأسرع وقت تجلس فلوسها عندها أفضل من أنها معه .......... كثير صارت مشاكل بسبة الفلوس وفيه رجال ماعطو حريمهم الفلوس!!
خليها تاخذهم بأسرع وقت...
وخليها تصبر من صبر ظفر ومن بعد العسر يسر والله يغير ولا يتغير بس تدعي ربها وتقوم الليل تصلي وتطلب ربي...
الله يسخر لها خالتها وخوات زوجها وزوجها
الله يسخر لها خالتها وخوات زوجها وزوجها
الله يسخر لها خالتها وخوات زوجها وزوجها

والله يجزاك خير أختي عالنقل...
تحياتي
ام وليدي
ام وليدي
الله يعيينج ويصبرج
املي بعد الله بهم
ادعو لها
امس زارتنى وهى تصيح وانا عرضت عليها ان نعرض مشكلتها ووافقت هى مكسينة طيوبه وما تحب المشاكل لو انا منها كان راويتهم شغل الله
كـحـيـلـه
كـحـيـلـه
أحسها سوالف حريم عاديه تصير في كل بيت

يمكن لأننا كنا عايشين في بيت واحد وكان فيه ثلاث اخوان وامهم وابوهم وعماتي

فـ الوضع هذا الي تقول عليه عادي :)

ماأحسه مصيبه أبداً ... تقدر تكف خيرها وشرها عنهم وش لها تتدخل بين الأخ وأخته

تستاهل ماجاها التدخل بهالامور مو زين ... وبعدين تسمع لشغاله وغيره ليه

الي ينقل لك ينقل منك لغيرك ... يعني خلها تكون ذكية وتكبر عقلها

وتحاول تكسب عمتها أم زوجها بالطيبه

العناد واللسان الطويل ماينفع بكره يقعدون يكرهون زوجها فيها لين يطلقها

دامها عايشه معهم ببيت واحد تستحمل هذي نتيجة الي تعيش ببيت واحد مع أهل الزوج

العمه لا رضت بيرضون البنات وبيرضى الزوج

ومو زين تقعد تقوله شوف أهلك وإلا ليه تعاملني بهالطريقة ... خليها تكسبه بالطيبه

والتمــــــــــــــــــســكن ليما تتمكن :D قالوها أهلنا أول

خلها ذكيه وتقصر لسانها وبتلقى هالحل أحسن حل :)