♥♥tuta♥♥ :

ما قصرت هوم, جابتلك قصة الطب, بس بدون تفصيل... شوفي يا عمري, ان جيتي امريكا بتدرسي لغة الفترة المحددة, و بعدها بتبدأي في دراسة 4 سنوات بكلوريوس احياء (لانك ناوية طب انسب شي الاحياء او كيمياء) في قسم اسمه liberal arts and sciences و اللي هي العلوم و الفنون المتحررة (هههه اضحكي على ترجمتي, اختك ما بتعرف عربي منيح). الحلو في قسم العلوم انه اول سنتين يعتبروا بداية طريق, بمعني انهم دروس عامة بينفعوا لايا تخصص في قسم العلوم, مثلا بلشتي احياء و حبيتي بعدها تغيري كيمياء او رياضيات او حتى سيكلوجيا كلها بتنفع.. و بعدها السنتين الاخيرتين هدول مركزين في التخصص اللي انتي نويتي عليه للبكلوريوس... (طبعا في ناس بتخلط الحابل بالنابل و بتاخذ دروس من السنتين الاخيرتين في اول سنتين, هي حرة و ادرى بمصلحتها و انتي حرة و ادري بمصلحتك, لكن الشرط هو انك تكوني اخذتي الدروس الprequesits لدروس التخصص يعني مثلا حبيتي تاخذي درس احياء رقم 115 و هو مطلوب للتخصص, ما بتقدري تاخذيه الا اذا اخذتي احياء رقم 110 و احياء رقم 112و لما تاخذيه يعتبروا prerequisites and electives يعني اختياريين و ممهدين لدرس رقم 115 و هلم جرى "الارقام لدروس بكلية بنت اخوي, طبعا من جامعة لجامعة بيختلف رقم الدروس و المواد"). و على فكرة في ناس بتخلص تخصصين في واحد, يعني بتاخذ مثلا a major in biology و بتاخذ a minor in philosophy مثلا, بما معني انه الدروس الاولانية في اول سنتين بينفعوا للاثنين و بتاخذ الدروس المركزة للتخصص الاولاني و الاهم بالاضافة ليه بتاخذ كذا درس لتخلص التخصص الثاني و اللي هو يعتبر ثانوي. اللي بعرفه انه التخصص البكلوريوس بده 120 ساعة ليقدر الواحد يتخرج. هلأ خلصتي او صرتي في آخر سنة من تخصص البكلوريوس و حبيتي تسجلي لكلية الطب او الصيدلة او العيون او حتى الاسنان, بتقدمي طلب و بتقدمي امتحان القبول, في حالة الطب اسمه MCAT و هالامتحان ما جربته بصراحة, لكن اللي جربه اخوي و قال عنه صعب (ترى اخوي من خريجين الثانوية بامريكا و ما بلومه على قولة صعب, كل شي بالنسبة ليهم صعب, اما خريجين البلاد بيشوفوا الدراسة اسهل من خريجين امريكا)... و اذا حصلتي على نتيجة مناسبة للقبول و كان الgpa (يعني معدلك العام بتخصص البكلوريوس و اللي هو حساب ال4 سنوات اللي درستيها و بيحبوا اللي بيكون فوق ال3.2 من 4) ان شاء الله بيقبلوكي... لا تخلي اللي حواليكي بالجامعة يقولوا waiting list و ما غيره و يحبطوكي, بما انك مغتربة بيعطوكي اولوية عن المقيم ( بيختاروا بس اعداد معينة مقيمين و اعداد معينة اجانب) المهم اذا ان شاء الله قبلوكي بكلية الطب فساعتها بتبدأي تدرسي 4 سنوات طب, من ضمنها بتاخذي clinical hours و بتنحسب لك حصة, و هي انك تشوفي طبيب عام و تداومي عنده و يشرحلك مثلا مريض دخل و ايده بتوجع, بيسألك شو نعمل, ساعتها بتقترحي و هو بيأكد اقتراحك او بيعطي حل انسب و اللي هو في هالحالة عمل اشعة لتشوفوا اذا فيها كسر مثلا... اوكي؟ هلأ بس تخلصي ال4 سنوات بتعملي امتحان الboard و اذا نجحتي فيه باذن الله فيكي تختاري عدة مستشفيات و تقولي حابة اعمل الريزيدنسي فيها, ساعتها هم على حسب المستشفى و حسب توزيع الطلاب بيختارولك من مستشفياتك وحدة تروحي ليها و تتدربي, في المستشفى بتشتغلي في غرفة الطواريء (و على فكرة ما بتكوني دكتورة كاملة و ما بيحق لك تفتحي عيادة) و كل ما تدخلي على مريض بتقولي انا فلانة الدكتورة الريزيدنت, و بتفحصي المريض و بتشوفي انسب علاج ليه و بتقولي راح اخبر الطبيب المناوب, بتروحي و تخبري الطبيب المناوب على حالة المريض و العلاج اللي شفتيه مناسب, بيروح الطبيب المناوب بيفحص المريض و يا اما بيأكد علاجك و بيعطيكي الاوكي تصرفيه للمريض او بينفيه و بيعطيكي خطة علاج جديدة.. هلا بس تخلصي الرزدنسي و تنجحي فيها (كنت فاكرة سنتين بس هوم بتقول 3 و عندها الخبر الاكيد)... ساعتها بتصيري طبيبة MD و افتخري بنفسك و افتحي بدل العيادة عشرة.. المهم ان حبيتي تكملي و تصيري مثلا دكتورة قلب او دكتورة نساء, ساعتها بتسجلي بكلية الطب لدراسة التخصص و التخصصات على حسب ما بين السنتين و ال4 سنوات الله يعين... هالنظام بامريكا فقط و ما سمعت انه بدولة ثانية, اغلب الدول البكلوريوس على الطب 6 سنوات, و اول ما تدخلي بتكوني في كلية الطب (مش الجامعة الفلانية في قسم العلوم) و بعدها طب و بعدها ريزيدنسي و بعدها تخصص... صعب؟؟؟ مستحيل؟؟؟ طبعا لا, وحدة بعرفها خلصت طبيبة اطفال (تخخص 4 سنوات) و حصلت على الشهادة الصيف الماضي بعد انجاب 5 اطفال و ابنها الكبير صار ما شاء الله 12 سنة.

ما قصرت هوم, جابتلك قصة الطب, بس بدون تفصيل... شوفي يا عمري, ان جيتي امريكا بتدرسي لغة الفترة...