السلام عليكم اخواتي (الاآآآآنسات )
كيفكم حبيايبي
وكيف الاجازة معاااااكم ؟؟ اكيد اغلبها نوووووووم
لاتزعلوووون من العنوان انا حطتها بس للفت الانتباه خخخخخخخخخخ
بما انا احنا الحمدلله مو متزوجات ولا احنا مزنوقات ولا مرتبطين برجل او بزران
وبما ان احنا قاعدين لا شغل ولا مشغلة ماغير اكل ومرعى وقلة صنعى:angry:
ووقتنا يروووووح مابين تلفزيون ونت ودخلة وطلعة ( اذا كان فيه دخلة وطلعه خخخخخخخ)
وش رايكم ( مع انه المفروض بصراحة) ان احنا نطوّر انفسنا بما يهيؤنا نكون زوجات صالحات :) (ترا ودي احط وجيه تعبيريه زينه بس ماتطلع معي الا هالاشكال)
مثلا اول شي نبدا بان نزيد ايماننا وديننا اللي يخلينا قادرات ان احنا نكون مسؤلين امام الله عز وجل عن بيت وزوج ( الله ييسر امره ويجيبه خخخ) وبزران 000من اتباع اوامر الله في التعامل والتربية (طبعا كل وحدة وطابعها الخاص فيها) ومواجهة المشاكل لا سمح الله ومن معرفه احكام الله المرتبطة لان كثييير من البنات مايعرفون التفصيل فيها وللاسف انا اوول وحدة
ثانيا : تعلم فنووووون الطبخ :) والله يابنات اني اكتشفت شي ماحد قد اكتشفه 00ن لكل وحده نـــكـــهــة خااااااااصة ونفس خاااص بالاكل يميزها عن غيرها00اجل وش زود رتشال راي والشيف مدري وشو هذاك اللبناني عنأ؟؟ ترا مافيهم زود بس يبيله ممارسة والحمدلله ما ناقصنا شي يالله لك الحمد ثلاجاتنا ملياااااانه من النعمة ولو نقص شي 00البقالات الله يكفينا شرها توصل للبيت يعني يالعجازات ماهنا عذر ابداااااااا
ثالثا : الاهتمام بانظافة بكاااافة اشكالها: مثلا الملابس القطنية كيف تغسل وكيف تنشر ( اتذكر قد قريت موضوع انها تنشر بطريقة خاصة ما تمطط00 حتى الموكيت لو انكب عليه شي وشلون تزيلينه( طبعا هذا حتى في بيوت اهلكم عاد لا تصيرون بخيلات ) ولا نبي يقول عنا ابن الذين:arb: ان حنا رفلات
رابعا: تعلم مهارة او بالاصح محاولة تعلم الذرابة وحسن الاستقبال: معليش عارفة انكم تستقبلون لكن اقصد لو كنتي لحالك يا حلوة كيف بتستقبلين ضيوفك لو كانوا رسميين 00مثلا اهل زوجك زايرينك ولازم توينهم سناعتك وشلون لانك انتي اللي بتجيبن لهم القهوة والشاهي و0الخ
خامسا: وانا ااكد على هالشي اللي هو (فن التعامل مع الاطفال) والله يا صبايا ياني شفت العجب في تعامل بعض البنات مع الصغار 00انواااااع الجفاسة والدفاشة :angry2: ولا لها حلم معهم 00
انا الحمدلله واعوذ بالله من كلمة انا ( قولوا ماشاء الله بس خخخ) احب الصغار واحب اتعامل معهم 00عيال اخواتي يحبوووووووووووني لاني اسولف معهم انزل لمستواهم وبنفس الوقت ماا اسكت عن الغلط00والله اذا نزلتي لتفكيرهم عرفتي وش يبون بالضبط :) عكس اختي اللي تشاركني بالغرفه مسكينه مالها خلق معهم وتلاقينهم بس يتحرشون فيها خخخخخخخ بنفس الغرفه لكن فرق في تعامل الصغار معنا 00يا حبيلهم بس 00الله يصلحهم
سادسا : والاهم 000بررررررري بامك وابوك 000لانك ماراح تعرفين قدرهم الا لما تصيرين ام وتصيرين بنفس مكانهم ساعتها بتفهمين متطلباتهم وبتعرفين قد ايش تعبوا فينا :( ووانا ما ازكي نفسي والله اني مقصرررررررة حييييييييييل ببرهم 00الله يعيني ويقدرني ارد ولو جزء بسييييييط من جمايلهم علينا00وبعدين فعلا فكري 00جايبين بنت ببلاش؟! حدها نومة قومه واكل وبس خخخخ ايه وانا اختك بري فيهم واقعدي معاهم وخذي بخاطرهم ولا تروحين منهم الا هم راضين عنك واسألي الله رضاهم عليك بعد رضاه سبحانه 00لانه طاعه الله من طاعتهم ولان البر من اسباب التوفيق في الدنيا والاخرة
سابعا: الاهتمام بالشكل خخخخخخخخخخ جد والله يا بنات ترا العين مجبولة انها تحب كل جميل واناما اقصد جمال الشكل لكن اللي اقصده الترتيب 00مثلا الاهتمام بالبشرة والشعر 00يعني بما ان احنا باجازة المفروض نحورف باعمارنا ههههههههههههههههه ولا اكثر من طرق اللي يحطونها البنات بممنتدى البشرة والشعر واللي تكون موجودة اغلبها في كل بيت بس انتم اتركوا العجزززززز00طبعا هذا اذا كنت بنت او متزوجة اكييييييد
ثامنا: الدعاااااااااء بأن يرزقنا الله الازواج الصالحين اللي يحبونا ونحبهم حييييييل ويرزقنا منهم الذرية الصالحة يا رب
آآخر شي اتمنى انكم تتفاعلون معي وتبدون معي هالطريقة لاني بذن الله بسويها وانا ان شاء الله مستفيدة سواء اعرست اولا 00لانه اكيييييييد هو الخسران اذا ماجاني خخخخخخخخخخخ
يلا عاد لا تفشلوووني :26: ابي تفاعلكم