بسم الله الرحمن الرحيم ..
السلآآم عليكم و رحمة الله و بركاته ....
كيفكم حبيباتي ؟؟..
عساكم طيبين ..
اليوم باتكلم عن الشغالات .. و ما أدراك ما الشغالات!
الشغالة نفس البطيخة !! ... يا حمراء و حلوة .. يا بيضة و مرة !!
اليوم بخبركم شو أسوي لما تجي الشغالة من أول يوم، و أريد نتبادل بالخبرة وخاصة المستقدمات من سنوات.
بالنسبة لي، أول يوم أخليها تنام وترتاح، مسكينه.. جت من سفر طويل.
ثاني يوم، اعطيها ادوات النظافه كامله عشان تتعود على النظافه... و أكلمها أنه كل يوم تتسبح ..>بطريقه الامر.
بعدين المطبخ أعلمها طريقتي في التنظيف واشرف عليها لمدة شهر لين ما اتطمن، وكل ما تدخل المطبخ، كل شوي تغسل يدينها بالصابون.ذول جو اغلبهم من بيئه وسخه فـ مش متعودين.
لاتتركي المتابعة الدورية ابدا، لين ماتسافر لأن لو تركتيها اسبوع فقط ، بتشوفين العجايب، ،وكلميها على طول اذا ما عجبك تنظيفها أو شغلها.
اي شغل مب نظيف أخليها تعيد الشغل عدة مرات لين تتعلم الشغل عدل.
اما الغرف أعودها على طريقتي مب طريقتها وأكلمها انه ماتحرك اي قطعه اثات إلا بتنسيقي ، يعني أخلي الكلمه الاولى والاخيره لي.
في كل تفاصيل مملكتك، خبريها من اول ماتطب بيتك.. اي حاجه او مشكلة تخبرك انتي فقط.
وكلميها من البدايه لاتتدخل في اي شي يخص اولادك، خاصه الاشراف والتربيه و لا تنسي هذه شغاله في الاخير
بالنسبه للطبخ انصح كل حرمة تطبخ بنفسها، حلات الاكل من يد صاحبه البيت.. لأن فيها أجر، و بعد في الحركة برركة.
ولاتخلينها تختلط معاكم ابدا، سوى كانت فى جلستك مع زوجك او اولادك او حتى أي لمّة تخصك.
احذري .. لأنه اغلبهم يطلعون اسرار البيوت من جلستهم مع اهل البيت، خليك حازمه في هذا الشي ولا تسولفين معها دائماعشان ماتفهم عليكم، خلها تفهم لغه الشغل فقط، لكي لاتطلع اسراركم برا، هذول في دولهم متعودين على السوالف والثرثرة بسبب نقص الوعي الديني و قلة التعليم.
في الاخير عطوني آرائكم و خبراتكم ..!
دمتم بود
خبرة حياة1 @khbr_hya1
عضوة فعالة
يلزم عليك تسجيل الدخول أولًا لكتابة تعليق.
سنكرس القصيم
•
جزاك الله خير
اخت ميما
•
خلها تجلس ونتبادل السوالف تراها انسانه تطفش بالجلسه لوحدها
اذا ابوي وااخواني الكبار مش موجودين تجي تجلس تتفرج على التي في وتطق لها كم سالفه
والا اذا دخلنا المطبخ معها نسولف وياها واحنا نطبخ الممنوعات اذا كان ابوي موجود
وبعد اذا ابوي طول بالجلسه اول ما يفكر يطلع يقول نادوها تجلس معكم انا بطول بالجلسه مع الشباب
واذا بنشتري شي من البقاله نسالها وش تبين
يعني لاتكبروا السالفه وهي صغيره
اذا ابوي وااخواني الكبار مش موجودين تجي تجلس تتفرج على التي في وتطق لها كم سالفه
والا اذا دخلنا المطبخ معها نسولف وياها واحنا نطبخ الممنوعات اذا كان ابوي موجود
وبعد اذا ابوي طول بالجلسه اول ما يفكر يطلع يقول نادوها تجلس معكم انا بطول بالجلسه مع الشباب
واذا بنشتري شي من البقاله نسالها وش تبين
يعني لاتكبروا السالفه وهي صغيره
الصفحة الأخيرة