. بسم الله الرحمن الرحيم
السلام عليكم ورحمة الله وبركاته
هذا السؤال طرئ على بالي
معروف كل ام تخلي وقتها لعيالها
تربي تدرس تمرض تعالج
يعني تقوم بجميع المسؤليات تجاه عيالها
ويروح وقتها في خدمتهم
وطبعا هذا واجبها وما يختلف في هذا اثنين بسبب ان الله خلق المرأة وكون فطرتها بحبها لاطفالها ورعايتهم
لكن سؤالي هل تجعلين لك وقت دون اطفالك تستمتعين فيه
مثلا
تواعدين صديقاتك
تروحين زيارة انت تستمتعين فيها
سفرة انت وزوجك
يعني شي انت بمقدورك تاخذين اطفالك او تشاركينهم
لكن تقولين هذا وقتي
اذكر وحدة
تقول انا ادلل نفسي
اذا ناموا عيالي اطلب لي وجبة استمتع فيها
لاتقولون حرام عيالها ماكلوا
لا لانها تقول انا دايم ادلعهم وارفه عنهم.
بس هذا وقتي
وحدة تقول اذا تواعدت انا وصيقاتي بنطلع كل وحدة تجيب عيالها
وانا اقول ما ابغى اخذهم هذا وقتي
حتى الزوج ممكن احيانا يكون يشاركك وانت مالك وقت لوحدك
تحسين انك بحاجة تتركينه وتاخذين لك وقتك تلتقطين انفاسك
هل جربت تروحين تسوق في هايبر ماركت
وتتسوقين اللي نفسك فيه من دون ماتفكرين في عيالك وزوجك وبيتك
طبعا اذا كنت مدلعتهم مو تجحدينهم
مثلا تاخذين شوكولاته نفسك فيها
فاكهه مشتهيتها
كوب عشان تدلعين نفسك في قهوتك الخاصه
دائما اذا رحنا هايبر ماركت همنا بيوتنا وعيالنا
نشتري نواقص بيوتنا واللي يحبونه عيالنا
انتي سوي هذي كل فترة وشوفي كيف بترتاحين
اذكر وحده تقول كنت بروح للسوق ابشتري ملابس لي
تقول وانا عادتي اذا دخلت السوق
اخذ بنطلون لولدي تنورة لبنتي ايشارب للشغاله
تقول انا اكون مخططه اني اشتري لي 4 قطع
تقول ما ادري الا الميزانية ماتكفي الا لقطعه او قطعتتين
بسبب اني اخذ لعيالي
اسفة قرقت كثير بس عشان ابين لكم صورة الموضوع
يالله يا امهات يامكافحات شاركونا
بأرائكم
هل بالفعل انت محتاجة لهذا الوقت وهذي الفسحه
والا لا
(الرزان) @alrzan_4
محررة ماسية
يلزم عليك تسجيل الدخول أولًا لكتابة تعليق.
نواره ورديه
•
ضروري جدا ماننسى انفسنا --انا اذا نامو عيالي بدري استرخي واكل وجبتي بكل هدوء اما سالفة السوق عجزت افصل هههه
الصفحة الأخيرة