يا أهل عمان ممكن هالفزعه

ما انصحك تروحيلها ..... الظاهر كل الكلام عنها كان مجرد دعايه واظن انها دجاله والله اعلم.... وهذا الكلام عن تجربه .. اكثر من شخص من عيلتي جاب دواها وبطلوع الروح ... وللاسف ما استفاد شي ... اختي اتوكلي على الله هو الشافي وحده وادعيلها بالشفاء ... والله قادر على كل شي....والسموحه على التاخير

اختي شمس القمر مشكوره على ردك لي مع اني فقدت الامل في ان احد يرد علي
تتوقعين انه دجاله طيب لو هي دجاله ليش تعطي الدواء مجاني وبعدين يقولون الوزاره مصرحه له
تكفين مافي الا انتي اللي ادرى بالموضوع افيديني

اختي ام حياه
اسفه على التاخير ... لانه ما يجيني بايميلي انه في رد على الموضوع اللي راده فيه وبالصدفه شفت ردك وعشان كذا راسليني عالخاص لو احتجت اي شي من عمان... واحنا بخدمتك وخدمة الخوات الطيبات
بالنسبه للحرمه اللي اسمها صفيه... راح اقولك قصتها مع اهلي والكثير من الناس... اهي توزع هالدواء فعلا مجاني وتوزعه يوم واحد بالاسبوع وبعد صلاه الفجر وفي بدايته شهرتها عندنا في عمان كانوا يقولون ان الدواء يشفي جميع الامراض .. وكانوا الناس يتزاحمون على بابها من جميع مناطق السلطنه ومنهم حماي وحماتي والكثير من اهلهم وكانوا يتكبدون الصعاب علشان ياخذوا هالدواء ... وعاد انتي تخيلي الزحمه اللي عليها ولدرجة ان الشرطه ينظموا الحركه عند بيتها
المهم في السالفه ضلوا اهل زوجي يجيبوا من هالدواء لمده شهور وملتزمين بجميع التعليمات ومن الشروط ان الانسان اللي يشربه لازم يكون مصلي وملتزم والشهادة لله ان اهل زوجي كثير ملتزمين وعارفين ربهم.. وللاسف ما استفادوا شي ولا شفوا من امراضهم ولما شافوا هالنتيجة وقفوا استخدام الدواء
على فكره مدة صلاحية الدواء بس اسبوع ولازم اكثر من مرة يشرب المريض الدواء... يعني لازم تكونون في عمان لمده طويله وهذا غير عملي
كما ان المراءة الان لا نسمع عنها اي اخبار .. والظاهر ان الناس ملوا منها والله اعلم.. لما ما استفادوا

شوفي اختي العزيزة... كلامي هذا كله لوجه الله ولو سمعت او شفت منها فايده... كان انا اول وحده اقولك شرفينا في عمان ... بس ما اريد اعطيك احلام ورديه وتاكدي تماما ان الشافي هو الله وحده .. واعتقد ان الناس اللي حسوا انهم استفادوا كان شفائهم بس نفسي
عموما احنا في الخدمه واي استفسار انا جاهزه والله يشفي اختك عاجلا غير اجلا ....اااااااااااااااااااااااامين
وسلامي للجميع



:24:

مشكوره اختي على ردك اللي احسه صادق
ومقنع والحمد لله ماتكبدت عناء السفر وربي يوفقك

هلا اختي .....
خلاص اختي هالموضوع خلص من زمااااان ....
كان بالاول منتشر الحين ماله كلام ... واصلا جدتي جربته مافيه فايدة ......
وبعدين ما ادري له قصص كثير ... علما بانني من عمان .... تدرين بعدين ناس قامون يسون مثلها ويقولون انه مثل دواها .... والحين انا اشوف هالسالفة خلصت محد يتكلم عنها وما انصحك تروحين لها ....