للرفع

ياقلبي ليونه فديت قلبها

والله يعين ياصحوب على هالانظمه الي كل يوم قرار وماشفنا شي في صالحنا غير ظاهريا

الله يسههل عليها دراستها يااارب والله يعينك يبي لك تتعبين معها روحي التعليم المبكر او جرير واشتري لها اشياء تساعدها

بنتك في مرحله تأسيس مهمممه وان كرهت المدرسه من الحين صعبه تحبها بعدين

عاد انتي ماشا الله عليك ماتنتوصين هالله هالله بالتشجيع والهدايا وربي يبلغك فيها وتشوفينها ماخذه اعلى الشهادات يارب

اختي ممكن انتي دخلتي بنتك بروضه حكوميه ومعروف انهم ما يدرسون الطفل او يهتمون فيه زي الخاص
يعني التمهيدي متقدم يدرسون صف اول ويطلعون منه كل الحروف عارفينها
الغلط مو منك ولا من بنتك الغلط من المعلمه
اولا صف اول ما يدخلون الفصل ولا يتكلمون عن الدراسه الا بعد اسبوع يعني يوم السبت ان شاء الله
ثانيا معلمتها حكمت عليها من يوم وبالاسبوع التمهيدي بصراحه هذي معلمه تستاهل تجلس ببيتهم
يعني مدري لمتى ما يكون هناك تقييم للمعلمات قبل يمسكون عيال الناس
معروف صف اول يبي له معلمه تكون نفسيتها كويسه ومرحه مو معقده

وللاسف اختي منهج صف اول الطفل اللي ما يعرف الحروف ما راح يمشي فيه
لانه على طول تقراء تنسخ
عموما انا بنتي العام صف اول واي شي تبينه ولا يهمك راسليني ع الخاص

ماقول غير الله يكتب اجر ويجزا خير ويسعد كل معلمة اخلصت في عملها واخذت الراتب عن حق ياجعل جسدها مايمسه النار قولوا امين واما اللي ماتوضفوا الا عشان اخر الشهر يستلمون الله يهديهم ويسخرهم وان كان ماسخرهم ربي لبنياتنا يارب يجي قرار بعد كل نهاية فصل تجي لجنة تقيم الطالبات واكثر فصل طالباته مخفقات تفنش مدرسته وش رايكم مهوب قرار سليم؟شكلي بصير وزيرة تعليم مااصلح؟صدق بعضهم يجيب الغثيان من تصرفاته

الشر دايم يعم للاسف وياليت نشوف دايم الامور بايجابيه..

انا وانتي وغيري نمر بظلم وتعامل سيء لكن ولله الحمد ونقول ان شاءالله مو الاغلبيه..

اذا تعاملها شين روحي للي اهم منها وناقشي مافاد الثانيه للي بعدها المهم النقاش الايجابي بيجيب نتيجه ومن باب تجربه وما اتكلم في الهوا عندي بنت في اولى ونفس الانتقادات اواجهها لكن انا احب اخذ واعطي بالنقاش لازم اوصل لحل مو اطفش واطلع واسب وانحرق ,,
وانتي اهم ماعليك بنتك وتعليمها وبالعكس الحين التعليم والمعلمين توعو واللي يقول ايام زمان وزمان شوفو زمان كم شخص ترك الدراسه بسبب الضرب ولا اللي يوصل لمرحله ويتعقد وماعنده الامتوسط او ابتدائي وكله كان اساليب تعليم زمان اللي فقدتها ايام زمان هو هيبة المدرس فقط من جد افتقدها الحين مافي احترام ابدا ولاكانهم نص اليوم مع عيالنا برى بصراحه حنا مانتحمل عيالنا تبين غيرنا يتحمل واللي بيقول هذي شغلتهن وهذي مدري ايش اوكي شغلتهم بس انتي ايش دورك هذا اسمه معلم مو خادم حتى الخادم مافي اي عاقل يخلي كل الشغل عليه لازم فيه عدل ورحمه..

احنا بخير ولله الحمد وفيه تقصير من الكل ولازم ماننقل هالصورة لعيالنا للمعلم هيبته وان كان غلط ان غلط المعلم ودمك حامي وماتقدرين تصبرين بالنقاش عندك الوزارة ويامسهلها الحين مو مثل قبل في الشكاوي..

الكلام مو بس لك يا اختي بس مجرد فضفضه واستغليت موضوعك لان اغلب المواضيع اللي تفتح بس سب في التعليم والمعلم ولو كان ولو ماكان نبغى حل مو ثرثره فقط..

وفيه روضات حكوميه اسالي في الحي حقك اتكالم عني وانا في الرياض فيه روضات حكوميه الوحدة بس تكون مهتمه وتروح تدور وتشوف لاني وقعت في ذا الغلط رحت سجلت بنتي بتمهيدي وطلعت الحارة اللي ورانا فيها حكومي والسبب حضرتي ماكلفت على نفسها تدور خلاص حكمت مافيه روضه حكومي في حينا لازم الحي الفلاني البعيد من جد كانت صدمه لي,,

واظل اقول التعليم الحكومي انفع من الاهلي مليون مره روحي شفي وقارني بين طالبه باولى حكومي واهلي واختبريهم في كم حرف..

واتمنى بنات الاحسا يتفاعلون معاك ويعطونك اسم مدرسه تفيد بنتك وتخليها تحب المدرسه وترى سنة اولى سنة مشاكل وتقلبات على نفسية الطفل خذيها بهداوه واهم شي التشجيع واعطيها ثقه في النفس وانصحك في السنة هذي تكثفين زياراتك للمدرسه وتسالين عنها من فتره لفتره حتى المعلمات يحسون باهتمامك والبنت تحس بالامان والثقه..

اتمنى تعتبرين مداخلتي فقط رأي بشكل عام للي يصير في التعليم وليس شخصي لك بالعكس اتمنى لك الخير لك ولبنتك ومن كلامك مبين كثر اهتمامك وحرصك..

وجزاك الله خير..