يايمه اعتقيني لوجه الله ....

يمه.. أعتقيني من ذنبك ... ساعديني على برك

يمه كفااااااااااااني يايمه خافي اللي حط الجنه تحت رجلينك ..

خافي الله فيني .. أنا موب ملاك.. 

خواتي ادعوا لي ماراح اقولكم عطوني حل ، لان الحلول خلصت وأمي تزيد سوء في معاملتها لي وكرهها  
  


امي في مشاكل دائمه معي مايعجبها مني شي ومافي سبب محدد لسوء معاملتها معي فكل ما ارضيتها من جهه وقلت ان شاءالله راح الشيطان تطلع شي ثاني 
هي بقرارة نفسها تعرف اني عاقله وابي اعيش السلام 
بس في سبب عجزت اصيده كل ما امشي موضوع تطلع جديد 
اخر شي مسكت مسكه قويه بموضوع الوظيفه لانها متاكده اني مااااااابيها والسبب انا توظفت مرتين بمؤهلاتي المتواضعه ولكن عمل  الشركات ماحسيت برضى عن نفسي فيها ولاحسيت ربي راضي على الاختلاط  
أمي تجبرني اجبار على العمل ( لو مهما كان المجال ) حتى لو اختلاط بحجة الحاجه تصدقون مره قالت لي انا لو اقدر اتوظف توظفت قلت لها انا لو عندي شهاده توظفت مدرسه ولا اي وظيفه محترمه ولكن انتو ماخليتوني اكمل وزوجتوني صغيره على شايب ردت وقالت انتي صغيره لما تروحين شركه يفرحون فيك والشركات اللي رحت كلهم اختلاااااااااااط  اكره نفسي فيها والقى انتقادات منهم يقولون اللي تستحي ماتنتج مابي شركات مابي 

تبيني اتوظف واجيب فلوس تقول ماينفعك الا جيبك  

أمي تتكلم فيني وتفتن بيني وبين اخوتي 

أمي تكره تعاوننا أنا وأخواتي مع بعضنا البعض 

أمي تريد كل شي لها كلنا لها هي بس لحالها تبينا نكره بعضنا ونحبها هي بلحالها  

أمي كانت تشحذ العرسان لنا شحاذه من الناس يوم كانت  على ذمة زوجها ويوم طلقها صارت تقول لي اشتغلي واصرفي على البيت مع ان في لي اخوان اولاد مايشتغلون
امي صارت تلعن اللي مايعطيها واللي يعطيها تهلي به ، صرت اقول مايخالف اي فلوس تجيني من خواتي بعطيها والا بشتري للبيت اغراض  يمكن تنحل المشكله ولكن انصدم اني حتى لو اعطي تحقد علي تلعن وتسب وتدعي علي بعدم التوفيق ومهما سويت مايرضيها

مره تناقشت انا وياها بموضوع ان البنت من حقها تتزوج وهي تنكر ذلك ' ختمت النقاش يمه طالما في واحد متقدم لي واخواني موافقين لازم اتزوج ابي اعف نفسي قامت تقول لي كلام بذيء  وتقول انتي ماتستحين مع العلم اني مطلقه 
كان متقدم لي واحد وكانت كل يوم مسويه لي مشكله تبيني اتوظف وانسى موضوع الزواج ويوم رحت الوظيفه اختلاط ومضايقات لان هذي الوظايف اللي تعطي راتب مرتفع نوعا ما حتى وانا ماعندي مؤهلات ، لما الدوام بدون سبب خصموا من الراتب وكنت في فتره تجربه تركته على الفور 
اصلا انا ماكنت راضيه عن نفسي فيه ، وربي اروح زي اللي يسحبونها للموت ولكن كنت اقول علها ترضى 
المهم في يوم قلت خلاص انا موافقه على اللي متقدم لي جن جنونها وبعد النقاش اللي ذكرته لكم سابقا نمت ... وانا اقول ان شاءالله تقتنع انا لي 3 سنوات مطلقه ودخلت في الرابعه نفسي يصير عندي بيبي والخطبان مو كل يوم يجون .. وانا اصلا تعبت من المشاكل معها وتسب فيني قدام الحريم كل يوم ..وفوق هذا الرجال الخطيب  يكلمها كنه يشحذها ولكن امي كانت مقسيه قلبها جميعنا عجزنا ،،
المهم نمت بعد نقاش هذاك اليوم وانا ادعي ربي ييسرها وانا نايمه لقيت سيخ المعلاق يضرب على وجهي وطار الدم من خشمي ..
فتحت عيوني وانا مو حاسه بالالم بس ابي استوعب وتضرب مره ثانيه على وجهي انا قمت وقفت وهي تضرب اقسم بالله الذي لا اله الا هو كانت تضرب وانا واقفه كني صنم ولا اهرب ولا شي وتضرب من جديد وتقول ايه وتضرب ودماني بدت تعبي المكان لما شافتني ماتحركت وقفت خافت ،، 
يوم وقفت بدأ يختلط دمي بدموعي ..

رحت الحمام اغسل دماني 
وطلعت ولبست عباتي ورحت بيت اختي اقرب شي لبيتنا 

هذي ثاني مره اجي بيت اختي مطقوقه من امي 
بس هذي المره جيتها بدماني 
فتح لي الباب زوجها انهبل يصايح يقول وش فيك سكتت ودخلت 
جتني اختي تقول وش فيك سكتت وكملت بكي 

بعد فتره وكعادتها تقول قولولها ترجع البيت انا اسفه 
ووجهي ودمي وش اسوي فيه 
وربي لما اطلع من البيت يجي لها نفس تسير او تعزم احد وتقول لهم وش سووت فيني
والله كل اللي قلته غيض من فيض
لاتقولين تقربي وتوددي وربي ماخليت شي تحبه ماسويته اخر مره نزلت للسوق في العيد شريت لها شي تحبه
وهي تنتظر لحظه انشغالي بالمطبخ لما يصير عندنا اي احد وتبدأ تتكلم فيني وتسب والناس تستغرب يقولون كيف وقدامنا شكل ثاني  
في احد مثلي قولوا لي امي وش فيها