ياية افضفض لكم لأن ما لي غيركم

الأسرة والمجتمع

السلام عليكم ورحمة الله وبركاته ..............

هذي مش اول مرة اكتب في القسم وكل مرة مشكلتي تكون مع زوجي

هالمرة نفسيتي تعبانة وايد منه من البارحة وانا اصيح وهو يالس معاي (مثل الجدار) طبعا انا ما اصيح جدامه بس ما اكلمه ولا حتى اطالع بوجهه

السالفة صارت امس بالليل كنت متضايقة ويلست اشتكي له ..... تصدقون انه سلبي لابعد الحدود لدرجة انه ما حاول حتى يطيب خاطري بكلمة وحدة ويتصرف كاني انا اللي زعلته مع انه ربي يشهد اني على قد ما اقدر اشتري خاطره ورضاه

وللحين انا متضايقة منه وهو لا زال بعيد وكل ماله يبعد اكثر واكثر ......... حتى السرير اللي المفروض يكون الزوج اقرب لزوجته من اي مكان هو بهالمكان بالذات يكون بعيد بافكاره وعقله وحتى جسمه .

وهذي مو اول مرة يصير بيننا هالشي

بالرغم من انه زواجنا للحين ما كمل سنتين لكن علاقتنا كل يوم قاعدة ترجع لورا ..... ادري انه ما بيراضيني ولا بيطيب خاطري ........ وادري اني انا يوم او يومين برجع عادية وطبيعية ، مب علشانه علشان نفسي وعلشان الحياة تستمر

انصحوني شلون اتصرف مع هالانسان
12
1K

يلزم عليك تسجيل الدخول أولًا لكتابة تعليق.

تسجيل دخول

ام انووونه
ام انووونه
والله يااختي تقريبا الرجال كلهم كذا دائما هم الي على حق وحنا على غلط لكن حاولي انك تغيرين اسلوب النقاش بينكم وتحاولين تقنعينه
Rosee
Rosee
والله يا اختي
يبين من سالفتج انه مافي مشكله معينه ما بينكم
تحسين انه يبتعد بلا سبب ... صح كلامي ولا شلون

انا اشوف انج تكثرين من الاستغفار
لان حزن الانسان ومشاكله تكثر عليه اذا كان بعيد شوي عن رب العالمين وبسبب ذنوب احنا يمكن نكون غافلين عنها بعض المرات مب شرط تكون ذنوب كبيره بس هي ممكن تكون صغائر تكثر وتكبر مع الايام ... ونتيجتها تكثر المشاكل والمصائب

انا اشوف انج ترجعين لله سبحانه وتعالى هو مالك القلوب الواحد الاحد
ضلي على طول مع الذكر لان معاها باذن الله الحياة السعيده

ما احد مرتاح على طول
بس سبحان الله مع الذكر والدعاء الانسان يقهر الانسان المشاكل والقهر والظلم

ااااااااااه يا ختي ماحد سالم من المشاكل
يمكن مشكلتج اهون عن غيرج
بس نصيحه اكثري من الاستغفار والذكر وخاصه الاستغفااااار عند الاسحار باذن رب العالمين


قريت بمشكله في المنتدى لوحده مع زوجها ...
راحت تذكر الله سبحانه وتعالى سبحان الله رجعت ولا كان فيه شي اعتقد رجع يتاسف لها وصارت حياتهم حلوه ورجعوا لبعض احسن من قبل

والله يستر علينا يارب دنيا واخره وييسر امورنا كلها ياقادر ياكريم
لاحول ولاقوة الا بالله العلي العظيم
,,,بـنـت نـجـد,,,
حبيبتي الله يصلح مابينكم حاولي تضغطين على عمرك وتسوين كأنه ماصار شئ وتصرفي عادي
وكلميه ولا كأن اللي حصل حصل والله يصلح مابينكم وينزع عنكم كيد الشيطان اقري الاذكار وادعي ياقمر
extreme
extreme
مرحبا اختي الفاضله
تحيه طيبه
لااحب ان اطيل عليك او حنى اتفلسف بس بما انه ما في مشكله بحد ذاته بينكم والحمدلله فما عليك سوى الاتي :
اولا طبعا اللجؤ الي الله سبحانه
ثانيا :طنشيه لا تعطيه اهميه بصراحه من خبره انا اقول هذا الشي بمعنى انك لا تسألينه وين تروح ومتى بتيجي وايش فيك اي اسئله لا كان ما يهمك فهمتي واستمري مع الدعاء لمده شهر على الاقل وقول لنا النتيجه .
الله ييسر امرك ويفرج همك
بين الرموش
بين الرموش
مرحبا اختي الفاضله تحيه طيبه لااحب ان اطيل عليك او حنى اتفلسف بس بما انه ما في مشكله بحد ذاته بينكم والحمدلله فما عليك سوى الاتي : اولا طبعا اللجؤ الي الله سبحانه ثانيا :طنشيه لا تعطيه اهميه بصراحه من خبره انا اقول هذا الشي بمعنى انك لا تسألينه وين تروح ومتى بتيجي وايش فيك اي اسئله لا كان ما يهمك فهمتي واستمري مع الدعاء لمده شهر على الاقل وقول لنا النتيجه . الله ييسر امرك ويفرج همك
مرحبا اختي الفاضله تحيه طيبه لااحب ان اطيل عليك او حنى اتفلسف بس بما انه ما في مشكله بحد ذاته...
اول شي احب اشكر كل الطيبات اللي ردوا على موضوعي وجزاكم الله الف خير على نصايحكم

الحين هو صار يكلمني شوي اكثر من قبل بس للحين انا متضايقة منه ... لاني عرفت اني ما لي قدر عنده .. الله يسامحه

وان شاءالله بتبع نصايحكم وباذن الله الامور تتحسن