بسم الله الرحمن الرحيم
والصلاة والسلام على خير المرسلين سيدنا محمد وعلى آله وصحبه ومن تبعهم بإحسان إلى يوم الدين..
معليش معليش..هدّو اللعب.. لحظه شوي!!
صحيح عنواني عنيف بس أتواقع الواقع أعنف شوي:30:..
واللي براسها عنف تمسك لها ضحيه وتحرحر فيها لين يطيح كل اللي براسها..
بعدين ترد علي برواق:S_45:..
معليش بنات أنا أم حالي حالكم..
بس أعتقد مو المشكله بالأمومه!!!
المشكله في التربيه وهل أنتي أم كفء تخرّجين لنا
أجيال اسلاميه على درجه عاليه من الأخلاق؟؟
بنات بالله عليكم وش رايكم بأمهات وبنات اليوم؟؟؟
اللي تلقينك لا عزمتيها ربطتي راسك قبل تجي من عيالها اللي أول مايدخلون..
مايدرون وش يتبدون فيه بيتك وإلا عيالك:23:؟؟
وإذا انطلقوا على بيتك مايدرون وش يعفسون أول ثلاجتك وتقديمك وإلا أثاثك..
وإذا حطّوا براسهم عيالك مايدرون وش يختارون قبل..
شدّ الشعر وإلا خربشة الوجه..
ومو هنا المشكلــــــــــــــــــــــــــــــــــــــــه!!!
هذا كله عادي!!!
وطبيعي ان بعض الأطفال فيهم فرط نشاط أو شوية عنف..
بس اللي مو عادي!!!
أنك تلقين أمه مبرده ولاااا كن شي حاصل
ومافي أمل تحرك سااااااكن!!!!!!
يعني تلقين عيالها مسوين زيطه وزمبليطه بمطبخك وإلا صالتك فاتحينها
حلبة ملاكمه:024: والضحيه وطفلك الضعيف...
وأمه فاتحه فمها بعز السولافه ماقطعتها
وتزرط من حلااااك :f226:وماجابت خبرك!!!!!!!!!
ولو نبهتيها بكل سياسه وأدب زي ماحصل معي
يوم وحده ولدها كفخ بناتي..
وحنّا تونا نقول بسم الله ياهادي..تونا داخلين العزيمه..
ردّت وبكل برود..
ولدي يحط حرته ببناتك عشانه متعقد من عيال عمه
أكبر منه ويضربونه وماعنده أحد صغير يفرّغ فيه..
ويوم شاف بناتك صغار سوى فيهم زي مايسوون فيه عيال عمه..
ياااااااسلام:mad:
يختي ولدك متعقد يعقد بناتي معه..استغفر الله..
وبناتي حقل تجارب لتدريب ولدها؟؟مافكرت تهاوشه أول تقوله شي!!!!!
لاااا والمصيبه أحيانا لما تقولك..ولدي ملاك مايضرب إلا اللي يجيه:dry:..ماشاء الله حكمت وهي ماشافت كله عشانها تحكم عواطفها وبس!!!
والأدهى لما تجيك الأم موبس سلبيه وماتربي عيالها..
لاااا تربيهم وتحرضهم بس على أيش؟؟
على العنف والشراسه والكبرياء والأنانيه والغرور!!!
مثلاً صديقة بنتي بالفصل ديما تجي تشتكي منها
تقول ماما فلانه تقولي لاتصادقين السمر ومره
تقولها لا تصادقين الكسلانات ومره تجي مقهوره
منها خصوصاً لما تلبس بنتي كوتش جديد وإلا تروح بشنطه جديده تجلس تطنز فيها..
مسيكينه احسّها مره غيوره وأخلاقها مدري
كيف..بس أشوف العتب على أمها ماتوجهها
وتحاول تتكلم معاها عشان تغير من سلوكها
المتعجرف..
صحيح البنت بالإبتدائي بس مو صغيره بالعكس هذا هوالسن المناسب لتعليم الطفل الأداب ولا ننسى أن رسولنا الكريم صلى الله عليه وسلمكان يعلم الغلام آداب الطعام وأمر بالصلاة وتعليمها
وكل الأساسيات الدينيه في هذا السن..
والمشكله لماتكون الأم وراء كل التصرفات السيئه للطفل..
لاتصادق فلان ولا تعطي علاّن شي..
وتراك أحسن الناس والناس كلها تغارمنك!!!
وكل الموضوع كوم واللي مدلّلـه بناتها المراهقات على حساب أخلاقهم كوم ثاني..
اللي مطلعه لها جوال وعمرها ماتجاوز العشرين وتمشي وتصور نفسها بكل زاويه بلا حسيب ولا رقيب..وأقل المصايب وقتها جوالي ضاع!!!
وإلا فاكه لها الاب توب وطول الليل البنيه بغرفتها سهرانه عليه..وأمها بسابع نومه..
والحجه..بنتي ثقــــــــــــــــــــــــــــــــــــــــــــــــــه
يختي مدري من وين جايه قمة الثقه هذي:bkh:
مدري من قلة الدشوش وإلا من كون البنت ماتطلع من مصلاها والإ من كبرعقلها
وإلا هي من قوم معصومين من الخطأ
وإلا تكون من الصحابيات ومادرينا عنها استغفرالله..
ياناس حنّا مانبي نحرم بناتنا من التقدم بس لازم نكون واعين وقد مسؤليته الرعايه
لأن كلنا راعي ومسؤل عن رعيته..
وبعض الأمهات للأسف تلقين بناتها جالسات بصدر المجلس والحريم الكبارجالسات بالطرف أويتلفتون مالهم مكان ولا تكلف نفسها
تامربناتها يوخرون والأبناتها يحسون على دمهم ويفسحون مجال للحريم الكبار..
وتلقينهم بعد من زود البجاحه يمدون يديهم
بالفناجيل وعمتها أوخالتها تصب:huh:..
ماقالت عنك ياخاله:angry2:!!!!!!!
والمصيبه إذا جت تتزوج قصدي إذا جت تدخل الحرب..
يبدأ الأستعداد للمعركه..
يابنت لاتعطين حمولتك وجه...
وخالتك لاتهمك..أهم ماعليك زوجك والباقي طنشيه...
وبيتك لايطبونه عشان مايتعودون عليك وتزيد الميانه...
حشــــــــــــــــــــــــــــــــــــــى ماصااااارت!!!
بالله بنت زي هذي أي جيل بتربي إذا من أولها
داخله على حرب مع أسره مسلمه تخوض فيها
كل أسلحة العداوه والقطيعه والكبرياء؟؟؟
يختي اصبري وبدّي الطيب
وإذا حصل أي اشتباكات..
انسحبي بهدوء..لين تهدأ الأوضاع..
واتجهي إلى استئناف المفاوضات والسياسه..
ولا تحاولي معاودة القصف أبداااا..
وخلينا نكون أمهات قد المسؤليه لتخريّج الأجيال
الطيبه والخلوقه..
التي تدل فعلا على الشخصيه المسلمه..
أي صاحبة ذوق ورأي تربوي تتفضل
واللي عندها تصرف أو موقف قاهرها تتفضل
واللي تبي اضحي فيها العيد الجاي لا ترد..
نـــــــــــــــــــــــــــــــــــــــــــــاااااطرتكم...
يلزم عليك تسجيل الدخول أولًا لكتابة تعليق.
ههههههههههههههههههه والله انك صاااااااددددقه
لا لي يرررفع ضغط صدق ولد كبر الاصبع يضرربك
ياااربي والله انا تضيع علوومي :)
لا لي يرررفع ضغط صدق ولد كبر الاصبع يضرربك
ياااربي والله انا تضيع علوومي :)
أفااااااااااااا وين الناااااااااااااااس:16: ما اعذركم إلا إذا عالم حواء معلّق معاكم زي حالتي:( وغيره يفتح الله...سنيت سكيني:30:.. بسم الله أخوووووف:eek: صححححح..أفااااااااااااا وين الناااااااااااااااس:16: ما اعذركم إلا إذا عالم حواء معلّق معاكم زي...
السلام عليكم
أول شي احب اقولك انا ماني ام ولكن راح اتكلم من واقع الحياة الي عايشينها وواقع اني اكبر اخواتي وعندي 2 مراهقات
بالنسبه للأطفال مهما تكلمتي مراح تخلصين منهم يعني بالله هالي ولدها ضرب بناتك تتوقعين تقولك اي والله ولدي شرس وشراني ومدري وشو
اكيد بتداري عليه مافيه ام بتقول عن ولدها كذا وحتى لو هي عارفه في قرارة نفسها انه بها الشكل
الحل انك ماتصغري عقلك وتتفاهمي مع الام اتفاهمي مع الولد ضربه خفيفه تهزيئه قويه يعني من هالكلام ولا خلي بنتك تضربه وان كنتي عازمتها في بيتك مره ثانيه نبهي عليها لاتجيب عيالها حياها لحالها مافيها شي والله
اما انها بتقوم قدامك وتمسك عيالها واجلس ياولد ولاتنط ياولد اولا مراح تتهنا بالجلسه وبتزيدهم شعله نشاط
معروف عند الاطفال قولي له اترك هالشي بيمسك
لاتروح هنا راح
فالمسأله صعبه شوي
بالنسبه للمراهقات وسالفه ماعطيها جوال ولا لاب توب
احب اقولك ترا كل مامنعتيهم من شي زادت حلاوته في عيونهم وصدقيني راح تجيبه من وراك لاتحرمي البنت ولا تضيقي عليها في هالسن
بالعكس كوني صاحبتها
امي تقولها وترددها انا ربيت وزرعت الاصل ووجهت والباقي عليكم
يعني فاتحه لنا الابواب
لازم ثقه يا اختي لازم تعطينهم شويه ثقه وتحسسينها انها كبرت وان لها قيمتها مهوب حرمان عشان والله ماكملتي العشرين
وحتى لو فرضنا انها ماجابت من وراك ولا سوت هالشي مجرد ماتوصل العشرين وتطلبه تلاقيها زي المفجوعه تبغا تجرب كل شي يعني اندفاع كبير جدا وربما لاتحمد عواقب هالاندفاع
برأيي اعطيها لكن خليك وراها وبدون ماتحس
مثلا عالتصوير قولي لها الجوال لا عشان لو ضاع كذا بيصير طيب افرضي انسرق اتناقشي معاها
واذا هي تحب تصور نفسها مره جيبيلها كاميرا من هالرخيصه ماليه السوق
عالاقل الكاميرا مراح تطلع من البيت زي الجوال
واذا عالسهر والله على ايامي لا نت ولا تلفزيون ولا جوال وكمان اسهر >>ماتذكر وش كنت اسوي بس سهرانين
فرقت يعني لو سهرت ومعاها لاب توب ماهي الي بتسويه في الليل بتسويه في النهار لو تبي ماحد حادها والله
يعني ممكن تجلسي معاها وتوفريلها مكان تسلي نفسها فيه في الاجازه من انديه من مراكز صيفيه الخ
ممكن انتي تسوي لها جدول في البيت تتعلم شي مفيد توفرين لها اشياء هيا تحبها عشان تنمي هواياتها
صراحه اخواتي الاثنين الصيفيه الي فاتت قدرت اسيطر على السهر مو عشان شاكه فيهم ولا شي لا عشان صحتهم بس والله يجي رمضان كل شي يتقلب خصوصا النوم يعني احنا الكبار مانمنا بالليل بالله بقولهم قوموا ناموا وخلوا هالاب توبات عنكم!
ونفس الكلام حتى لو شفتيها تدخل شات لاتقومين حرب عليها لا مثلا حكيها قصه انه صاحبتك بنتها تدخل شات وامها مره خايفه عليها
بعدين قولي لها ايش رايك باللي يدخل
واجلسوا اتناقشوا بالموضوع
وان مانفع معها والله لا احذف الجافا من جهازها خلها تحوس ساعتها >>شريره
يعني بتصرف من غير تحس عشان لاتعاند
عالاقل شي شاغلهم بدل ماهم ناشبين بحلقي قومي مشينا قومي ودينا هنا ولا هنا
وبالأخير الدعاء الدعاء الدعاء
والله ان له تأثير كبير عالابناء واغلب الامهات غافلين عنه
تلقينها لاجات تدعي على بنتها روحي الله ياخذك الله مدري وشو
وشفيها لو دعت الله يهديك!
معليش اذا انا كنت بخالفك رأيك لكن هذا رأيي وبكل صراحه وعن تجربه
دمت بخير
أول شي احب اقولك انا ماني ام ولكن راح اتكلم من واقع الحياة الي عايشينها وواقع اني اكبر اخواتي وعندي 2 مراهقات
بالنسبه للأطفال مهما تكلمتي مراح تخلصين منهم يعني بالله هالي ولدها ضرب بناتك تتوقعين تقولك اي والله ولدي شرس وشراني ومدري وشو
اكيد بتداري عليه مافيه ام بتقول عن ولدها كذا وحتى لو هي عارفه في قرارة نفسها انه بها الشكل
الحل انك ماتصغري عقلك وتتفاهمي مع الام اتفاهمي مع الولد ضربه خفيفه تهزيئه قويه يعني من هالكلام ولا خلي بنتك تضربه وان كنتي عازمتها في بيتك مره ثانيه نبهي عليها لاتجيب عيالها حياها لحالها مافيها شي والله
اما انها بتقوم قدامك وتمسك عيالها واجلس ياولد ولاتنط ياولد اولا مراح تتهنا بالجلسه وبتزيدهم شعله نشاط
معروف عند الاطفال قولي له اترك هالشي بيمسك
لاتروح هنا راح
فالمسأله صعبه شوي
بالنسبه للمراهقات وسالفه ماعطيها جوال ولا لاب توب
احب اقولك ترا كل مامنعتيهم من شي زادت حلاوته في عيونهم وصدقيني راح تجيبه من وراك لاتحرمي البنت ولا تضيقي عليها في هالسن
بالعكس كوني صاحبتها
امي تقولها وترددها انا ربيت وزرعت الاصل ووجهت والباقي عليكم
يعني فاتحه لنا الابواب
لازم ثقه يا اختي لازم تعطينهم شويه ثقه وتحسسينها انها كبرت وان لها قيمتها مهوب حرمان عشان والله ماكملتي العشرين
وحتى لو فرضنا انها ماجابت من وراك ولا سوت هالشي مجرد ماتوصل العشرين وتطلبه تلاقيها زي المفجوعه تبغا تجرب كل شي يعني اندفاع كبير جدا وربما لاتحمد عواقب هالاندفاع
برأيي اعطيها لكن خليك وراها وبدون ماتحس
مثلا عالتصوير قولي لها الجوال لا عشان لو ضاع كذا بيصير طيب افرضي انسرق اتناقشي معاها
واذا هي تحب تصور نفسها مره جيبيلها كاميرا من هالرخيصه ماليه السوق
عالاقل الكاميرا مراح تطلع من البيت زي الجوال
واذا عالسهر والله على ايامي لا نت ولا تلفزيون ولا جوال وكمان اسهر >>ماتذكر وش كنت اسوي بس سهرانين
فرقت يعني لو سهرت ومعاها لاب توب ماهي الي بتسويه في الليل بتسويه في النهار لو تبي ماحد حادها والله
يعني ممكن تجلسي معاها وتوفريلها مكان تسلي نفسها فيه في الاجازه من انديه من مراكز صيفيه الخ
ممكن انتي تسوي لها جدول في البيت تتعلم شي مفيد توفرين لها اشياء هيا تحبها عشان تنمي هواياتها
صراحه اخواتي الاثنين الصيفيه الي فاتت قدرت اسيطر على السهر مو عشان شاكه فيهم ولا شي لا عشان صحتهم بس والله يجي رمضان كل شي يتقلب خصوصا النوم يعني احنا الكبار مانمنا بالليل بالله بقولهم قوموا ناموا وخلوا هالاب توبات عنكم!
ونفس الكلام حتى لو شفتيها تدخل شات لاتقومين حرب عليها لا مثلا حكيها قصه انه صاحبتك بنتها تدخل شات وامها مره خايفه عليها
بعدين قولي لها ايش رايك باللي يدخل
واجلسوا اتناقشوا بالموضوع
وان مانفع معها والله لا احذف الجافا من جهازها خلها تحوس ساعتها >>شريره
يعني بتصرف من غير تحس عشان لاتعاند
عالاقل شي شاغلهم بدل ماهم ناشبين بحلقي قومي مشينا قومي ودينا هنا ولا هنا
وبالأخير الدعاء الدعاء الدعاء
والله ان له تأثير كبير عالابناء واغلب الامهات غافلين عنه
تلقينها لاجات تدعي على بنتها روحي الله ياخذك الله مدري وشو
وشفيها لو دعت الله يهديك!
معليش اذا انا كنت بخالفك رأيك لكن هذا رأيي وبكل صراحه وعن تجربه
دمت بخير
الصفحة الأخيرة
وين الناااااااااااااااس:16:
ما اعذركم إلا إذا عالم حواء معلّق معاكم زي حالتي:(
وغيره يفتح الله...سنيت سكيني:30:..
بسم الله أخوووووف:eek: صححححح..