يا أمهات هل اخلي ولدي يعيد الصف الثاني ؟

ما انصحك انه يعييد ابدا ..انت اشتغلي عليه يعني علميه الحروف والارقام واسسيه زين وبيمشي معاك حبة حبة لكن الاعادة انا ضدها ....

الله يسعدك ويبارك لك بذريتك..

لا ابدا لا تخلينه يعيد السنه انتي ابدأي معاه من للحين او جيبي له مدرس خصوصي واستمري معاه حتى في الإجازه لين تحسينه تعلم واتقن المهارات 

الله يشفيه ويعافيه ويحفظو لك
انتي أدرى بولدك اذا انتي شايفه انو لو عاد حيتحسن وضعو حليه يعيد بس استخيري قبل كل شي
و انتبهو لاتضغطو عليه حيكره المدرسه و حتتعبو الين تحببوه فيها

واهم شي بهادي المرحله الصعبه التشجييييييع شجعي ولدك عالتعلم و حاولي معاه لمن ينجز كافئيه وقوليلو بطل وشاااطر و انته ممتاز وحكي ابوه كانك مو شافيتو وخلي ابوه بمثل انو متعجب ومنبهر عشان ولدك يتحمس اكثر وحيصير بنفسو يبغى يتعلم ولمن يغلط لاتعصبي ولاتبيني انك فقدتي الأمل وقوليلو معليش كلنا نغلط بس لاااازم نحاول الين نتعلم

ولو تحاولي تشركيه بالأنشظه المدرسيه سواء اعمال او اذاعة او غيرو عشان يتعلق بالمدرسه ولا يفكر انها بس مذاكره وواجبات

جاهدي معاه دحين وحترتاحي بكرا لمن يحب المدرسه ويعتمد على نفسو

البه يعينك يااااارب وجميع المسلمين ويوفق ولدك ويشفيييه وتشوفيه الأول عالفصل

اذا بتقدري جيبي له ايباد ونزلي كل الاعاب التعليمية وخصصيله وقت كل يوم اجلسي معاه عالايباد بيتعلم كتير من تجربة ابني عمره 3 سنوات وحافظ الاحرف والارقام ماشاء الله والالوان والاشكال كلو انجلش من الايباد بيتسلى فيه وفي كتير العاب مفيدة للطفل
بس ما تنزلي اي لعبة فيها عنف وضرب وتضييع وقت

لاحرام ليش تخليه يعيد سنة دخليه في الاجازة مراكز صيفيه او جيبي له مدرس او مدرسه خصوصيه وسيبيك من التأسيس والكلام هذا تضيعي عليه تعب سنة كاملة وانتي تقدري تفهميه وتعليمة الاساسيات بالبيت والاجازة طويلة حاولي لو كل يوم ساعتين يتعلم فيها شي بس ابد لايعيد السنة