كان صعب من خذته..
بس كنت أقدر أتحايل عليه..
مرات يلين بقناعة
ومرات يلين عشاني
ومرات يرفض ويعاند..بس كنت أحسه يحس فيني مو (جامد قلب)..
كان يبتعد ويقرب
صار يبعد ويبعد ويبعد...
كان يسمع ويناقش ويقنعني مرات ويستقوي علي مرات ويسكت مرات
الحين صار ولا كلمة
عاجبك أو بالطقاق
كلامي هو اللي يمشي..
في زمن منفتح
عنده كل شي عيب
لبسي يدقق فيه
مشيتي
البلاك بيري السوني والإنترنت شايفة فساد عائلة..
وليته يقعد ويربي العائلة
إلا دايم كافخ ماندري أرضه من سماه
ووجهي مقابل وجه عيالي حاسين بالغبنة والنقص
وموب قادرين نسوي شي
هو القوي
هو اللي إذا قال لا..يعني لا
لو أجي أقول أقعد معنا دايم تطلع وقهاوي
قال كل الرجال كذا
وأتحدى يقتنع إنحتى الحريم بعد
اللي مساكه يد زوجها تتمشى بمول
اللي معها كمبيوترها ومن منتدى لمنتدى
والبلاك يطن طن رسايل ماتدري وش تبدي
وزوجها يبتسم لها وشايفة حق من حقوقها
وزوجي شايفة تفكك أسرة!
يقول العيال ماخلوني أنام
طيب عيالي كنهم عيال بيوت الطين قبل
لابلاي ستيشن ولا أي جهاز ترفيه يلهيهم
ماعندهم غيررجولهم يراكضون فيها
وشتبي يهجدهم عنك أجل!
وإن طلعنا
والله
والله
والله
مغير
أجلس زين
أترك الصحن
لاينكب العصير
كل زي الناس
تغطي زين يمكن يجي المحاسب
وأنا متغطيه وفيه حاجز لو أتفصخ ماشافني احد
بس ياعونة الله
صرت أتحجج بأي شي ولاأطلع
الناس تطلع تستانس
مو ترجع وهي ندمانة ع الطلعة!
ترجع مصدعة
ومنقلب مزاجها
وحايمة كبدها..
((أبي أقول
هوكريم ومو مقصر بس مومعطيني حرية مثلاً في رغباتنا مثل الأجهزة وإشتراك نت وغيره))
هذا غير التدقيق في نظافة البيت
كنه حرمه يتدخل في خصوصيات وأدق الخصوصيات اللي لو ماسويتها محد ردا عنها لو لابس دربيل
كل هذا زاد السنوات الأخيرة
وأناماعدت أحتمل
ضغط الزوج
والا مسؤولية العيال وسنوات عمرهم المختلفة اللي تبي وحده عقلها راكزوبالها طويل
رجال نكدي
مايعرف من الزواج إلا إني أخدمه
وأرتب البيت واي شي يخصه
وأربي عيالي
ولاكنه شايف
ولو أغلط غلطة كنه شايف أبليس
تغير كثير
صح من خذته وهو عوبة
لكن صار بزيادة
17 سنة صرت ماعاد أحتمل
فوق هذا صاير بارد فراش
ماعاد يهتم ولايبي ولا يشتهي
ويقول عادي مو هالشي كل شي
يعني لانحصل متعة ولا راحةنفسية ولا راحة بال وش بقى؟
قريت في موية له
في زيت
شغلي بالدس
لأنه بيقوم الدنيا علي كني قايلة عنه مجنون
عالجت روحي
صليت ودعيت وربي كريم الله يهونها ويفرجها
طولت بالي
حاولت أطنشه
ولا أتفاعل مع غضبه
ولا حرماني وجوده
بس تعبت أحس أوقات لو يموت أرحم أقلها بحس خف الضغط النفسي
بس موب حالة مافيه حل وبصير كذا باقي عمري
ماذكر أعلاه فضفضة
تحتاج دعوة
وبكرة جمعة
وأنتوا كريمين
وربي بيعطيكم إن شاءالله الأجر والملائكة تؤمن لكم بالمثل
حابة أوضح
لاتحكي وحده عن علاقات مشبوهة
لأنها يستحيل تغيره هالتغيير ولا فيه شي يثبت هالشي
اللي بتقول البسي وتكلمي
والله مو مقصرة بشي حتى هو لما يجي يسبني مايقدر يقول أنتِ مقصرة
حتى لماأقول أحكي
قول اللي بخاطرك وش مزعلك وش انا مخطية فيه
ماعنده رد
يفتح ملفات قديمة وأشياء تافهه
يفر برأسي مدري وش ـركز فيه
غير إنه مايقبل النقاش ولا أي كلمة ولاحرف
يسب ويلعن ويسكتني ويقوم يخليني ويقعد شهر زعلان وهاجرني
لاكلام ويحط أكله بنفسه ويطلع ويدخل كنه موزوجي ولا لي أي إعتبار
وأعرفه لو عايرته أو هاوشته وقلت اللي بخاطري
والله يهون عليه يطلقني صاير عادي عنده وأتوقع يسويها مليون%
الشي الثاني
هل واحد بعقليته وقوة شخصيته وجبروته ممكن يتغير؟
آملي واللي مصبرني لعلها سنوات عابرة وتروح
ويعوضني
بس خايفة هالسنوات تروح وأكمل باقيها حسرة لازوج أرتاح بحضنه
ولا سنوات طيبة أذكرها وأقول كانت ع الأقل فيه أيام حلوة
يارب أجبر كسري
وأفرج همي
وأبدل عسري يسر
وأجعل زوجي لي مثل ماأتمنى
فإنه لايعجزك
لايعجزك
والحمدلله على كل حال..
اللي عندها حل لاتنسى أختها منه..
والله والله
إني لأدعي من قلبي وفي سجودي لها..
يلزم عليك تسجيل الدخول أولًا لكتابة تعليق.
ثلجه محترقة
•
الله يفرج همك وهم كل مسلم
يارب أجبر كسري
وأفرج همي
وأبدل عسري يسر
وأجعل زوجي لي مثل ماأتمنى
فإنه لايعجزك
لايعجزك
امين يارب العالمين
وأفرج همي
وأبدل عسري يسر
وأجعل زوجي لي مثل ماأتمنى
فإنه لايعجزك
لايعجزك
امين يارب العالمين
الله يفرج همج يالغاليه
حالج صعب
شنو تقدرين تسوين تزعليبن وتروحين بيت اهلج طبعا لا
ما اظن فيه مره ام عيال ممكن ترتاح في بيت اهلها
مثل ما يقول المثل ناره ولا جنت هلي
مالج الا رب العباد
ادعي كل ليله ان الله يسخره لج
ما فيه مستحيل على رب العالمين
وانا بدعيلج بصلاتي ان الله يفرج همج ويسخره لج ولعيالج
حالج صعب
شنو تقدرين تسوين تزعليبن وتروحين بيت اهلج طبعا لا
ما اظن فيه مره ام عيال ممكن ترتاح في بيت اهلها
مثل ما يقول المثل ناره ولا جنت هلي
مالج الا رب العباد
ادعي كل ليله ان الله يسخره لج
ما فيه مستحيل على رب العالمين
وانا بدعيلج بصلاتي ان الله يفرج همج ويسخره لج ولعيالج
ياقلبي الله يفرج همك ويريح قلبك ويقر عينك بصلاح عيالك أوعدك راح أدعيلك بكرا أخر ساعه من يوم الجمعة..
الصفحة الأخيرة