ياني تايهة يابنات ........... بس اكيد مو لحالي؟؟؟؟؟

والله أنا حاسة فيك كثير لاني عندي نفس المشكلة
جربي هالطريقة
قبل مايقوم طفلك بساعة عطيه رضعة حليب
أول مايقوم عطيه زبادي مع عسل واذا كان مايحبه عطيه فاكهه واذا كان مايحب ياكلها عطيه عصير الفاكهة
بعدين وجبة الغداء احرصي انك تسوين معاها مهلبيه عشان اذا ماأكل كويس المهلبية تعوض النقص
بعد ثلاث ساعات عطيه رضعة حليب
حاولي تسوين كيك، الاطفال يحبونه ومغذي كمان
اعطيه خبزه محشوة جبن او مربى اوعسل المرة الاولى ياكل ربعها ويرميها
المرة الثانية ياكل نصفها ......وهكذا لما يتعود
شوربة كويكر مفيدة لاتنسينها
ايضا شوربة العدس
ايضا الاطفال يحبون المكرونة المسلوقة على مويه وملح


الله يوفقك ويعينك
أهم شي تجنبي الحلويات والشبس
لان مامنها الا المضرة

حلو تكتيك امل ............ يعطيك الف الف عافيه عمري

اكيد فيه استراتيجيه ثانيه عطونا من افكاركم......ههه حشى داخله في معركة

فيه اشياء مفيده جدا ...ممكن تعطينه اياه خارج اوقات الوجبات بدل الحلويات والشيبس....مثل الفشار (البوب كورن) المكسرات انا ولدي يحب الفستق..اعطيه ايسكريم واخلط معه شوي مكسرات حتى المهلبيه والكريم كراميل اذر فوقها مكسرات....اسوي كيك وكريم كراميل بالبيض..الاطفال يحبون السليق والجريش ..اسوي الجريش بالدجاج او اللحم....الشوربات مثل شوريه الكويكر ..او الخضار...العصيرات.....المكرونه بقشطة الخفق عيالي يحبونها ...احاول اقطع الخضار مكعبات صغار مع اي شي اسويه رز او مكرونة عشان ياكلونها....زبده الفول السوداني جدا مفيده وحتى الحلاوة الطحينيه ممتازه للاطفال ممكن ساندوتشات...التمر روعه لو الطفل يحبه عطيه كل مابغاه...ممكن تقطعين الفواكه صغار سلطة فواكه وتحلينها بالعسل وتحطين معها عصير برتقال وقشطة تصير حلوة...البيض كويس شوفي اذا ماحبه الطفل عادي ممكن يحبه زي الشكشوكة...او تحطين بيضه ومعها ملعقه وحده دقيق بر وملح تصير زي الخبزه ياكلها بالملعقه.زبادي الفواكه الاطفال يحبونه ....معليش كلامي مو مرتب.....

موضوع حلو


وافكار مفيده


وانا بنتي سنتين وخمسه شهور 0


تقوم الضهر وماتاكل الا على الساعه 4 شوي غداء
واحيااااااااااااااااااااااااااانا مو كل يوم 00


والعشاء ممكن رضعه وبالليل طبعا ما فيه عشاء
الا نادرا او اذا كان عندنا ناس وغارت تتعشى 0



تموت على الاندومي بس قطعته عنها 0


صرت احط بداله مكرونه 0

تحب الفول السوداني 0



بس المشكله نفسها كريهه على الاكل
مو كل شي تذوقه او تحبه


واغلب عيشتها على الرضاعه وشكلي بقطعها عنها


بس اخاف ماعاد تذوق الحليب 0

علموني 0

الحمد لله بنتي مريحتني ماتاكل شي !!!!