هلا شويكار ..
بالنسبة للمزاحمية في غرب الرياض وتبعد عنها 40 كيلو تقريبا .. ولها توابع منها الغطغط وما تبعد كثير يعني حوالي 10 كيلو .. وشخيب كذالك .. ..... لكن المشكلة في حفيرة نساح والحويرة يبعدون عن المزاحمية تقريبا 100: 150
هذا طبعا بشكل تقريبي عن المزاحمية ( وهذا الي أعرف )
اما العينة فهي في شمال الرياض وتبعد ايضا 40 : 50 كيلو تقريبا

هلا أختي جورية
نساح والحويرة تابعين للمزاحمية ؟؟ الله يستر الله يستر
مشكورة أختي الغالية
انتظر باقي الاخوات تكفون الاربعاء بترفع الاستمارات ما أبغى اتوهق مالي الا الله ثم انتم

شوفي الخرج فيه.................


مندوبيه الدلم هذي اقرب للرياض من الخرج ما فيها قري بعيدة مرة كلها حول بعض

وفيه من القرى التابعه لادارة الخرج الرفايع على طريق الرياض عن الخرج 20 وعن الرياض 40 او اقرب على الشارع على طول انا اعتبرها من احياء الخرج

عندك المحطه والسهباء هذي مو بعيدة 20 وحولك

عن الخرج اتكلم


عندك اليمامه والهياثم قريبه 30 او اقرب اعتبرها من احياء الخرج واقرب للرياض

عندك ادارة الحوطه فيها كثير من بنات الرياض وراح يطلع طريق مباشر من الحوطه للرياض بدون المرور با الخرج يعني تبي تقرب بكثير يمكن تكون 60 او اقرب للرياض فيها قرى تابعه مدري وش هى

وفيه مندوبيه الحريق بعد الحوطه 10 او 20 او 30 مدي حولك قريبه من الحوطه ولها قرى

كل الطرق زينه ما عندنا مقطعه وبران

بس ودي اسألك انتي تبين تنقلين من وين

ويا رب اكون افدتك

هلا اختي حبيت اعقب على كلام اختي كماشة


بالنسبة للحوطة انا كنت فيها

تبعد عن الخرج 70 بالضبط وهي تقع الى جنوب الخرج يعني من الرياض 150

لأن بين الخرج والرياض 80 كلم يعني احذري الي يجون من الرياض يطلعون من بيوتهم من الساعة 3 الفجر

وحتى لو لها طريق من الرياض مباشرة تبقى بعيدة لانها جنوب الخرج

يعني الخرج بينها وبين الرياض

والحريق عنها 50 كيلو بالضبط

كلام كماشة عن الخرج وقراها تمام

أختي كماشة هلا والله طيب اللي أعرفه إن الدلم تبعد حوالي 100 كيلو عن الرياض
والخرج بس 75 كم
حركة النقل الجديدة من بين الخيارات فيها الخرج ، هجر الخرج فقط يعني أنا وحظي
أنا خايفة لاني سمعت بهجرة واخذتها من منتدى ثاني (((ابعد منطقة هي التوضحيه تبعد 80 كيلو شرق الخرج ))) يعني من الرياض حوالي 150 يا ساتر تكفون سمعتوا فيها ردوا علي الله يخليكم
ايه القرى اللي ذكرتيها حلوه بس هل اظمن انهم ينقلوني في القرى القريبة من الرياض ؟؟ أخاف يحطوني بالتوضحية واتوهق
حتى الدلم أحسها بعيدة هههههه اتشرط

الحوطة صعبة كثير علي الطريق يبي له سنوات حتى ينحط أكون وقتها بعصاي :)
مقطعة وبران عندنا هنا
حاليا أنا بالأفلاج 300 كيلومتر بس ما أروح وأجي ولا كان انكسر ظهري
هذي خامس سنة لي
تقدير المؤهل ممتاز والوظيفي بعد كله ممتاز وما أخذت ولا يوم اظطراري ولا استثنائي بس مرضي :)
اقص قصة حياتي يمكن عندك واسطة تنقلني الحين قاعدة ادور على واسطة لقيت بثلاثين ألف مهر (( هل تعتبر رشوة ؟؟))وشفيني قمت اخربط يا ربي
إذا انتي من الخرج تقدرين تفيديني

سكر زيادة هلا والله ومرحبا كلامك انتي اللي سكر زيادة

مرة ثانية فيه احد يعرف عن باقي المندوبيات اللي كتبتهم ببداية الموضوع بكره آخر فرصة لي تكفون ردوا علي
:(