يابلد والله نحبك كل أبونا يابلد
حب ملي قلوبنا ماهي سوالفين تقال
أنت نعم الدار والحكام حكام السعد
أبو متعب يابلدنا صار بك حكمه عدال
يوم حاول يدخل الحوثي زعيمك ما رقد
قاد جيشه للحدود وزاد ميلات العقال
بأمر عبدالله جيوش وشعب عبدالله مدد
قال أنا لك يالجنوب وحرك جيوش الشمال
رغم مابه من متاعب عاد سلطان الأسد
أستلم زمام جيشه بالسهول وبالجبال
وسانده أخوه نايف بالعتاد وبالعدد
نصرهم مضمون بأمر الله ولا فيها جدال
يابلد حنا بناتك لك صدقنا بالعهد
نرخص الغالي من أجلك مثلنا مثل الرجال
حب ديرتنا وغلاها منا يرضعها الولد
لين يصبح حب داره هاجسه في كل حال
طاعة الحاكم وقبله طاعة الفرد الصمد
لك نربيهم عليها من بنات ومن عيال
حنا نصف المجتمع وقت الشدايد نتحد
شعب واحد كننا الأقراب عمان وخوال
حنا أحفاد الصحابيات والماضي شهد
فعلنا من ماضي الأزمان وباقي لا يزال
ياوطن حنا بناتك نفتخر بك للأبد
نفتخر حنا السعوديات ذربات الفعال
للشاعره : النجلاء
رائده المروان @raydh_almroan
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ررررائع جدا بارك الله فيك وتقدمي نبي نشششوف منك المزززيد
تحيـــآتي:
طفلة الورد).