السلام عليكم رحمة الله
والله إني أكتب والدمعة محجرة في عيني أنا بنت عمري ثلاثين سنة ولسة ما تزوجت أحس إني كبرت كثير والله إني إا شفت الأطفال أطير بهم في قلبي وعيني تطيح عليه وأتخله ولدي ولا بنتي
ما شاء الله أختي أكبر مني بسنة تزوجت م أربع سنوات ما شاء الله وعندها عيال الآن وزوجة أخوي أكبر مني بسنتين وعيالها ماشاء الله في المدرسة والسنة الجاية بحول الله بتلحقهم أختهم ما شاء الله
في فترة الماضية سافرت زوجة أخوي لأهلها لموضوع طارئ عند أهلها وعيالها عندهم مدارس والله كنت أقوم الصبح أفطرهم وألبسهم وأطيبهم وأدهنهم وأسبحهم وأعشيهم وأفرش أسنانهم وأنا فرحانة أتمنى أحد منهم يقلي يا أمي مع أنهم مرة مرتاحين معي وفرحانين جدا إني معهم بصراحة أتخيلهم عيالي مرة من المرات زل لد أخوي أو نطقها بقصد وقال يا أمي بغي يطير قلبي ,والحين ولد أخوي الصغير عمرة 9 شهور والمشكلةإني مرة متعلقة فيه وأحبه وصار شكلي ملفت , كل يوم تجيني غصة دمعة بكا وأدعي ربي إنه يرزقني الزوج الصالح والذرية الصالحة , المشكلة إخواني كل ما قابلوني قالو الله يزوجك حتى أمي تقعد تسولف مع خواتي واللي أصغر مني وتقل ياليتها تعرس, أحيانا أوقف عند المراية وأشد قميصي من عند بطني لقدام وأتخيل إني حامل ,مرة من المرات سجلت صوت ولد أخوي وهو مولود وهو يبكي من زمان ولا زلت محتفظة بالصوت عندي أحيان كثيرة أحن أسمع صوته وأتخيل إنه ولدي ,المشكلة زوجة أخوي معنا في البيت ا ودي فيها تحس بي من ناحية عيالها ما شاء الله الله يخليهم لها يا رب تشوف برهم , كثير من بنات جماعتنا تزوجو ما شاء الله حتى اللي كنت أنا أسبحها وأبسها ماشاء الله الحين متزوجة ,أخت زوجة أخوي بعمري ما شاء الله تملكت الخميس اللي فات معى إني كنت أواسي نفسي فيهاء وما شاء الله الله يسعدها , وكمان صديقاتي معظمهم تزجوا وبعضهم خلفا ما شاء الله تبارك الرحمن
والله يا بنات لو تحسون باللي أحسبه بنات تكفون ادعو لي أدعو لي أدعولي يالله يالله يالله يا رب يارب يارب :(
يلزم عليك تسجيل الدخول أولًا لكتابة تعليق.
الله يرزقك بأبن الحلال اللي يعوض صبرك خير ويرزقك عيال كثر عيال حارتنا ههههههههههه<<< وحدة متأذية من عيال الحارة
ويرزقك بر عيالك يارب
ويرزقك بر عيالك يارب
صراحه مدري وش اكتب لك رغم اني ماحسيت بهالمعاناه بس لي قريبات ارحمهم وادعيلهم ماتجي العطله الا وهم متزوجين الله يكتب لك الزوج الصالح عاجلا غير اجل انتي وبنات المسلمين اجمعين قادر ياكريم
ياعمري والله
انا بنفس عمرك تقريبا ومتزوجة من عشره سنين
وصديقتي كانت تدرس معاي الى الان ماتزوجت وحاسه فيها وفيك والله
بس لاتستعجلين على رزقك ياقلبي
يمكن خيره من الله
وربي مرات من رجة وازعاج اولادي ودي اجلس يوم كامل في هدوء وبعيد عن ازعاجهم
يعني قد ماهم طعمين وحلوين الا انهم مزززززعجين بشكل
وتذكري قوله سبحانه وتعالى:
وعسى ان تكرهو شيئا وهو خير لكم
انا بنفس عمرك تقريبا ومتزوجة من عشره سنين
وصديقتي كانت تدرس معاي الى الان ماتزوجت وحاسه فيها وفيك والله
بس لاتستعجلين على رزقك ياقلبي
يمكن خيره من الله
وربي مرات من رجة وازعاج اولادي ودي اجلس يوم كامل في هدوء وبعيد عن ازعاجهم
يعني قد ماهم طعمين وحلوين الا انهم مزززززعجين بشكل
وتذكري قوله سبحانه وتعالى:
وعسى ان تكرهو شيئا وهو خير لكم
الصفحة الأخيرة
ولايحرمك من كلمة ماما
وتصيري أحلى أم بالدنيا