كوبونات الراقية تسجيل الدخول

ام عموري وعبود
ام عموري وعبود •
حقيقة ثابته...
عندما تفرح
تذهب لاكثر شخص تحبه.....
وعندما تحزن.....
تلجأ الى اكثر شخص يحبك....
وما أروع أن يكون نفس الشخص في كلا الحالتين..
صباحكم معطر بالايمان وطاغة الرحمن يا ملكات..
:26::26::26:
طموحي ابداع
طموحي ابداع •
ام عموري وعبود ام عموري وعبود :
حقيقة ثابته... عندما تفرح تذهب لاكثر شخص تحبه..... وعندما تحزن..... تلجأ الى اكثر شخص يحبك.... وما أروع أن يكون نفس الشخص في كلا الحالتين.. صباحكم معطر بالايمان وطاغة الرحمن يا ملكات.. :26::26::26:
حقيقة ثابته... عندما تفرح تذهب لاكثر شخص تحبه..... وعندما تحزن..... ...
السلام عليكم ورحمة الله وبركاته؛ كيف حالكم ياخواتي الغاليات على قلبي يشهد الله اني مشتاااااقه لكم خواتي ولسواليفكم . وانا اعتذرلكم عن تقصيري في التواصل معكم وانقطاعي عنكم بسبب مشاغلي الي كثرة في هالشهر الفائت وبسبب بعض الظروف المتجدده في حياتي بس ابشركم حبايبي انا بخير ونعمه ولله الحمد واتمنى من الله انكم انتم جميعآ تكونون بخير… وارجو من الله انها تكون اجازتكم سعيده وممتعه ويمن عليكم بتمام الصحه والعافيه… نلتقي على خير وفي امان الله :-)
ايماس
ايماس •
صباح الخيرات والبركات مبروك الاجازه عليكم والله يجعله اجازه سعيده عليكم وعلينا وعلى جميع المسلمين ويفرحنا بنصر المسلمين في سوريا ويغيثنا يارب اخواتي وحبيابتي ودي استشيركن بشئ بما اننا خوات انا ضرتي رجعت لبيتها بعد غيلب سنه ونصف مشاكل بينه وبينها ولاادري وش السبب ولايهمني اصلا المهم له خمس شهور راجعه له وطول هالفتره لانشوفهم ولايشوفوننا وعادي بكيفهم اريح لي وطبعا نتجمع مع اهل زوجي باستمرار باستراحه مره كل اسبوع ومره اسبوع واسبوع وكذا طبعا هي ماتجي ولاحتى بناته قبل اسبوع قال الاسبوع الجاي ماتروحون لاهلي الدور على فلانه قلت خير وقيل يوم قال يالله استعدو انكم تروحون لاهلي قلت والبيت الثاني قال عندهم ظروف قلت خير ورحت انا وبناتي والامور طبيعه الحين يوم السبت عندهم مناسبه كبيره وقال لنا عاد امس احكي عليه اقول ابي اروح للسوق ابي اغراض للعزيمه قال ماهو دورك انتي بس تبين تروحين وهي ليش ماتروح قلت انا مامنعت احد بس لها خمس شهور راجعه لبيته ماعمره فكرت تروح والحين العزيمه الكبيره تروح لها قال ايه قلت خلاص بكيفك تروح عادي حنا لنا الدور اللي بعده قلت بس ماهو لاجاء يوم العزيمه فلت ماهم رايحين انتم روحوا ترني ماعندي استعداد اروح هاذي عزيمه كبيره ولازم البنات يستعدن لها قبل ولازم نساعدهم بحلا بشئ زي العاده قال مدري الحين وش الحل معه يعني تبي تروح متى مابغت وتجلس متى مابغت وهو ماله رأي انا عادي لي بس البنات متعلقات ببنات عمهن وعماتهن ويحبن الاجتماع معهن ومن امس وانا احوس براسي اقول المفروض مثل العزيمه الكبيره نروح كلنا ومالنا دخل ببعض بس هي من رجعت شارطه اننا مانجتمع ابدا يعني بدت بقطيعة الرحم بين الاخوان الله يرحمنا عاد اول كنا نروح كلنا مع بعض سواء كبيره اوصغيره العزيمه مدري وش رايكن ؟
ايماس
ايماس •
هلاطموحه الحمدلله انك بخير وصحه وهذااهم شئ والله يعينك فعلامشاغل الحياة ماتخلص ولك فقده يالغلا بس لاتتاخرين علينا وبحفظ الله ولك بالمثل من دعواتك
ام ندى 2010
ام ندى 2010 •
ايماس

والله ترفع الضغط ضرتك مو على كيفها تحدد متى تروحون ومتى تجلسون ولو اني منك خلي بناتك يروحون سواء كان دورك والا دورها مالهم ذنب خليهم ينبسطون