يا أمهات يا خبيرات ساعدوني بنتي تعبتني آآآآآآآآه بس

السلام عليكم ورحمة الله


اخواتي يا امهات انا مررررررره تعبت تدرون صرت ودي احط بنتي عند اهلي ودي تبعد عني كرهتها
هي عمرها 3 سنوات و 9 شهور طبعا اكلها قليييييييييييل جدا ونفسيتها زفت يعني دايم زعلانه
ومو أي احد تنبسط معه تحب الشغلات تموت فيهم وهذا قاهرني تموت على شغالتنا وشغالة اهلي
ما تنسجم مع اي طفل وطبعا 24 ساعه على الايباد طبعا حقي جايني هديه ومع ذلك هي مستحوذه عليه
طبعا كلامها قليل وما تعرف تتكلم بس ذكيه لما العب معها لعب الذاكره تعرف و تعرف تعد بالعربي وبالانجلش
وتعرف الحروف يعني بسم الله عليها مافيها صعوبات تعلم

بس المشكله الكبرى واللي قاهرتني لما علمتها الحمام شفت الويل طبعا انا تعبت تعب الله اعلم به
علمتها اول شي لما كان عمرها سنتين ومافهمت علي ابد فاجلت الشغله لما صار عمرها سنتين و 9 شهور
بديت مره ثانيه مشت شوي بس صارت ظروف ورجعنا للبامبرز ثانيه بعدها جا رمضان ولهيت وكنت حامل وتعبانه
بعدين لما قرب الصيف بديت علمتها بجد وحمدلله تعلمت طبعا هي يجيها دااااااايم امساك فتعلمت على شهر
حتى صرت بالليل ما البسها بس صارت لما تبي تسوي الثاني الكبير ما تقول تمسك نفسها وتوسخ ملابسها
لدرجه صرت ارميها لي ياناس خمس شهور وانا على هالحال تخيلوا يجي يوم ما تسوي شي وهذا افضل يوم
ويجي ايام كل شي موسخه واقعد انظفها واغسل هدومها كرهت نفسي يا ناااااااس حرمتها من الايباد
لما تسوي بالحمام اشجعها وامدحها عند ابوها مع ذلك عجزت عجزت تتعلم

والله صرت اصييييييييح اخرتها تو رحت لبستها بامبرز كلوت لان كل كلوتاتها غسلتها وما نشفت
تكفون يا جماعة الخير دلوني وش اسوي ابوها يقول انتي خوفتيها وما ادري ايش تدرون لما اجيها بالهداوه واقولها
حبيبتي سوي بالحمام تقعد تصييح مع العلم انها تقعد تتعصر ما تبي تسوي كيف اعلمها تعبت وربي