الله يعينك
اطلبي كل شي من حريم يطبخون ويوصلون الى بيتك وشغل نظيف وحلو
اكلات شعبيه ومعجنات ومقالي
الي نفسك فيه

الله يكون بعووونك

بس نظفي بيتك اليوم اللي قبل العزيمه وقفلي الغرف

وسوي مكرونه باشميل بس لاتحمرينها

وكمان سوي صينية الرز اسلقي الرز وحطيه طبقه بصينيه البايكرس وحطي الحشوه دجاج أو لحم مفرووم مع خضار وحطي طبقه ثانيه من الرز وغلفيها

وسوي حلى القهوه والعشاء وجهزي طاولات البوفيه والصحون والملاعق والمغارف والكاسات

وسوي السلطه ماعدا الطماطم لاتقطعينها الا بيوم العزيمه

ولفي سبرنغ رووول وحطيه بالثلاجه وجيبي كبه جاهزه واذا تبغين تسوين كبة بطاطس جهزيها وحطيها بالفريزر

وغسلي مواعينك ونااااااااااااامي

ويوم العزيمه بس تقطعين الطماطم وتقلين وتحمرين المكرونه وتسخنين الرز وتتكشخين

والله يقويك

انتي كذا والا كذا متكلفه وبتتخسرين ..
اتصلي على مطعم واحجزي عندهم ويجهزون لك كل شي حتى الطاولات بس قوليلهم كم عدد ضيوفك وارتاحي ..
ولا يبقالك انتي الا حلى القهوه وتنظيف البيت..
او اذا ما تبغين من المطعم اتصلي على حرمه تجهزلك كل شي عندي رقم وحده اذا انتي من الرياض راسليني على الخاص وارسله لك

لو أنا منك ما أتكلف وصواني ودوشه

أنتي ولدك صغير

يكفي تسوين عشاء كبسه وايدام ونوعين سلطه وحلا بارد

وعلى القهوه حطي نوع حلا ومع الشاهي سلة فطااير

وكثر خيرك

ترا الحريم 9 مو كثير وشغلتهم سهله واختاري أسههل ايدام واسهل سلطات وكمان أسهل حلا

ورتبي بيتك قبل بيوم

واستقبليهم بالترحيب وبكذا يكون وجهك أبيض

مشاء الله عليك
الله يكثر من أمثالك و يخلف عليك بخير
قليل اللي مثلك الأيام ذي ...

يكفي انك بتدخلين الفرحه على قلبها
أسأل الله ان يسخر لك زوجك
و يجعلك أحب نساء الارض إلى قلبه
و الله يهدي و لدك و يرزقك بره ...