ياهلا وغلا الحين ابيكم تعلموني من اللي فيه حاله نفسيه

السلام عليكم ورحمته الله

صباحكم فل وياسمين

اعوذ بكلمات الله التامه
اللهم سكنهم مساكنهم

يقولون كاثره هالايام النفسيات

ويدورون اي احد ويحطون الحره فيه

تراني موكله محامي
فاذا ماجاز لكم الموضوع الباب على اليمين فوق



وهذي :26::26::26::42::42::42:

عربون محبه
المهم ومالكم بالطويله
وش عقبه

هذا الله يسلمكم
فيه موضوع مضجع مخيلتي
ودايم فيه شد وجذب
وهو كالتالي

احنا
اي نحن اي انحنن

عايله جميله محبة صديقه
بسم الله علينا
وانا اول بنت اعرست وجبت بنت وش زينها
هين بس القمر في عينه امه قمر

يوم اني جب البنت وكلن طار بها
اهلي واهل رجلي
وتمر السنين والايام
وتكبر فلذت كبدي وممعطت بطني

عاد بنت وجه بن فهره
تمون على اخوالها مره

وش طبيعة هالمونه

يعني واحد من اخواني طلع بوكه تقوله عطني 50 هي ماتعرف الا هال50

وانا :eek: وبعدها:angry2:

وتبدا الحرب يبدون يقول وشذا النفسيه عادي خالها ومافيها شيء انت حساسه وموسوسه ومن هالحكي

ولا مره كنت اسبح وبنتي تحت عند امي

ويوم اني قضيت وانزل واتلفت ادور البنت مالقيتها
يمه وين بنتي قالت طالعه

هو وين راحت الملاهي

من وداها خالها

وليش قالت ابد رقت قومته وداها

عاد تمون بقوه
ويوم جت واغسل شراعها واقول لاخوي تراك معطيها وجهه بقوه
هو بكل برود يقول قومتني من النوم ورحمتها
عاد انا الضغط 1000 وبعد مقومته من النوم مار لو ماقلتها ارحم


وهلموا جراء مواقف تحرجني فيها

عاد الحين ابيكم تقولون لي من النفسيه انا ولا اهلي

انا داريه انهم اخوالها وتمون عليهم ويمونون بس موب لهدرجه لدرجة انها داست المهابه
مره قالت لخوي ودني الملاهي
لانه بيذن المغرب ولا يبي يكسر بخاطرها

ويروح يوديها للحديقه

ويوم لعبت وقضت
قالت ملاهيك موب زينه تراب
ابي الي بفلوس

هالبنت حالفه تخسر اخواني

وهذا جزاه يقول مابيها تصبر لبعد الصلاة راحمها


صارت تطلب منهم اي شيء كانهم ابوها
صح اخوالها
بس موب مسبلين عندتس

والله انا موب قصيه
اي شديده
يعني اذا في بيتي ورجلي مشغوا ادق عليهم يجون ياخذوني

واذا احتجت شيء اطلبه منهم
الله يخليهم
بس بنتي
بزود

عاد الحين من مكبر الموضوع انا ولا اهلي
لانه
لازم يهاوشوني و ويسون فيها اذا هاوشتها ونبهتاها