ام مسك وملك @am_msk_omlk
محررة ماسية
ياهلا باللي على الدنيا حضرت..احلى مولوده بالزين كملت **قصة ولادتي**
السلام عليكم رحمة الله وبركاته
حبيت اشاركم بقصتي ولادتي واسال الله ان ييسر على خواتي الحوامل وييسر امورهم وربي الولاده تساهيل من ربي انتوا تؤكلوا على الله واحسنوا الظن فيه وربي راح ييسر امووركم لاتسمعون كلام فلانه ولاعلانه هي غير وانتي غير مالك غير تدعين ربي يسهل ولادتك ويجعلها بردا وسلاما عليك كما جعل النار بردا وسلاما على ابراهيم
ولادتي يوم الخميس بتاريخ 8/11/1432هـ
نبدأ بسم الله
انا الحمدلله كنت اراجع في المستشفى العسكري وكانت كل مراجعاتي تمااام وقالوا لي معك بنوته عاااد كنت فرحانه فيها لاني اتمنى البنوته وماصدقتهم واروح خااص عشان اتاكد لسه ماني مصدقه وربرضوا قالوا لي بنوته وكل شوي اغير مستشفى كله عشان اتاكد حتى جننت بنات التجمع معي اني لسه شاكه مو متاكده بديت اقضي اغراضها ماخليت شي عااد لبس البنوتات غير يالبى قلوبهم
وبعدين سافرت لاهلي عشان اولد عندهم وكنت على اخر الثامن بداية التاسع رحت اراجع بالعسكري قالوا لي جايه متاخره ماراح نحولك على دكتورة نساء ولاده تراجعين عند طبيبه عامه ووقت الولاده تجينا وماتسوي لي غير انها تتاكد على نبض الجنين والتحاليل قلت بروح خااص رحت عند وحده قالت لي كل شي تمام بس عندك الموويه الزياده بنسبه بسيطه وقعدت اسبوعين ماتتطمنت لاني اول مره اروح عند هالدكتوره الدكتوره اللي اعرفها مسافره
شرفت الدكتوره بعد 3 اسابيع في التاسع يعني مابقى لي الا اسبوع واولد قلت خلاص بروح عندها اتطمن
لانها ماشااااء شااطره والكل يروح عندها دخلت بعد السوالف والمقدمات الطويله بدت تشوف بالسونار قالت لي معك بنوته قلنا غيرهااا بس صغيره مرررره وزنها كيلو و700 جرام بس عااد انا:blink:
كيف هالوزن وانا مابقى شي بالتاسع والبيبي نازل مررره يعني تجنبي اي مجهود او حركه عشان ماتولدين لانا الرئه مااكتملت يبي لك اسبوعين عشان تكتمل ولاتحتاج حضانه قلت كيف اسبوعين وانا الاسبوع الجاي بخلص التاسع قالت لا ماراح تولدين الحين لازم بعد اسبوعين قلت طيب مو بكيفي قالت لا ان شااء الله ماراح تولدين الا بعد اسبوعين>>كانه بكيفها
وقالت لي بعد انا عظام اليد ضعيفه الكالسيوم فيها ضعيف والرجول لسه مااكتملت تخيليوا هذا كله بالسونار العادي
عااد رجعت البيت وانا هذا حالي:icon33:
حتى باقي التجهيزات حقت النفاس ماعاد كملت اوصي:arb: يجيب لي كل مايزيد وزن البيبي ولاعااد تحركت ولامشيت
وبعدين رحت عند اختي وهي بمدينه ثانيه طلعني زوجي غصب لزوم تغيير النفسيه لانها كانت بالحضيض
ودي اولد وبنفس الوقت خففت من الولاده لاتطلع بنتي فيها شي
وجلست عندها يومين وباليوم الثاني واحنا جالسين على الغدااء احس بالم ووجهي انقلب قالت لي اختي اشفيك قلت مافيني شي قالت والله وجهك باين انه الم ولاده قلت لا الم خفيف بس قالت احسبي له اذا انتظم معناته طللق وصار يجيني كل ثلث سااعه وحاطه بالي ماهي ولاده ابدا
عااد انا مااعرف الطلق الطبيعي لاني والده بولدي البكر صناعي وماجاني طلق
ورحت جلست على اللاب وادخل تجمعنا الحبيب وبرد على البنات الموجودات وببارك للي ولدوا ماامداني اخلص اقتباسات الا احس شي نزل مني
وعلى طول على الحمام وانتا بكرامه الا اشوف افرازات دم واطلع عند اختي واقولها نزل مني دم قالت ولاده مو قلتلك بس انتي ماتصدقين ورحت اخذت دش دافئ وسوت لي حليب بالحلبه وقالت خلينا نكشف بخااص واذا ولاده تروحين العسكري قلت اووك
ورحت وقالت لي الدكتوره مفتوح 2 سم ربي يابنااات من كثر مايوصفون الكشف انه مووت واللي تقول الولاده اهوون السبب منهم هم لما تكشف اهم شي ماتشدين تسترخين قد ماتقدرين وتاخذين نفس وربي ماحسيت بالم اللي يقولونه البنات >>يعني لاتصدقون اي شي
قالت خلاص ولاده لازم تروحين بسرعه لانك مو بكريه باي فتره راح تجي الولاده ويفتح بسرعه
وانا راجعه تذكرت الحلتيت لانا اغراضي كلها وتجهيزاتي في بيت اهلي فلازم امر العطار اشتري قلت زوجي وقفنا
العطار ابي حلتيته ويانسون ورجعت البيت وشريت حليب باليانسون وجلست اسوي حركة الرقفصاء وطلعت من البيت بعد المغرب والم خفيف مثل الم الدوره
وجلست اشم بالحلتيته تقولين مدمنه مخدرات هههه ويقولون عيال اختي وع ريحه مادروا انا البلا من عندي:09:
واقول لزوجي ابي موية زمزم عشان اقرى فيها ايات تسهيل الولاده قال مااعرف وين يبعونها قلت مالي شغل تجيبها لي مسكت على المويه دق على زوج اختي لانها يمشي قبلنا بيوصل ولدي وعيال اختي عند اهلي وزوجي بيودني المستشفى لاني قلت ماابغى امي تعرف ماابيها تشيل همي قال يبيعونها بس بعيده يبي لها ساعه ونص خصوصا اليوم الاربعاء والشوارع زحمه قلت مالي شغل بصبر جيب لي مويه وبس قالي يابنت الناس لاتولدين علينا قلت ابي مويه ماعاد صرت اناقش وفي الاخير دق زوج اختي على خويه وساله تعرف مكان قريب يبعيون زمزم قال مايبعيونه الا بالمكان الفلاني نفس المكان اللي يعرفه قلت انا ابيه ضروري قال انا عندي مرى علي اعطيك والحمدلله انحلت مشكلة المويه ووصلت المويه بعد تعب واشتريت رطب وجلست اكل رطب واشرب مويه وقريت سورة مريم والبقره كامله
وصلنا المستشفى بعد مشووار ودخلت قلت لهم ولاده سوت لي كشف قالت 2 لازم تنويم يعني مازاد شي وصرنا بعد العشااء قلت خلاص بطلع ماراح اقعد قالت اختي والله ماتطلعين ودقيت على امي اشاورها مع اني ماكان ودي اقول لها قالت اقعدي لانا الممرضه تقول عندك طلق وانا لا بطلع لانا اغلب بنات التجمع معي اللي يسعدهم مفتوح 2 سم وبعضهم اكثر طولوا فماابي اقعد بالمستشفى ابي امشي براحتي جات الدكتوره وقالت لي شوفي لو جاء 10 الصباح ماولدتي نطلعك قلت اووك
سوا لي النبض والسوناار كل شي تمااام اسالها عنها البيبي قالت كويس قلت طيب الرئه قالت اشفيها قلت اكتملت قالت ايه عااد انا صرت :) وتحمست للولاده اهم شي البيبي بخير
وطلعت التنويم والم خفيف بس يروح ويجي لين الساعه 2 الفجر بدى الطلق يزيد والوقت صاار كل 5 دقايق وبعدين زاد صاار كل 3 دقايق والساعه 3 ونص انادي الممرضه اقول لها اكشفي قالت لي 3 اقولها كل هالم و3 قالت اصبري ان شاء الله ينفتح وكان كل ماتجي الطلق اسوي حركة القرفصااء واخذ نفس واقرى سورة الزلزله وربي يابنااات يخف الم بشكل كبير وكل وقتي اقرى ادعية تسهيل الولاده واشرب مويه ورميت الحلتيته تحطمت انه ماانفتح وريحتها تصك الراس وكل شي يزيد الالم جات الممرضه الساعه 5 الا تكشف قالت 5 واقنز من الفرحه واقول الحمدلله فرجت وكانت الممرضه عسل وتقولي الحمدلله يالله ولاده يالله غرفة الولاده وابدل ملابسي وكنت لابسه كلوت ولفوطه تضحك علي القابله وتقولي مافي تلبس شي هذا ولاده يالله شيل ههههه
ويركبون لي الضغط ونبض الجنين ويقولون لي على جنب وكل شوي يزيد الالم بغيت امووت واقولهم اعطوني مسكن قالوا لازم نتاكد من نبض البيبي بعدين نعطيك مسكن واعطوني اكسجين بس ماحسيته فادني ماخفف الالم ولا شي والساعه 6 الا ثلث تجي تعطيني الابره وتكشف الدكتوره قالت 6 وتفتح المويه وزااد الالم وصاارت الطلقه ورى الثانيه مابينهم فرق وربي كنت ادعي لاخواتي بالتجمع فديتهم ولاهلي طبعا وكل اللي طلبني ادعي له وحسيت بدفع واناديهم قالوا لا لا تدفعين وتجي تكشف قالت 10 وربي ماصدقت الحمدلله يااارب قالت يالله ولاده لاتدفعين الا اذا قلنا لك يالله ادفعي احاول اول مره مافي ثاني مره مافي ثالث مره بعد مافي رابع شي طلعت احلى بنوووته :icon28: الساعه 6 و4 دقايق
واول ماطلعت اطالع ولد ولابنت قالت لا باقي مشيمه لاتتحركين ونزلت المشيمه وورتني البيبي واطالع برجولها وبشكلها اتذكر كلام الدكتوره انا كل اللي قلته ماعندها سالفه:09: وطلعت بنووته زي القمر ووزنها 2 كيلو ونص صح صغنطوطه بس مو زي ماقالت كيلو و700 والحمدلله مااحتاجت لاحضانه ولاغيرها طلعت معي
وترى رحت عند الدكتوره الاربعاء ولدت يوم الخميس الاسبوع اللي بعده
حسبي الله على الدكاتره اللي مايخوفون ربي ويهولون الشي
هذا قصتي وادري طولت عليكم بس كنت ابيكم تعيشون معي كل لحظه وماتصدقون كل شي
وعقبااااااااااااااااااااااااال الباقي ياارب
144
10K
يلزم عليك تسجيل الدخول أولًا لكتابة تعليق.
الصفحة الأخيرة