يا أقماار ممكن تقولولي

للأب وأخوانك الكبار دهن عود
لأخوانك الصغار فلوووووووووووس(عيديات)
وعلبة حلاوة شوكولاين او باتشي

مادري حبيبتي بس احنا بالكوييت من عاداتنا ان العيديه بالعييد تموون (((فلوووس)))
ومانعطي هدايا....
نودي حلو للبيت اللي بنزوره ونعطيه للكبار يعني الام والعمه ..فلووس
ونعطي للاطفاال..فلوس ايضا..
وانا بالنسبة لي اعطي امي...واعطي خواتي اللي ما اشتغلوا..
واي المسكينه بعد تحرجني وتعطيني العيدية وتعطي عيااالي...(الله يخليها لي)
وامي هي بعد للحين تعطي امها...
يعني احنا السائد عندنا...ان العيديه فلووس
اما الهدايا..فتكوون نقصه>>كلمة كويتيه يعني هديه باي وقت..نجيب يا بخوور وملفع ..او مسباح مع عوود للوالد...
ومرات نجيب لامي دراعه كشخه..مع عطر
مرة جبت لها قرآن كبيييييير(XXXL)..لانها الله يحفظها نظرها ضعف..واستانست على القرآن
جبته لها مع سجاده جديده مبخره ومعطره ..
الوالد زوجي يهدييه تلفوون موباليل(ابو متطور)خخخخ
مرات يجيبله خاام دشاشه...
يعني..على حسب شنوو يحب..وانا ابوي اكثر شي يحب العطوور العربيه (العود والمخلطات) فما يتعبني ولا يحيرني...
اتمنى اكوون افدتج....الله يخليلج والدينج يارب

انا احب اهدي دهن عود وعود ..
لابوي و
لاخواني ..