ياوالدي...........

أردت أن أشارككم بهذه القصيده اللتي قلتها مخاطبة والدي
ستفهمون مناسبتها بعد قرائتها
مع العلم انها للمرة الأولى تغادر وريقاتي...



ياوالدي ما أدري وش اللي طرالي
الحب واضح والوله صــــــــــار موجود
كنت افتخر باالزين والزين بالي
امنول هو سيدي واليـــــــــوم مسيود
وكان لي حظ عن النفس مالي
واليوم حظي صاير شبه عنقـــــــــود
فوق الأراضي مرتفع للعلالي
من بعد ماهو كان في تراب ملحود
هم ضيعوني باالأمل والأماني
كنه جنون صابني او سحر معــــــــقود
ياعزوتي شف حالتك مثل حالي
واللي بغيته ما ظنتي اليوم مـــــــوجود
حنيت اتشوف لي بنات وعيالي
وحنيت اجيك اليوم ابطفل مـــــــــولود
ويقول لك جدي وعليهم تلالي
طفل يرجع كل مافيـــــــــــــــــك مفقود
وش هو عزى قلب ماهوب سالي
قام يقلب في الحشا جمر مــــــــــوقود
قالوا حسيبك فكره باالأحزان جالي
قام يتعذر وكم الأعذار محــــــــــــدود
الشكوى للي عارف ماجرى لي
وماعاد فيني اسمع من الناس منقود
وش فكرهم في حالتي وما مضى لي
وصل بفكري للأسف خط مســــــدود