يا أهل كندا الكرام .... أرجو المساعدة!!!

السلام عليكم أختي

دخلت لأتابع الموضوع من خلال بريدي لأني أنتظر الإجابة معك

السلام عليكم pearl meme
نبدامن الاخر :بالنسبة للجو فيكي تتابعيه من الyahooفقط دخلي mississaugaوبيعطيك درجات الحرارة بالفهرنهايت والمئوي وغالبا رح يكون برد كتير.
بالنسبة الي انا عملت لاندنج قبل حوالي سنه ونص وكان شهر 7 فما واجهت صعوبه بالعكس كان الجو رائع بمسسساجا.
باتلنسبه للانتظار في المطار هدا كان ابيخ ما في الرحلة لانه جلسنا بمطار هيثرو بالروحة 5 ساعات وبالرجعة 7 ساعات وابني الصغير الله يخليه نكد شوي فتعبنا كتيربس الحمد لله عدت.
طبعا كنا حاجزين شقة مفروشه عالانترنت بس صار فينا فصل انه وصلنا الفندق الساعة 2 بالليل وما لقينا حدا ناخد منه المفتاح حاطين ورقة عالحيط انه الريسيبشن بيقفل الساعة 9 مساء وللطوارئ حاطين تلفون واتصلنا طبعا بس ما حدا رد
زوجي مسكين تركنا باغراضنا باللوبي وطلع عالشارع جاب تاكسي طبعا كان حظه منيح يلاقي بهالوقت تاكسي لانه في كندا التاكسيات عالطلب غالبا.ورحنا اوتيل تاني طبعا سعره الضعف قضينا الليله وتاني يوم رجعنا عندهم وحكينالهم اللي صار قالو حصل سوء تفاهم احنا فكرناكم بتوصلو الضهر فانتو خدو بالكم من هدي النقطة.مميزات هاي الشقة انه مقابلها في سوبرت ماركت وعالزاويه في كمان واحد اصغر فاي شي محتاجينه متل حليب وخبز موجود وكمان في مطاعم وكوفي شوب.وفي بالعمارة غرفة غسيل بتشتغل بالكوينز.
المهم كانت الشقة مس بالمستوى المتوقع بس بالنسبة للاسعار النار في تورونتو هاي ارخص شي وتعرفنا على عرب كتير متلنا جايين يعملو لاندنج وقعدنا فيها بس اسبوعين والاسبوع التالت رحنا على اوتيل كتير حلو ومرتب والخدمة فيه فعلا راقية وبيقدمو فطور من ضمن السعر بس مشكلته بالغسيل انه ما عندهم دراي كلين فاخدت الغسيل عند صاحبتي عايشة بمسسساجا غسلتلي اياه.
بالنسبة الك حاولي قبل السفر بيوم تعملي شويه فطاير جبنه وزعتر وكعك بتمر علشان مو اول ما توصلو تدورو على فطور .
أحسن شي لوجبة الغدا هو square oneهدا المول الرئيسي في مسسساجا وبتلاقي فيه كل انواع الاكل من صيني لكندي للبناني
بالنسبه للشقة الي قلتلك عنها بيعطوك ازا طلبتي ادوات مطبخ بس انا عرفت هالحكي بالاخر
وما في خدمة غرف انت بدك تنضفي لحالك بس هم بيعطوك اي شي محتاجيته والمنطقة حوالين الفندق مارينا وفيها مرسى قوارب يعني من الشباك منظر بيعقد .
بالنسبة لبنتك بالمطار خديلها دفتر رسم والوان تتسللى والك ولزوجك مجلات وجرايد عربية وعلى فكرة بمطار هيثرو كل شي متوفر بس غالي كتير.
طولت البرم
اذا بدك اي سؤال انا حاضرة وحظا موفقا بس ما قلتيلنا انتو من وين طالعين قصدي من اي بلد؟
والى اللقاء

مرحبا عزيزتي معليش مشغولة كتير بس ارجع رح رد عليك بالتفصيل انشاء الله

في الحقيقة noga2005 شكرا لك على المعلومات

بس عندي استفسار - كم المدة اللي أخذتها منك معاملة الهجرة منذ تاريخ تقديم الطلب؟ بقصد الفترة اللي قضيتيها إنت وزوجك تنتظروا الفيزا أو ال pr عشان تسافروا

مرحبا مرة تانية
ما بعرف ازا بقدر فيدكن بس رح اعمل جهدي، بالنسبة للمدة نحن اول ما قدمنا الأوراق كانت بس لزوجي ولبنتي لاني انا مالي مقدمة معاهن ، بس اخد يمكن 15 شهر عبال ما ردولنا بعدين اجت اول شي انو لازم يعمل مقابلة بلندن ، بعدين سحبوها وقالولنا خلاص موافقة مع اللاندنج على طول ، فرحنا عملنا لاندج بفانكوفر على اساس كنا ناويين انو نقعد هنيك مو بتورنتو، طبعا بدك تنتبهي وتعملي حسابك انو اول مرة بتعملي فيها لاندنج رح اطولي بإجراءات المطار نحن وصلنا هلكانين على المطار واخدت معنا ساعات عبال ما شافو الأوراق واخدو صور وعملو شوية تحقيقات متل ما بيقولو وعطونا معلومات عن البلد وعن الأماكن وهيك يعني وانتبهي انو اوراق الهجرة تكون معك يعني مو تحطيها مع العفش والشناطي ، خليها معك بشنطة ايدك، وجيبي كل الأوراق لا تنقصي شي ولو بتجيبي اوراق زياده احتياطي بيكون احسن يعني شهادات ميلاد تكون مترجمة من مكان بتعترف عليه السفارة الكندية ويعني حاولي تجيبي كل الأوراق حتى لو حسيتيها مو مهمة زيادة ولا نقصان ....
بتزكر اول ما اجينا اضطرينا نفتح حساب جاري بالبنك + بدينا نعبي اوراق بشان كروت الصحة طبعا هنن بالمطار ما رح يقصروا ورح يعطوكي كل الأشياء اللي لازم تعمليها خلال قعدتك بهالفترة بقى ما ينشغل بالك من هالناحية...
بالنسبة للجو بشهر خمسة هي السنة كان كتير كويس يعني لا برد ولا حر جو ربيعي بس جيبي معك جاكيت عادي واحد لكل فرد يعني شهر خمسة بعتقد انو منيح كتير والجو بيكون مناسب للي جايي من برا لانو اللي بيجو من برا لهون ما بيتهنوا بأشهر البرد وبالصيف اجتنا صيفية مهولة هي السنة وكان حر كتير بالصيف ....
وما تجيبي معك شي في محلات عربي وكل شي متوفر يعني بهالشهر انشاء الله ما رح تعتازي انك تجيبي معك شي من بلدك....
انشاء الله بالتوفيق وازا حبيت انا ممكن ارسللك رقمي على الخاص قبل ما تجي وازا بدك اي شي انا جاهزة