عزيزتي بنت الحجاز
الناس تختلف في الاماكن اللي تفضلها حسب ميولها ... فيه ناس تحب المدن الحديثه والمزدحمه , ناس تحب الضواحي والمناطق الهاديه وناس تحب الاماكن التاريخيه.
من الاشياء اللي تجذبني لبريطانيا التاريخ والقلاع والحصون والمتاحف احس اني امشي في لوحه زيتيه... فيه ناس ما يعني لها هذا اي شي.
انا ما ادافع عن بريطانيا ولا امريكا ولا اتهجم على اي منهما لانه لا ناقه لي فيهم ولا جمل لكني انقل تجربتي في دولتين مختلفتين.
ومن خلال تجربتي في امريكا وبريطانيا اقولها بالفم المليان انه ما فيه اعلام متفسخ ويمتهن المشاهد والطفوله والانسانيه مثل الاعلام العربي المريض.
بحياتي ما كنت اتصور انه في بلد متحرر مثل امريكا اشوف برامج كثيره تشهر بالمراهقات والحريم اللي يلبسوا فوق الركبه وتعتبرهم خارجات عن الاخلاق والذوق !!!
والبرنامج اللي شفتيه لا يحكم على البقيه لان هذول الناس يمارسوا اعلامهم –اللي نسميها متحرره- بنظام ومعايير ما يقدروا يتجاوزوها. وانت تعرفي ان الافلام والبرامج في كثير من الدول منها بريطانيا وامريكا يكتبوا الفتره العمريه المسموح بها لمشاهده مثل هذي الافلام والبرامج والمسؤوليه بعدها على الاباء .
لكن الاعلام ما يقدر يتجاوز المعايير لان القانون عندهم قوي.

بالنسبه للشعب البريطاني فالاغلبيه منهم محترمين والجيل القديم فقط هو المحافظ وهذا لا يمنع انك تلاقي اعلانات الكبل في الجرايد حريم او رجال بين الاربعين والستين يبحثوا عن عشيق من نفس الجنس ..اما الجيل الجديد فحدث ولا حرج من سن الاربعه عشر وبطنها قدامها ..
الامريكان اكثر انفتاح لانهم ابعد من غيرهم عن الكنيسه لكن الانجليز اقرب للشرق المحافظ في بعض العادات وليس كلها ... لكن بصراحه ما فيه قانون لا هنا ولا هنا يمنع الانحلال والتفسخ... السنه الماضيه كان فيه حفله كبيره في نفس المدينه اللي انا فيها للملاوطين والمساحقات... هذا غيرعقد قران للمغني الانجليزي التون جون على صديقه ... صح فيه ناس اشمأزت لكن القانون ما يمنع.
الامريكان اكثر انفتاحا يعني حبوبين اكثر وبلاويهم لا تعد ولا تحصى.
قبل احداث 11 سبتمبر ما كان عندنا مشاكل مع العم سام ما هو اللي مغرقنا بمنتجاته في البلد لكن بعد الاحداث صار الخصم الاكبر!!!وصارت اوضاعنا في تلك البلاد حرجه من كل النواحي ....
امريكا تتهمنا بالارهاب وتهاجم ديننا وتحتل اراضينا وتعتقل الطلاب بدون وجه حق في نفس الوقت اللي بريطانيا ما تقدر تسوي شي لكثير من الاجئين اللي يحرضوا على زعزعه الامن على اراضيها لان القانون في بريطانيا لا يسمح!!!!!
بريطانيا هي الدوله الوحيده اللي ضمنت حق اللجوء الكريم لكثير من المهاجرين واللي يدفع هذي التكاليف هو 25% ضرايب من راتب كل بريطاني سنويا.
اللي ما احبه في بريطانيا هو وسهوله اختراق القانون من قبل المتمردين بمعنى ان بعض المهاجرين يقدر يسوي اللي ما يتسوى وفي النهايه ينفذ بجلده باستخدام قانون البلد نفسه!!!!!!!!!!!!!!!!!!!!!!!!
.
الامريكان ما يعرفوا الا امريكا وثقافتهم عن العالم الاخر محدوده واذا ما فهموا شي (امركوه )عشان يفهموه... لكن البريطانيين يعرفوا عنا اكثر مما كنت اتوقع ممكن لكثر الجاليات العربيه ولان الكثير من اللي قابلتهم قد اشتغلوا او على الاقل قد زاروا دول عربيه واسلاميه.
وارجع واقول لنفسي احنا ما نقدر نفرض على العالم معاييرنا , فمعايير الاخلاق تختلف فما لا يسمح به في الشرق لا ضير في ممارسته في الغرب وما هو مباح في ارضنا يعتبر عند غيرنا عار ...
حياه الناس في بريطانيا وامريكا من حيث ما ينبغي وما لا ينبغي مبنيه على معييرهم هم وليس معاييرنا !!





الامن اللي في بريطانيا له اسباب كثيره منها على سبيل المثال:
بريطانيا ضمنت للعاطلين عن العمل والسنقل مثرز( (single mothers والمهاجرين حق السكن والمال كضمان اجتماعي تدفعه الحكومه من جيب المواطن البريطاني( المسكين) كضرايب سنويه تقدر كحد ادنى ب25% من الدخل السنوي للفرد.
ثانيا ضمنت بريطانيا حق ممارسه واحترام الديانات رغم انها دوله الكنيسه ... اكيد سمعتوا عن الملكه اليزابيث لما امرت بتخصيص غرفه كمسجد في قصرها لان واحد فقط من عمالها مسلم!
وفيه مدارس بريطانيه تصل نسبه الطلاب المسلمين فيها الى 100%.
القانون هنا يضمن الحق للكل ...عشان يفك نفسه من الجرايم وعوار الراس .
بريطانيا قدرت تضمن الامن في بلد يحوي نسبه عاليه من الجاليات المختلفه في كل شيء!!!!
وزي ما فيه ناس محترمه فيه ناس عنصريه لابعد حد... هذي النوعيه ما يردعها الا القانون!
يعني تروحي الامكان العامه مثل السوبر ماركت تطلبي اي مساعده ممكن يساعدك لكن بنفس شينه!! لانه ما يقدر يقول لا!!
في امريكا الناس شويه حبوبين اكثر ويتداخلوا اكثر ..احس الانجليز صحيح انهم محترمين لكن عندهم حدود اكثر في التعامل !!.
باختصار:
في بريطانيا مشكلتنا احيانا مع الناس والغلا وردائه الخدمات والمعيشه وما بيننا وبين حكومتهم اي مشاكل .
في امريكا مشكلتنا مع الحكومه وما عانينا من الناس .


ملاحظه : افتكر ايام احداث 11 سبتمبر كان الاف بي اي يراقب كل الطلاب السعوديين من خلال شبكه الكيبل بحيث يراقبوا ايش اكثر البرامج اللي يشاهدها الطالب وعلى اساسه يحللوا شخصيته ... انا وزوجي كنا خايفين مساكين نبغى الشهاده ونرجع ديارنا... المهم اللي سويناه اننا ادمنا افلام كرتون ..... وسلامتكم!!

غريب اختي نلقى الاحبة ...


يمكن المدينة اللي انتي عشتي فيها كان فيها كل هالأشياء

بعدين كيف تدفعين تاكس وانتي طالبة؟؟؟


والتاكس فقط للدخل حسب علمي وللخدمات الصحية ...اما تاكس طرق وتاكس زبايل...ماادري ماقد سمعت بشيء زي كذا ولاحتى قد جابوا سيرته المسلمين اللي في المسجد ...


انا اللي اعجبك يوم إنه جاني خطاب التاكس يقولون لي ادفعي يابدورة يابنت ابوك...

قلت والله ماادفع وانا بنت ابوي مادفعت لابن سعود عشان ادفع لابن باكنغهام:)


وارسلت لهم رسالة قلت منب دافعة انا طالبة وارسلت افادة من المعهد ....وابدا ارسلوا لي عقب الفاتورة حقت التاكس =صفر...

والكهرب معاك حق عايشة على لمبة وحدة فقط ....انواع الكحينة والقعاطة...

وفرن كهرب...تراه ياكل أكل...واطبخ فيه مرتين يوميا ...مع ذلك تجي فاتورتنا =60-80 باوند

بالعكس ماتصدقون كيف عيشتنا حلوة وحتى زميلاتي السعوديات نفس ظروفي واحسن مني بعد ماشالله يصرفون على كيفهم أنا رجلي شوي شديد...وحتى وحدة من زميلاتي عندها طفلة وماشالله احسها عادي...ماقد اشتكت من العيشة...

يمكن لأن ماعندي اطفال بس حتى لو ...انا اصرف على الاقل يوميا خمس بواندات ثمن مواصلات واكلي ومع ذلك احسه عادي ماختلت الميزانية...


صدق الوسخ فعلا...مالوم اللي يهج من برايتن من وسخها وقرف التسلاب اللي على قوراع الطريق ...

والتلفزيون ابد عايشين على قنوات البي بي سي ودشيش شراه ابونا بعشرين باوند...

يجيب افلام كرتون وافلام عن حياة الفيلة والزراف:)


وصلى الله وبارك...

بدوره الحلوه: الطلاب معفين من ضريب الدخل والخدمات الصحيه وللا كنا نشحت من زمان.
لكن كل واحد عنده سياره سواء استخدمها ام لا لازم يدفع ضرايب طرق!!
لكن ما جبت سيره ضرايب الزبايل ... مش كفايه انن نجمع لهم الريسايكلنق؟؟؟؟؟
بس اللي يحصل لما يلاقوا بين القمايم او الريسايكلينق علبه زجاج يدفعوك غرامه!!!! لازم تلمي القزاز لحاله وتروحي شخصيا لمكان مخصص للقزاز ... يعني شغله بس للزبايل!!!... فاضين احنا ؟؟؟

غريب يااختي نلقى الاحبة ...الله يستر زين نبهتيني...

بس طيب انا اجدع القزاز دايم عادي في كيستي السودا...حقت الزبالة ...ولاقد احد قال لي عن الرسايلنغ اشوفهم هاقينا فيه في التلفزيون ولاادري وش الطبخة؟؟؟

الله يستر بس احنا ناقصين مصاريف ...لمبة وحدة وقاطعتن قلبي
وتوها جايتنا فاتورة الغاز 189 بوند بنس ينطح بنس...بس الحق يقال استهلاك ثلاث شهور....وابونا بيشق جيبه الحين يقول منين واحنا مانستخدم الغاز كثير...؟؟

حبيبتي ( ونلقى الاحبه)



صادقه والله..مثل امي الله يحفظها

كانت تحب اماكن الترفيه والغرابه ( مثل هوليود وديزني لاند وجزر هاواي وغيرها من اماكن الطبيعه والترفيه)

لكن احنا كنا نموت على المتاحف..واغلب تماشينا ببريطانيا على متاحفهم

وعلى كثر مارحنا من متاحف..إلا اننا رجعنا متحسرين اننا ماشفنا كل المتاحف!!

بالرغم اننا نحب الطبيعه كمان..وماتركنا مكان ببريطانيا فيه طبيعه حلوة الا ورحنا نشوفها..لكن مانحب الاماكن المزعجه



عموما كلامك عجبني كثير..ولامس الحقيقه..لكني استغربت من شيء

ماشاء الله عليك..عملتي دراسه عن بريطانيا واسباب امنها وكيفة المعيشه فيها

ماشاء الله عليك


احنا عكسك والله..تعايشنا مع المجتمع بدون ان ندقق في اخطاؤه..لأننا عارفين اننا ضيوف عندهم وماراح نجلس كثير في بلادهم

بينما العرب المهاجرين هناك كانوا يفهمون اكثر منننا في كل شيء..بحكم انهم جبروا على العيشه هناك


كلامك كله صحيح

لكن اقتطع منه



ههههههههه الله لايبتلينا ويحمي بناتنا يارب

والله اول مره رحت هناك..انصدمت من البنات اللي اعمارهم (10 سنين) وحوامل:eek:

والله انهم عشر سنين!!!!!

الله لايبتلينا يارب







ههههههههههههههههه ماالومكم والله..امريكا صارت شبح وخطر لكل السعوديين هناك


الله يحمي اخواننا بامريكا ودول اوروبا..والله يردهم لبلادنا يــــــارب

والله يفرج هم حميدان التركي وكل اسرانا بأمريكا وغيرها من بلاد اوروبا