خليني معاك :

candi kitty/ لا حبيبتي انا مو قصيمية بس قولي امين جعلي اخذ قصيمي <<<<<<اقدرهم خخخ الله يوفقك ويرزقك اللي تتمنينه قولي امييييييين وبخصوص العين كلنا تحت الله بين ويديه واحسها خزعبلات صراحة كثرة الوسوسة ومدري ايش مادام الواحد ذاكر لله ومتوكل عليه لايخاف ابد والاانا غلطانة امي لو تسمعني اطري قولة نظل وعين لفتني بكف تقولي عيب تقولين كذا الله الحافظ جنان// ياحبي لك الله اكبر يعني انا اللي متزوجة والا مقبلة على الزواج انا مثلك مير انا كاتبة موضوع مالي علاقة فيه من اصله هههههههه بس كذا اشوف نفسي ان شاء الله ماقول الا الله يرزقني وياك وكل بنت شينة والا زينة والا كويحة بالزوج اللي يحوف بها ويروف بها قووولي امييين المـــاســة// والله ادعي لك يادبة مدري ليش اسمك ناشبن في لساني والله امك داعية لك ههههههههه الله يقبل دعانا ودعاء كل مسلم تصدقين عاد من ناحية جمعة الاهل والخوات شفت نماذج تزلب رجلها عشان عزيمة ترى الرجال مايندرى وش في خاطره لو وداك وجابك احس الوحدة لازم تحسسه باهتمام تنكسل مثلا موعد عشانه تلاقينه يجمع في قلبه واذا انفجر جاب طاري العزايم والجمعات ومن ناحية النوم عند الاهل المفروض الوحدة ماتنام عند اهلها الا بالشديد القوي حتى لو هو سافر تشد ارضها في بيتها مو كل مرة تروح لاهلها المفروض ماتعوده اببببببببد كانها بتنام الله لايهينها تنطل بزارينها اولى وهي لاتنام خخخخ ومن ناحية خفة الطيرة هي خافة خافة بس يعتمد على الحرمة والله اخبر لك حرمة عجووز جدة تقولين امه مو مرته اقسم بالله انه حايفن بها ولو تشوفينه قلتي ابو ثلاثين ماشاء الله وراه مايتزوج عليها بس وفي ماشاء الله وماقد تعدته ابد لانها مهتمة فيها ومزلبة عيالها وبعدين عيالها كبرو تصدقين اتوقع انه يعتمد عالرجال واخلاقه!!!! ونسيت اكتب في موضوعي حاجة مهمة ان الرجال اذا اهتوي مشوار والا طلعة والا شي وانتي يالحرمة ماهتويتي لاتبينين هالشي الا روحي وشجعيه لو انك تعبانة من مصالى هالمبزرة ترى اشين مابه انك تكسحينه يجمع في قلبه عليك ولاعاد يطري لك شي سراج الامل// ماعليك زود حبيبتي الله ينور دربك ويوفقك ملوووكة// ويوفقك انتي بعد ويرزقك احسن مماتمنيتي عاجلا غير اجل نجد بنت المجد// الله يرفع قدرك ويعليك ويجبر بخاطرك ويوفقك الذئبة الزرقاء// هلا والله الله حيييها شوفي عيوني الرجال لو بغى سافر من دون مايشاورك فخليك ديمقراطية ولاتحرمينه والله الهاادي يابنت الحلال يعني هنا مو خربان؟؟؟ ياحليلك كل يوم نسمع سالفة اشكال والوان صراحة خوفتني خخخخخخخخ يمه الله يرزقني بالصاااااااااااحي اللي يخاف الله فيني ومن ناحية البطاقة معك حق بس لاتبينين له هالشي يعني لو طلب عطيه الحين امنتيه على عرضك وقلبك وحياتك ماتأمنينه على حتة بطاقة وش اهم النفس والا الفلوس؟؟ يعني الدعوة خربانة خخخخخخخخخ الله يوفقك ويسعدك الثريا// نووورتينا بطلتك الله يرزقك من حيث لاتحتسبين قولي امييين سيف ابوها// الله يسعدك ويفتحها بوجهك ويرزقك اللي تتمنينه مشكورة pertty woman// وانا كمان حبيتك تئبري ألبي ( لاتصدقين استغفر الله خخخخ) الله يوفقك ويرززززززززززززززقك من وسع اميرة البحرين// هلا والله باهل البحرين تصدقين اني مذية اهلي ابي حلاوة بحرين يقولون مانتب صاحية لاتكونين حامل قلت اية حامل بشحم خخخ مشتهييييتها مرة وجابو لي حلاوة بحرين بس مو مثل اللي اخبر تتمطط خخخخخ ماتتمطط ذي شوفي حبيبتي انتي خليك طيبة ولاتستنين من احد شي الطيبة بتخليه يستحي من نفسه لو كان عنده دم الله يوفقك حبيبتي ويرزقك اللي تتمنيه دلع// الله يوفقك بمشروعك ويسعدك دنيا واخره قولللللللللي امين

candi kitty/ لا حبيبتي انا مو قصيمية بس قولي امين جعلي اخذ قصيمي <<<<<<اقدرهم...