اذا حمواتك ما يعاملونها باحترام وما يتحملونها ما عليك منهم كل إناء بما فيه ينضح ...
وأعتقد والله أعلم إن أم زوجك ناقصها إشباع عاطفي وتحتاج أحد يراعي مشاعرها .. باين عندها فراغ كبير حاولوا تجيبون لها أشياء نافعة تقضي وقتها فيه مثل تحفظ القرآن الكريم .. او أشياء تسويها بيدينها وتبيعها إما أعمال الخوص أو عمل البهارات وبيعها أو خياطة بعض الأشياءالبسيطة .. واثنوا على شغلها وانتاجها.. شكل شايبها متوفي عشان كذا عندها فراغ عاطفي كبير لازم تلبون لها حاجات نفسية كثيرة حتى ما تدور عليها بطرق ثانية على حسب تفكيرها وفهمها الله يكون في عونها ..

عندي اضافة

على فكرة زوجك لازم يكون له دور عشان تحلو الخلاف بشكل نهائي لان لو اعتذرتي ما كانك سويتي شي
بس خلي زوجك يكلمها بهدواء وو اداب و يوضح لها وجهة نظرك و يحنن قلبها عليك لان هو الوحيد الي بيكون له الاثر الاكبر في في نفسها و يوضح لها قد ايش انتي تحبيها و تحترميها و في نفس الوقت يبين لها انك تتعبي مع البنت وان البنت مرات تسهرك طول الليل .... وكيف ان قلة النوم و الراحة تأثر على الانسان.... يعني خليه يبرر موقفك و في نفس الوقت يبين لها غلطها بشكل غير مباشر....و هديت شوي ساعتها اعتذري منها لرفع صوتك عليها ....

بس اتمسكي باوقات راحتك ....


على فكرة لو مارضي زوجك يكلمها خلي وحدة من بناتها تكون قريبة منك و تحس بمعناتك ...

و الله و يوفقك ...

اقول اختي يا تظبطين نظامج على نظامها تنامين بكير وتصحين من الفير لا وبعد انتي توعينها
ولا تخلونها تسهر يوم حزت نومها تشيلين بنتج عندها وقولي لها البنت تبي تلعب وياج
وهيج ما تنام من وقت واذا قالت لج اطلعواء ابي انام قالوا لها بدري الحين تنامين
واعتذري منها مهما صار الام متعلقه بولدها لانه مهما كبر بنظرها صغير بعده
شوفي بنتج كيف تهتمين فيه مأكل مشرب الخ وتحبين تقومين بكل اشغالها
هيه شكلها تحب المه وتتضيق اذا ايلست بروحها
علشان شذيه تطفربكم

بعض البنات ما قصروا وقالو المفيد واقول لك من اراد الجنه فليحتسب ويصبر وقد يكون صبرك عليها فيه خير كثير لك فى الدنيا والاخره..ساحكى لك عن جارتى ام زوجها كبيره فى السن ونشيطه ماشاء الله وبها قوه عجيبه قد يكون لتدينها طوال حياتها ولها ابناء وبنات ولكن زوجه ابنها لم ترضى الا ان تكون عندها لتخدمها..والان هى غير مدركه لتصرفاتها ..لاتريد ان ترى بابا مغلقا والا كسرته بالخبط عليه مع قوتها تقول جارتى لا نقفل اى باب عنها حتى وقت النوم لانها تنام بالنهار وتصحو بالليل ..كسرت اثاثهم خربت حتى فرش المنزل والزوجه صابره محتسبه تقول ساتحملها حتى يتحملونى اولادى اذا كبرت ..تتكلم عنها بحب سبحان الله حتى بناتها صاروا مثل امهم فى تعاملهم مع جدتهم ..توقضهم احيانا فى الليل تقول جيبو لى عرب يتقهوون معى تقول لبسوا بناتها عبايات وصلحوا شاى وفهوه وطول الليل وهم مع جدتهم تقول الدنيا فانيه اذا مت انا فالحمد لله اخذت اجرها وان ماتت هى فقد كسبت اجرها لى ولاولادى ..فاصبرى عليها وستجدين خيرا كثيرا وقد يكون الله اختصك بها دون حمواتك لان الله يريد الاجر لك ..

الله يكون في عونك صراحة انا متابعه لمشكلتك من البدايه وحاسه فيك

ام زوجك غيورة بس اذا تقدرين تصبرين اصبري الجنة حفت بالمكاره والنار حفت بالشهوات

واذا حسيت انك خلاص ما تقدرين وممكن تغلطين تفاهمي مع زوجك وبناتهاعلى الوضع

وهم بدورهم يفهمونها والله الله بالدعاء وكثرة الاستغفار ترى له مفعول عجيييييب