السلام عليكم ورحمة الله وبركاته
....
تخيلوووو
دق باب غرفه وائل
دخلت امه وهي طاااايره من الفرحة
اخيرا ياولدي اخيرا
وائل : عساه خير يمه ..
اخيرا ان شاء الله قريب افرح فيك واشوف عيالك !!
وائل : بدا وجهه يصير طماطه
لاتقولينها يمه
مين اللي طلبتني ؟؟
بنت جيراننا سميرة ..
كلمتني وقالت ابغى اطلب ايد ولدك ونبغاكم تحددون وقت للشوفه
وانا قلتلها ماكو مانع بكرا الله يحييكم
وائل : ليش يمه بكرااا ؟؟
ودي اصبغ شعري واسوي شوي تزبيطات
اميمته ماعليك ياوليدي اليوم يمديك على كل شئ
رح الحلاق خليه يحلق لك موس ( عالزيرو ) عشان تدخل طاقيتك براسك وتكشخ بالشماغ !!
وائل: تمزحين يمه !!
انتهى عصر الثوب والأشمغه
تبغيني اكشخ بهالزيرو على البرمودا ؟؟؟
والله لو اني لاعب برازيلي !!
الأم : المهم انت ادرى بنفسك
اهم شئ تطلع (على سنق عشر) << لايفوتكم الحين صارت هالجملة بالمذكر هع
وطلعت الأم غرفتها وصايرة تجهز لبكرا اغراض وتجهز صحون للحلى ووو الخ
اما وائل قاعد يفتح ادراج المكتب حقه ويدور على السبراي والفرشة ونظارته الشمسيه قصدي القمريه
دق على واحد من خويانه كان تو معرس من فتره
يبغى يعطيه افكار للشوفه
المهم عدى اليوم على اعصابه
جاء اليوم اللي بعده
والأم تجهز من الصبح جميع الأصناف الحلوه والمالحة وتبخر البيت والعصيرات الوان واشكال
دق الجرس
ررررررركض وائل للغرفه وعلى تسريحة امه قاعد يتملق في المرايه
دخلت سميرة وامها
يالله حيهم شررفتونااا
ودخلوا بالمجلس
اما وائل جته انواع الركب
وصار ريقه ياااابس
دخل المطبخ وبغى يشيل صينيه الضيافة اللي امه وصته عليها يقدمها
بس النفافيض اللي فيه خربت عليه
اخذ نفس عمييييق وقال اخص عليك ياولد خلك قدها
وشالها مع النفافيض اللي فيه
وطوالي عالمجلس
دخل على العروس وسلم
حط الصينيه عالطاولة قدامهم وجلس في الزاويه جنب امه
وصارت عيونه في الأرض
وسميره خطيبته تلقي عليه اسئلة وهو يجيب بحياء العذارى !!
تم كل شئ على خير
وافقوا على بعض
وتمت الملكة والزواج << مالي خلق افصل اكثر
المهم
خلفوا صبان وصبيانات
ومع الأيام طاحت الميانه ..
سميرة ودها تطلع استراحة مع صديقاتها
وتهاوش معها وائل ماوده تترك الأطفال وياه
ماألقت له بال وطلعت استراحتها
يوم رجعت قاعده تهاوش عليه ليش ماغسلت لفلان وليش ماأكلت علانه
ووعدته بيوم اسوأ في الغد
نام وائل ودمعته على شنبه
وهي قعدت عالنت شوي لين طفت ونامت
ثاني يوم دق وليد على امه وقال يمه كرهت هالعيشة
انا جايك الحين
سحب عياله معه وراح بيت امه
وقفل جواله
والباقي انتم كملووووه ..
،،،،،،،،،،،،،،،
عجبتكم هالمساواة بالرجل اللي الحريم يدورونها
ترى يالحريم راح تدفعون المهر انتم
خخخخويالرجاجيل حسيتوا بحريمكم ؟؟
تخيلوا ينعكس الحال
كان عندي كلام كثير يعني تعليق عالسالفة
وراح احاول اكتبه بكرا في الموضوع
لأن بنتي قامت الحين
.........
اي شئ في الموضوع غلط نبهوني
تراني كتبته على قدم وساق << والله مدري وش معناها خخخخخ
اللي عندها هوشة منا ولا منااا
تروح لبعلها وتتهاوش وياه عشان تطبق المكتووب
اهم شئ لاتتهاوش وياي
...وسلامتكم ..
كذا بس جت في بالي
محد يزعل عشان نشرت اسمه خخخخخخ