سلام يا قلبي
بالنسبة للجزيرة معك حق في الجزيرة المتحركة أنها عملية و ما تأخذ مكان بس انا كمان ما دخلت مزاجي
لأني افكر في الدولاب اللي تحت الجزيرة لما احركها الأغراض اللي جوه ما تتحرك يعني الدولاب مو لازم له كل شويه ترتيب
و الله ما أدري فكرت اسوي جزيرة جانبية زي اول صورة هي اللي عاجبتني

مراميه
تسلمي يا قلبي
انا قلت الارض حاعملها بيج اللي زي الخشب
والحيطان يمكن اخليها بيضاء عشان يفتح لي اللون
ولا لازم الحيطان والارضيه يكونوا نفس اللون؟؟؟
شكرا يا قلبي على ردك على سؤالي

فراوله حبيبتي
انا زيك حأسوي الجزيرة جانبية
بس مفكرة أعملها على شكل هلالي مو مستطيل

ربنا ييسر

قصدك جزيرة على شكل هلالي عشان يكون لك مكان توقفي عليها وشكلها راح يكون حلو وغريب غير المعروف
و الله انا ودي بالجزيرة عشان حاجتين : 1/ في رمضان و اه من رمضان و العجين لأن زوجي يموت في سمبوسة العجينه
2/ ممكن نأكل عليها زي طاولة اكل لوجبة الفطور او العشا لأنه بس انا و زوجي وبنتي لسه ما كملت 3 سنين و اخوها اصغر منها فأتوقع تكفينا <<< و الله احلام

فراولايه
ما شاء الله
الله يخليلك ويخلي لي
نفس اللي عندي بنتي 4 سنين وولدي اصغر منها
ونس الشي انا ابغاها اكتر شي عشان العجين وفرده
احب يكون عندي مساحة كافية
وخلينا نحلم يا قلبي
الاحلام ببلاش
بس يارب تتحقق
انا ابغاها هلاليه بس تكون عريضه عشان يكون لي مكان اوقف وكمان ابغاها تبعد عن الجدار الرابع عندي
لاني مخليته فاضي
لبرادة المويه وعلى قدام ابغى اجيب فريزير فما ابغاها تكون مستقيمة وتضيق علي
ان شاء الله تكوني فهمتي قصدي
ايش رايك؟؟
واحيانا افكر اعملها في الوسط وخلاص بس انا احب يكون الوسط فاضي يسهل الحركه مرررة

ولااا شو رايك

هلا حبيبتي
انا شوف الجانبية احسن اذا كان مطبخك صغير اما لو كان ما شاء الله كبير فلا خذي اللي في الوسط لكن أنت اذا رحتي محل المطابخ هو المهندس راح يقول لك اش يناسبه اي نوع
انا مطبخي 4.6 × 3.8 يعني مو مرة كبير عشان كذا افكر احط الجزيرة جانبية و اختار لون فاتح
انا رحت محل في شارع صاري و قال لي انه احسن شيء احط الفرن وسط الجزيرة بس ما عجبتني الفكرة لأنه راح احط الفرن داخل و الجزيرة قريبة من الباب
فأنا اقولك الافضل تكون جانبية لأنه زيها زي الوسط بالعكس الجانبيه ممكن تعمليها هلالية و توفر لك مساحة
و تقبلي رأي