السلام عليكم ورحمة الله وبركاته
شلونكم يابنات حواء
بنات من شوي أمي طرشت الشغاله البراده تجيب شوية اغراض من البراده و وأولادي راحوا وياها المهم رجعت
الشغاله و أولادي وراها وهي تصيح تقول حق أمي ولدج طقني((ولدي لكبير)) المهم انا راده من الدوام تعبانه
ومنبطحه بغرفتي ارتاح شوي اسمع أمي تصارخ وتهاوش ولدي وجت لي وقالت لي ولدج طق بنت الناس وهكي
تصيييييييح
أقسسسسسم بالله ورب الكعبه يابنات ماأقصر عليها بشي وأعاملها أحسسسسن معامله أكلها على طوووووول
ويانا وإذا اروح معاها بيت صديقاتي أقول لها لاتشتغلين كفايه عليج شغل البيت بس شوفي الجهال .. وإذا نروح
بيت أهل زوجي مااخليها تشتغل بس تلاحظ عيالي .. وغير المكالمات لأهلها الحمد لله مو مقصره عليها بشي
من الألف إلى الياء ..بس المشكله ولدي يانااااااااااااس يده طوييييييييييييله ويضرب الكل من كبير إلى صغير :44:
ماتم شي ماسويته معاه .. عقااااااااب.. حرمااااااااان..ضررررررررررب.. ماااااافي فايده :44:
كلمتها أكثر من مره وقلت لها إحنا مانرضى عليج بس إنتي تشوفين إن يضرب الكل حتى أمي :44: لاتزعلين
ترى هو جاهل ومايقصد :44:
وتمت تتشكى عليه على كل صغيره وكبيره والكل منا يضرب ويصارخ على ولدي وهي توقف على راسنا لين نضربه
وتاخذ حيفها :mad:
الحين اهي زعلانه وقاعده بغرفتها :44: رحت لها وقلت لها قومي تعشي .. قالت لي تعشيت!!
قلت لها تعشيتي؟؟ متى تعشيتي؟؟ قالت لي ولدج جاب لي عشى!!
رحت سالت أمي ولدي وده عشى للشغاله ؟؟ قالت لا
سألت ولدي إنت وديت عشى للشغاله؟؟ قالي لا !!
ناديتها وقلت لها يقول ولدي ماعطاج عشى شنو تعشيتي؟؟
قالت لي اي تعشيت هو عطاني خووووش عشى طقاني وهي تتضحك !!
قلت لها يعني إنت ماتبغين تتعشين ؟؟ قالت لي لا خلاص تعشيت:44:
انصحووووووني شسوي حدي منقهره من ولدي (( عمره 5 سنوات)) بس خلاااااااص تعبت وأنا اعاااااقبه واضربه
جدامها ومافي فااااااااااايده .. وكلمته كم مره بروحنا قلت له حرااااااااام تضربها الله يوديك النار ومافي فايده
شسوي ؟؟
الله يهديه و يسخره لكي و يرزقه حسن الخلق