ياويلي ياويلي تهاوشت مع ام زوجي ..لحقوا علي

السلام عليكم

خواتي انا ميتة خوف لاني تهاوشت مع ام زوجي ..والسبب منها نرفزتني لدرجه
تذكرون لما قلت لكم عنها مزعجه ولزقه وتبقى تدق الباب الا افتحه لها
اليوم جت الظهر تضرب الباب بقت تضرب وتضرب وانا نايمه لان مانايمه في الليل الا ساعتين ومطعمة بنتي ..فسويت نفسي مااسمع ورجعت عقب قم دقيقة ولزقت بالضرب وكل شوي رايحه جايه ولا قدرت انام ولا ارتاح وبنتي المسكينه مريضه ماقدرت تنام براحه ..آخر شي زهقت وعصبت وطلعت لها وتهاوشت معاها لان ماقدرت اضبط روحي ..اف من الشيطان
قلت لها الواحد مايقدر ينام ويرتاح من تشوفيني مااطلع بسرعه يعني نايمه ليش كل شوي تضربين الباب وتقعدين بنتي المسكينه مطعميها ومريضه ..قالت والله انا جايه اشوف بنت ولدي ..قلت لها مو مشكله تشوفيها بس الا الحين ؟؟ ماتقولين يمكن هالمره نايمه من جذي ماتفتح الباب ..قلت لها انا لازم اشوف حل معاج تعبتيني مااقدر اتحمل قلت لها بقول لاولادج وبناتج قالت قولي لهم انا مو مهتمه وماراح يمنعوني ادخل هذا مكان ولدي وكيفي:( قلت لها انا مامنعتك تدخلين بس على الاقل راعيني وقت النوم ولا تضربين الباب بهالطريقة ..قلت لها لاني طيبه معاج تعامليني بهالطريقه حريم اولادج ماتسوين معاهم جذي وتحترميهم ..وعصبت وطلعت..انا الغبيه الي علمتها تتعامل معاي بهالطريقه لو من البدايه مخليه علاقتي رسميه معاها كان افضل ..صج اتق شرا من احسنت اليه ..قلت زين اخدمها واصير احسن من الباقين لكن كنت غلطانه خليتها تتجاوز حدودها حتى غرفتي حاسبتها من ممتلكاتها وتقول هي حره تدخلها في اي وقت اذا تبغي تشوف بنت ولدها على قولتها.. بناتها حضراتهم ماياخذوها عندهم ولا يخدموها واذا تقعد عندهم اسبوع يتمللون !! كل شي طايح براسي لانهم بس قادرين علي شايفيني يتيمه وماعندي احد يدافع عني حقي ..حتى زوجي حاسبني مسؤوله عن امه والله بنتي مرات اهملها واخليها تصيح علشان اسويلها غده او فطور.. تعبت كم يوم وقمت مااطبخ لان بنتي ماتنام الليل وكل سهر للصبح ..قالت انا مااكل طبخ المطاعم ..
ادري مصختها بس والله مو في ايدي ..يوميا على هالحاله مللتني ..

شسوي انا خايفه تكبر المشاكل بسبب تصرفي اليوم ..عطوني حل وشقول لزوجي اذا وصل له هالكلام؟؟