الافضل انتج تبدين تعلمينه ينام لوحده قبل .. بعدها تعلمينه على الحمام .. لانه اكيد بيسويها في الليل بدون ما يقصد .. كل الاطفال يسوونها .. و انت اكيد ما تبينه يسويها على سريرج .. صعب تنظيفه .. بس اسهل و اخف اذا نظفتي فراشه هو
فهمتيني
ان شاء الله اكون افدتج

السيدة ماما
الله يجزاك خير
صح والله يسير غسيل فراشه اسهل
لكن هل اذا بديت اعلمه امنع عنه الحفاظ نهائيا حتى في الليل ما البسه
طيب وفي الطلعات او في السياره
أخاف إني مره البسه ومره افصخها ولا يتعلم
والله إني مدري
افيدوني الله يجزاكم خير

لا في البدايه لبسيه في الطلعات وفي السياره لين يتعود
وموشرط يتعلم على طول يبي وقت خصوصا اذا كان طفلك الاول
اول ماتبدين معاه احسن شي لبسيه وقت النوم فقط والطلعات
وبعدين يبدا يتعود
والله يعينك:26:
بس حبيت انبهك اختي على التوقيع
العظيم مو العضيم
:26:

بالعكس اختي honeyyy مع احترامي لرايج
اذا الوحدة قررت تبدا تعلم طفلها على الحمام ، لازم خلاص تشل الحفاظة نهائي .. ها الشي ممكن شوي صعب و متعب .. بس اذا لبستي الطفل الحفاظة حق النوم او اي سبب ثاني بيتشتت تفكير الطفل .. يعني مره يلبس او مره ما يلبس .. ما بيفهم المسكين ليش ها الشي يصير ، طبعا الا بعد فتره ، لأن طفل و استيعابه مش سريع مثل الكبار .. و ها الشي يمكن يأخر عملية التمرين على الحمام .. هي ان شاء الله بتم ، بس ببتأخر

لكن لو شلتي الحفاظة نهائي ، ان شاء الله الطفل بيتعلم أسرع .. خلاص شي واحد في باله .. مش مره هيه و مره لا .. حتى مرات اذا الطفل تعب من مسألة التعليم ممكن يسوي حركات قهر في الام و بيسويها على نفسه ، لأنه في احتمال ان الام تلبسه الحفاظة .. و هذا اسهله من الروحة للحمام

والله في وايد نسوان يسوون حركة حفاظة الليل .. بس بصراحة تبطأ من عملية التعليم .. أحيانا محد يلاحظ ها الشي .. أنا أقول ها الكلام عن تجربة

أهم شي ان الام اطول بالها ، تصبر نفسها .. و ما تتطلع وايد خلال الشهر الاول .. و بالليل قوميه كل ثلاث ساعات .. وااااااااااااااااااااااااااييد تعب على الام ، بس ان شاء الله لمصلحة الطفل

الله يوفقكم

السيده ماما
مشكوره على وجهة نظرك بس اقصد صعبه تاخذ طفل توه بادي يتعلم للناس تعرفين بيحوس الدنيا ويعملها في كل مكان وكذلك في السياره
انا قصدي في البدايه تلبسه وقت الطلعات والنوم واذا بدا يعرف وينتبه تبطل تلبسه
هذا قصدي
يعطيك العافيه:26: :26: