السلام عليكم ورحمة الله وبركاته في البدايه الله يعينا على بعض بالحريم ماحد مرتاح اللي تشكي من زوجها واللي تشكي من اهلها واللي تشكي من عيالها لكن حنا يابنات حواء مالنا الا بعض بعد الله سبحانه والله يجعلها تخفيف ذنوب والله يفرج على كل مسلمه ماهمها من ضيق وابتلاء ياقادر ياكريم ويفرح قلوبكم (تمنى لاخيك المسلم ماتتمناه لنفسك)
انا يااخوات عندي مشكله والله ماعاد اميز بين المشاكل من كثرها هي تسوى ازعل عليها ولا لا واتمنى تنصفوني باارئكم
انا ياعزيزاتي تزوجت من شخص بعد قصة حب دامت اربع سنين عشنا اول ايامنا بالسعاده ولله الحمد يعني حياه عاديه مافيها شي يمزها بس مستقره والاستقرار الاسري يكفي لسعاده تملا قلب امراه المهم اني حملت عالطول وعانيت في حملي الامرين فقر دم شديد واغماء انتفاخ رجلي لين توقفت عن المشي سويت عمليتين ضروريه وطارئه في حملي بتخدير كامل والحمدلله على الصحه والعافيه وفوق هذا اختبارات بالتخرج من الجامعه
يعني لاحظو بدايه الزواج على طول وحمل وتعب بالحمل بشكل مو طبيعي يعني ماتهنيت بالشي ولاذقت للحياه طعم بس زوجي بالشكل عام طيب ماتنقدون عليه وجاء وقت الولاده وولدت جلست عند اهلى الاربعين رجعت لبيتي كل شي عادي ومكانه هو بارد مااشوف شي متحمس له صح انه طاير بولده بس انا وين مكاني والله يااخوات ماقدم لي بمناسبة سلامتي لو ورده بس وفيه اكبر من مناسبه الولاده والقومه بالسلامه بعد صراع تسع شهور من التعب كتمتها بنفسي وسويت نفسي عادي صرت انا انام مع ولدي بالمجلس علشان هو يرتاح بغرفته من الازعاج والقلق طبعا انا انام على الارض وظهري وعظامي حدث ولا حرج خاصه اني في الولاده اخذت ابرة الظهر وولدي الحين صار عمره ست شهور وانا حارمه نفسي النوم علشان حضرته ينام على السرير ويرتاح تحسبونه رحمني او قدر هالشي يجي من الدوام البيت مرتب نظيف الغدا من كل صنف شكلي ولله الحمد يفتح النفس ولدي ارتبه وانظفه كل يوم البسه لبس جديد قبل ابوه مايجي الدوام ويشوفه مؤدبه هاديه ماني بحقت مشاكل مافيه ارحم مني عليه بس مادري احسه هو مو مهتم جالس بغرفة الجلوس وربي مااكذب عليكم بالعشر ساعات متواصله يتابع المباريات يخلص وينام وانا مالي مكان ابي اطلع ابي اغير جو مليت جاني اكتئاب بعد الولاده وبغيت اموت من الضغوط اللي علي شايله هم امي مريضه وتعبانه نفسيا وكل يوم بصوت تصيح مريضه وانا تقطع قلبي وهو ببرود كل ماشافها الله يعطيها العافيه ويقضب ظهره وانا مو من حقي تطلعني من الجو الللي انا فيه طلبته قلتله غير الشقه اللي حنافيها ياناس ماهي شقه بدروم غرفتين اصغر شقه ممكن تتخيلونها وربي حتى ماقدر اتفس من الضيق حتى لشمس مايدخل كل الشبابيك تطل على منور انكتمت معقوله واحد راتبه 15 الف ريال هذي شقته تفشلت من اهلي وش ذا المكان اللي مسكني فيه وهو يقدر يعيشني بمكان افضل مقتدر راتبه كامل لاديون ولا شي يانا س اصيح اقوله خذ شقق تمليك تقسيطها بالشهر الفين بس احسن من الايجار ومرمطة الاجارات ولى هامه يسمع من هنا ويطلع من هنا يابنات لو تشوفون سيارته تفشل وهو رجال معاه فلوس ليه اعيش الحياه ذي مو حرام لو راتبه ضعيف لو كله ديون واقساط بتحمل بس راتبه 15 الف كامله اشفها بعيني ولاتقولون بخيل ابدا اكرم من الكرم نفسه بس لامبالاه وعدم اهتمام وقنوع بزياده ولايحب الاقساط طيب انا وش ذنبي وفوق هذا لسانه طويل علي مرميه بالمجلس مثل الشغالات اطلبه طلب نسافر لو نص يوم الشرقيه وش بيكلفه ولايعير لكلامي اي اهتمام وانا تعبببببببت ومليت ابي مكان اغير فيه جو انا وياه من تزوجته والله ماطلعت معاه مكان برى الرياض اخر شي سويته رحت لاهلي وناويه اجلس عندهم لين يتعدل او يطلع من حياتي ماني بحاجته وعفته
هل انا غلطت يوم طلعت من البيت لاتقولون تفاهمي معاه بهدوء وبالكلمه الحلوه مابقيت لاطريقه ولا وسيله كل حياته على هذي المباريات وانا وش موقعي
ام يزن @am_yzn_22
عضوة نشيطة
يلزم عليك تسجيل الدخول أولًا لكتابة تعليق.
ام يزن
•
رفع
والله الله يعينك بس فيه مثل ماشيه عليه انا
اذا تغيرت المخده تغيرت الموده اوو زي كذا
اذا تغيرت المخده تغيرت الموده اوو زي كذا
طيب وولدك راحمته المسكين
طيب وين حب الاربع سنوات
حاولي تخلين احد يكلمه ابوك مثلا او حد من اهله
طيب وين حب الاربع سنوات
حاولي تخلين احد يكلمه ابوك مثلا او حد من اهله
الحين ليه تطلعين من غرفتك ؟؟؟ارجعي نامي بغرفتك وخليه يسمع ولدك وهو يبكي ويعرف قد ايش تعانين ...والرجال كلهم مثل بعض سوا تزوجك عن حب اوغيره ماعندهم فرق ..والبيت بيغيره لو طلبتيه باسلوب ثاني مثل انك تبين غرفه لولدك ...اكتئاب النفاس جاني وحسيت شوي وبنتحر من الهم اعوذ بالله الله لايعيده ..واكثري من الاستغفار .الله يعينك عليه
الصفحة الأخيرة